Sigurbjörn Darri stóð uppi sem sigurvegari
feykir.is
Skagafjörður, Íþróttir
24.01.2025
kl. 15.32
Sigurbjörn Darri og Friðrik Henrý ánægðir með árangurinn. Mynd tekin af PKS.
Pílukastfélag Skagafjarðar stóð fyrir öðru krakkamóti í vikunni en í þetta skiptið var mótið fyrir krakka í 6. og 7. bekk. Alls voru níu krakkar skráðir til leiks og spilað var 301, double out. Byrjað var í riðlum en eftir það var útsláttarkeppni þar til einn stóð eftir sem sigurvegari. Krakkarnir stóðu sig öll frábærlega og sýndu oft á tíðum frábæra takta með góðum +100 heimsóknum og komu nokkur frábær útskot á mótinu.
Í undanúrslitum mótsins mættust Sigurbjörn Darri Pétursson og Rakel Birta Gunnarsdóttir í fyrri undanúrslitaleiknum og Friðrik Elmar Friðrikson og Friðrik Henrý Árnason í þeim seinni. Leikirnir enduðu þannig Sigurbjörn og Friðrik Henrý unnu sína leiki og enduðu því Rakel Birta og Friðrik Elmar í 3.-4. sæti en þau geta verið mjög ánægð með sína framistöðu á mótinu. Sigurbjörn Darri og Friðrik Henrý mættust því úrslitaleiknum og var hann hörkuspennandi. Henrý var að skora mjög vel og náði að koma sér á undan niður í útskot en því miður þá voru útskotin ekki alveg að detta fyrir hann í þetta skiptið og tókst Sigurbirni að nýta sér það og vann á endanum 3-1 sigur í mjög skemmtilegum úrslitaleik.
Fleiri fréttir
-
Byggðakvóti Skagastrandar skerðist um 115 tonn
feykir.is Skagafjörður, Austur-Húnavatnssýsla, Vestur-Húnavatnssýsla 24.01.2025 kl. 15.15Á vef Sveitarfélagsins Skagastrandar segir í fréttaskoti, sem var birt 24. janúar, að mikil vonbrigði hafi verið þegar Matvælaráðuneytið birti úthlutun byggðakvóta á fiskveiðiárinu 2024-2025 en úthlutun til sveitarfélagsins fer úr 170 tonnum í 55 tonn vegna fiskveiðiársins 2023-2024 í nýjustu úthlutun sem samsvarar 115 tonna skerðingu. Þegar úthlutanir fyrir önnur bæjarfélög á Norðurland vestra eru skoðuð þá fær Hvammstangi(130 tonn), Blönduós(15 tonn), Sauðárkrókur(130 tonn) og Hofsós(15 tonn) sömu úthlutun og í fyrra og er því Skagaströnd eina bæjarfélagið sem verður fyrir skerðingu á svæðinu.Meira -
Húnaþing vestra kallar eftir ábendingum
feykir.is Skagafjörður, Austur-Húnavatnssýsla, Vestur-Húnavatnssýsla 24.01.2025 kl. 14.47Nú stendur yfir vinna við gerð umferðaröryggisáætlunar fyrir Hvammstanga, Laugarbakka og Borðeyri. Fyrir nokkrum árum var sambærileg vinna unnin fyrir vegi í dreifbýli og allir vegir myndaðir og hættur skoðaðar á vegum SSNV. Sambærileg vinna fer nú í gang fyrir þéttbýlisstaði í sveitarfélaginu segir á vef Húnaþings vestra.Meira -
Sautján nýburagjafir gefnar í Húnaþingi vestra í fyrra
feykir.is Skagafjörður, Austur-Húnavatnssýsla, Vestur-Húnavatnssýsla 24.01.2025 kl. 14.40Á vef Húnaþings vestra segir að frá árinu 2023 hefur nýbökuðum foreldrum í sveitarfélaginu verið færð lítil gjöf til að bjóða nýfædda íbúa velkomna í heiminn og voru gefnar 17 gjafir á árinu 2024.Meira -
Bændur fá styrk vegna kaltjóns
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.01.2025 kl. 14.40Fram kom í fréttum fyrr í þessum mánuði að talið væri að tjón bænda á Norðurlandi vegna óhagstæðs veðurs á síðasta ári næmi rúmlega milljarði króna. Afurðatjón sauðfjárbænda væri mest en uppskerubrestur og kalskemmdir væru einnig að vega þungt.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.