Sia og LP í uppáhaldi / ÁSA SVANHILDUR
Söngkonan Ása Svanhildur, fædd 1994, er dóttir Guðbjargar Bjarnadóttur, íslenskukennara við FNV, og Guðbrandar Ægis Ásbjörnssonar, listamanns og kennara við Árskóla, og hún er því alin upp á Króknum. Ása var snemma farin að troða upp á tónlistarsviðinu, eins og hún á ættir til, og núna milli jóla og nýárs vakti söngur hennar mikla lukku á tónleikunum Græni salurinn sem fram fóru í Bifröst – þannig að jafnvel hörðustu rokkarar upplifðu gæsahúð á eigin skinni.
Röddin er helsta hljóðfæri Ásu en hún spilar einnig á píanó og gítar. Aðspurð um helstu tónlistarafrek segir hún: „ Ég er alltaf montin að segja að ég hafi sungið þrisvar sinnum fyrir fyrrverandi forseta Íslands. En ég hef einnig fengið ótal mörg frábær tækifæri til að koma fram á ýmsum tónleikum og viðburðum sem er alltaf gaman.“
Hvaða lag varstu að hlusta á? When the Party's Over með Billie Eilish.
Uppáhalds tónlistartímabil? Ekkert eitt sem er uppáhalds, það er allt of mikið af tónlistarfólki frá mismunandi tímabilum.
Hvaða tónlist fær þig til að sperra eyrun þessa dagana? Sia og Billie Eilish hafa báðar verið í miklu uppáhaldi síðustu daga og ár jafnvel.
Hvers konar tónlist var hlustað á á þínu heimili? Allt frá Celine Dion upp í Iron Maden.
Hver var fyrsta platan/diskurinn/kasettan/niðurhalið sem þú keyptir þér? Örugglega platan Shcrei með hljómsveitinni Tokio Hotel.
Hvaða græjur varstu þá með? Þá var það bara walkman eða útvarp með CD spilara.
Hver var fyrsta lagið sem þú mannst eftir að hafa fílað í botn? All By Myself með Celin Dion. Ég var sirka 4 ára og bjó í Noregi á þeim tíma. Ég kunni textann utan af þó ég vissi ekkert hvað ég var að segja.
Hvaða lag getur eyðilagt fyrir þér daginn? Öll rapplög með ljótum og niðrandi texta fara mikið í taugarnar á mér.
Þú heldur dúndurpartí í kvöld, hvað læturðu hljóma í græjunum til að koma öllum í stuð? Katie on a Mission með Katie B.
Þú vaknar í rólegheitum á sunnudagsmorgni, hvað viltu helst heyra? Soon We’ll Be Found með Sia.
Þú átt þess kost að fara hvert sem er í heiminum og skella þér á tónleika. Hvert færirðu, á hvaða tónleika og hvern tækirðu með þér? Ég myndi fara til Bandaríkjanna á tónleika með Sia eða Celin Dion því hún hefur alltaf verið mitt idol. Ef ég færi á Sia tónleika þá kæmi kærastinn með mér en ef ég færi á Celine Dion þá kæmi mamma með mér.
Hvað músík var helst blastað í bílnum þegar þú varst nýkominn með bílpróf? Það var mest um pop tónlist og R&B.
Hvaða tónlistarmaður hefur þig dreymt um að vera? Celine Dion var sú sem ég leit alltaf mest upp til en Sia er mikið idol núna.
Hver er að þínu mati besta plata sem gefin hefur verið út eða sú sem skiptir þig mestu máli? Sú “plata” sem skiptir mig mestu máli er albúmið sem litli bróðir minn setti á Spotify núna fyrr í vetur. Hún heitir Loners Diary.
Sex vinsælustu lögin á Playlistanum þínum?
Thunderclouds - LSD ft. Sia
When the Party's Over - Billie Eilish
Lost On You - LP
Recovery - LP
Come What May - Moulin Rouge
How Does a Moment Last Forever - Celin Dion
Fleiri fréttir
-
Á sterka minningu um boltaleik með langafa sínum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 16.33Ólafur Adolfsson er oddviti Sjálfstæðisflokksins í Norðvestur kjördæmi. Ólafur er í sambandi með Margréti Birgisdóttur lyfjafræðingi og á hann tvö uppkomin börn, tvö barnabörn og tvö stjúpbörn. Ólafur er alinn upp í Ólafsvík og hefur auk þess átt heima um skemmri eða lengri tíma á Akranesi, í Reykjavík og á Sauðárkróki og er í dag með lögheimili á Akranesi. Hann er lyfjafræðingur og lyfsali, á og rekur fjórar lyfjabúðir sem eru staðsettar á Akranesi, í Borgarnesi, í Ólafsvík og í Vesturbæ Reykjavíkur.Meira -
Rætt við Grím Rúnar í tilefni 100 ára afmælishátíðar Hvatar á laugardaginn
feykir.is Austur-Húnavatnssýsla, Listir og menning, Lokað efni 21.11.2024 kl. 14.46Það stendur mikið til á Blönduósi nú á laugardaginn því þá fagnar Ungmennafélagið Hvöt 100 ára afmæli sínu með pompi og prakt. Það er því við hæfi að leggja nokkrar spurningar fyrir formann félagsins en það er Grímur Rúnar Lárusson. Grímur er innfæddur Blönduósingar og býr þar, er löglærður fulltrúi sýslumanns að aðalstarfi en í hjáverkum er hann sveitarstjórnarfulltrúi í Húnabyggð og formaður Umf. Hvatar.Meira -
Rótarýklúbburinn býður til ókeypis jólahlaðborðs í tíunda sinn
feykir.is Skagafjörður, Austur-Húnavatnssýsla, Lokað efni 21.11.2024 kl. 13.55Það styttist í aðventuna og í Skagafirði verða ljós tendruð á jólatrénu á Kirkjutorgi laugardaginn 30. nóvember. Sama dag standa Rótarýfélagar fyrir jólahlaðborði í íþróttahúsinu en þangað er öllum boðið og borða saman hangikjöt eða hamborgarhrygg og annað sem nauðsynlegt er. „Okkur Rótarýfélögum finnst þetta afskaplega gefandi, skemmtilegt og mikilvægt verkefni þar sem við sýnum í verki að við viljum láta gott af okkur leiða fyrir samfélagið,“ segir Ómar Bragi Stefánsson, forseti Rótarýklúbbs Sauðárkróks, í spjalli við Feyki.Meira -
Óvissa í kjölfar niðurstöðu héraðsdóms varðandi undanþágu frá samkeppnislögum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 11.28Héraðsdómur Reykjavíkur komst að þeirri niðurstöðu sl. mánudag að breytingar á búvörulögum, þar sem framleiðendafélögum var veitt undanþága frá ákvæðum samkeppnislaga, sem samþykktar voru á Alþingi í mars síðastliðnum, hefðu strítt gegn áskildum fjölda umræðna á Alþingi og hafi af þeim sökum ekki lagagildi. Eins og greint hefur verið frá þá keypti Kaupfélag Skagfirðinga í kjölfarið Kjarnafæði - Norðlenska og var langt komið með að kaupa B.Jensen í Eyjafirði.Meira -
Horfði á alþingisrásina eftir skóla
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 10.29María Rut Kristinsdóttir er oddviti Viðreisnar í Norðvestur kjördæmi. María er gift Ingileif Friðriksdóttur, eiga þær saman þrjú börn og einn hund. Búsettar í Reykjavík en alltaf með annan fótinn á Flateyri og Ísafirði. María hef starfað sem aðstoðarmaður formanns Viðreisnar síðan 2017 (með stuttu hléi).Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.