Saumaði sér boli fyrir böll þegar hún var unglingur
Hrund Jóhannsdóttir er 34 ára og er í sambúð með Gunnari Páli Helgasyni og eiga þau tvö börn, Heklu Sigríði 5 ára og Val Helga 1 árs og eiga þau heima á Hvammstanga. Hrund er með BS í ferðamálafræði frá Háskóla Íslands og rekur veitingarstaðinn Sjávarborg á Hvammstanga ásamt manni sínum.
Hve lengi hefur þú stundað hannyrðir? Ég hef alltaf haft mikinn áhuga á tísku og fötum. Mér þótti mjög gaman að sauma og hanna föt þegar ég var unglingur og saumaði mér stundum boli fyrir böll, fór á fatahönnunarnámskeið, tók þátt í fatahönnunarkeppni og svo auðvitað saumaði ég og prjónaði í handavinnu í grunnskóla. Gerði svo ekkert í mjög langan tíma fyrr en í fyrravor, þegar ég byrjaði aftur að prjóna. Hafði þá ekki prjónað síðan í grunnskóla.
Hvaða handavinna þykir þér skemmtilegust? Mér finnst skemmtilegast að prjóna.
Hverju ertu að vinna að um þessar mundir? Ég er að prjóna kjól á dóttur mína eftir uppskrift frá Petiteknit sem heitir Karlas Kjole. Þar sem ég er sjaldnast með eitt verkefni í gangi í einu er ég líka að prjóna eina leikskólapeysu á son minn, eftir uppskriftinni Kári frá Stroff.
Hvar fékkstu hugmyndina? Ég fæ flestar uppskriftir og hugmyndir af verkefnum á Instagram, þar sem ég leita eftir ýmsum hashtöggum.
Hvaða handverk sem þú hefur unnið ertu ánægðust með? Ég er mjög ánægð með Ísafold peys-una frá Stoff sem ég prjónaði á sjálfa mig og svo peysuna sem ég prjónaði á manninn minn. Sú peysa er fyrsta og eina flíkin sem ég prjóna upp úr sjálfum mér og fer ekki eftir uppskrift, fann bara garn sem mér þótti fallegt og sótti svo innblástur á Instagram. Notaði svo lykkjustund.is til að reikna út lykkjufjölda út frá prjónafestu. Mjög sniðug og gagnleg heimasíða.
Eitthvað sem þú vilt bæta við? Mér hefði aldrei dottið það í hug að mér myndi finnast skemmtilegt að prjóna og hélt því lengi fram að þetta væri ógerlega flókið. Það geta allir lært að prjóna sem vilja. Aðgengið að upplýsingum er orðið svo gott. Ég nota YouTube mjög mikið þegar ég er strand og svo eru líka mjög flott námskeið á netinu í prjóni. Þetta er mjög skemmtilegt áhugamál og frábær slökun/hugleiðsla.
Hrund er með prjóna Insta-gram fyrir þá sem vilja fylgja með henni þar: hrundknits.
Áður birst í tbl. 4 Feykis 2022.
Fleiri fréttir
-
Baráttusigur Stólastúlkna í Hveragerði
feykir.is Skagafjörður, Íþróttir, Lokað efni 27.11.2024 kl. 09.10Kvennalið Tindastóls í Bónus deildinni tók þátt í enn einum spennuleiknum í gærkvöldi þegar liðið sótti Hamar/Þór heim í Hveragerði. Eftir leik sem lengstum var hnífjafn, liðin skiptust 13 sinnum á um að hafa forystuna og 14 sinnum var allt jafnt, þá voru það gestirnir sem reyndust grimmari á lokakaflanum. Þær voru níu stigum undir þegar fimm mínútur voru til leiksloka en snéru taflinu við og unnu leikinn 103-105.Meira -
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira -
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.