Sigur í fyrsta leik - Tindastóll 6 - Grundarfjörður 0
Það var frábært fótboltaveður á Sauðárkróki í gær þegar Valdimar Pálsson flautaði til leiks í fyrsta heimaleik sumarsins. Tindastólsmenn ætluðu sér sigur í þessu leik enda á heimavelli og ekkert annað í boði.
Byrjunarlið Tindastóls var eftirfarandi: Arnar Magnús, Konni, Donni, Bjarki, Kári, Árni Einar, Árni Arnarson, Jói, Atli, Pálmi og Ingvi.
Tindastólsmenn byrjuðu betur og höfðu frumkvæði allan tímann. Leikmenn Tindastóls áttu þó í einhverjum byrjunarerfiðleikum og fundu sig ekki alveg á vellinum. Sendingar leimanna voru ekki nægilega öruggar en smátt og smátt kom þetta allt og boltinn fór að rúlla. Fyrsta mark leiksins leit dagsins ljós á 28. mín. þegar Ingvi Hrannar prjónaði sig í gegn og setti boltann örugglega í netið. Bjarki Már kom síðan með annað markið rétt fyrir lok fyrri hálfleiks eða á 45. mínútu og þannig var staðan í hálfleik.
Guðni Þór skoraði gott mark eftir góðan sprett Arnars Sig. á 48. mínútu. Árni Einar skoraði fallegt mark beint úr aukaspyrnu á 61. mínútu og á 64. mínútu skoraði síðan Arnar Sig. fimmta mark Tindastóls. Donni brenndi af vítaspyrnu en Guðni Þór skoraði sjötta markið á 90. mínútu með bananaskoti utan að kantinum.
Ágæt byrjun hjá Tindastóli og vonandi það sem koma skal. Arnar Magnús stóð sig vel í markinu þó svo ekki hafi reynt mikið á kappann. Þó varði hann glæsilega undir lok leiksins þegar Grundfirðingar komust í eina sókn sína. Vörnin virkaði ljómandi vel og engin teljandi vandræði þar á ferðinni. Bjarki og Donni voru þar eins og herforingjar og stjórnuðu til hægri og vinstri. Konni og Kári stóðu vel fyrir sínu og léku ljómandi vel. Miðjan kom einnig ágætlega út og þar börðust menn eins og ljón, Árni Einar, Jói, Atli og Árni Arnars, sem þó meiddist og þurfti að yfirgefa völlinn. Pálmi átti líka skínandi byrjun en þurfti einnig að yfirgefa völlinn eftir að hafa fengið högg á lærið. Ingvi Hrannar var fremstur og gerði ágæta hluti.
Siggi Donna skipti 5 leikmönnum inná: Arnari Sig, Guðna, Snorra, Óla Hafsteins og Simmi en þeir áttu allir fína innkomu og sinn þátt í þessum góða sigri.
/Tindastóll.is
Fleiri fréttir
-
Sigur í æfiingaleik gegn FH í frumraun bandarísku stúlknanna
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 31.03.2025 kl. 15.53Lið Tindastóls í Bestu deild kvenna í knattspyrnu hefur samið við þrjár bandarískar stúlkur um að leika með liðinu í sumar. Það eru Grace Pettet sem er örvfættur varnarmaður, framherjinn Makala Woods og markvörðurinn Genevieve Crenshaw en hún er reyndar enn ekki kominn með leikheimild þó Donni þjálfari sé bjartsýnn á að það styttist í það. Áður var búið að segja frá því að hin þýska Nicole Hauk væri genginn til liðs við lið Tindastóls.Meira -
Íbúasamráð um sameiningarviðræður Dalabyggðar og Húnaþings vestra
feykir.is Vestur-Húnavatnssýsla 31.03.2025 kl. 12.35Verkefnisstjórn um óformlegar viðræður um sameiningu Dalabyggðar og Húnaþings vestra boðar til íbúafunda í Dalabúð þann 8. apríl kl. 17:00-19:00 og í Félagsheimilinu á Hvammstanga þann 9. apríl kl. 17:00-19:00.Meira -
Hljómbrá á Löngumýri
feykir.is Skagafjörður, Austur-Húnavatnssýsla, Vestur-Húnavatnssýsla 31.03.2025 kl. 11.47Tríóið Hljómbrá sem skipað er „brussunum úr Blönduhlíðinni“ þeim Gunnu í Miðhúsum, Kollu á Úlfstöðum og Írisi Olgu í Flatatungu heldur sína fyrstu tónleika á Löngumýri, þriðjudaginn 1. apríl kl. 20.00.Meira -
Siglingaklúbburinn Drangey, frestar aðalfundi
feykir.is Skagafjörður 31.03.2025 kl. 11.40Stjórn félagsins hefur ákveðið að fresta aðalfundi félagsins sem fyrirhugaður var miðvikudaginn 2. apríl um eina viku til miðvikudagsins 9. apríl vegna óviðráðanlegra utanaðkomandi aðstæðna.Meira -
Miklu stærra en Icesave-málið | Hjörtur J. Guðmundsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 31.03.2025 kl. 11.30Málið sem kennt er við bókun 35 við EES-samninginn er í raun miklu stærra en bæði Icesave-málið og málið varðandi þriðja orkupakka Evrópusambandsins. Miklir fjárhagslegir hagsmunir voru í húfi í Icesave-málinu sem snerist þó einungis um eina tiltekna lagagerð sambandsins. Tilskipun þess um innistæðutryggingar. Þriðji orkupakkinn varðar að sama skapi mikla hagsmuni í orkumálum en snýst þó að sama skapi um afmarkað regluverk.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.