Samtals 66 frumkvæðisverkefni í fullum gangi í Brothættum byggðum
Á árinu 2024 hlutu samtals 66 frumkvæðisverkefni brautargengi úr frumkvæðissjóðum DalaAuðs, Sterks Stöðvarfjarðar, Sterkra Stranda og Betri Bakkafjarðar. Samtals voru til ráðstöfunar tæpar 64 m.kr. úr sjóðunum í ár, þ.m.t. fjármunir sem bættust við frá verkefnum þar sem styrkfé hafði verið skilað og styrkþegar hætt við verkefni.
Það eru víða vaxtarsprotar í þátttökubyggðarlögunum og íbúar duglegir að sækja um styrki til að koma hugmyndum sínum í framkvæmd. Frumkvæðisverkefnin spanna breytt svið en miða öll að því að byggja upp sterkara samfélag á hverjum stað s.s. með því fjölga atvinnutækifærum, efla félagsstarf, menningu og samtakamátt íbúa, fegra umhverfið, hvetja til heilsuræktar og veita alls kyns nýsköpunarverkefnum brautargengi. Verkefnisstjórar Brothættra byggða á hverjum stað eru styrkþegum innan handar og sjá jafnframt um að þoka málefnum áfram sem íbúar hafa sett fram í formi starfsmarkmiða í verkefnisáætlun hvers byggðarlags.
Það er ánægjulegt að fylgjast með krafti og eljusemi íbúa í þátttökubyggðarlögum Brothættra byggða sem leggja sitt af mörkum við að byggja upp nærsamfélagið og verða vitni að því að oft hrindir lítil hugmynd við eldhúsborðið af stað framúrskarandi verkefnum sem ná fótfestu og auðga mannlíf, byggð og búsetugæði í landsbyggðunum.
Við þetta má bæta að ótalin eru frumkvæðisverkefni frá fyrri úthlutunarárum sem mörg hver eru í fullum gangi, vexti og þróun.
Hér má sjá yfirlit yfir úthlutaða styrki úr frumkvæðissjóðum Brothættra byggða eftir þátttökubyggðarlögum og árum.
Upplýsingar um virk þátttökubyggðarlög má sjá hér: DalaAuður, Sterkur Stöðvarfjörður, Betri Bakkafjörður, Sterkar Strandir.
/Frétt af síðu Byggðastofnunar
Fleiri fréttir
-
Opinn dagur á Syðstu-Grund 10. ágúst
feykir.is Skagafjörður, Listir og menning 08.08.2024 kl. 15.45Ertu forvitin/n um torf og byggingu torfhúsa? Langar þig að prófa að setja þak á torfhús? Sumarið 2023 var haldið torfhleðslunámskeið á Syðstu-Grund þar sem veggir gömlu útihúsanna voru hlaðnir upp. Þann 10. ágúst næstkomandi er ætlunin að ljúka verkinu, lagfæra grind og þekja yfir.Meira -
Nóg um að vera sl. viku á Hlíðarendavelli
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 08.08.2024 kl. 12.45Það hefur verið nóg um að vera á golfvellinum á Króknum sl. viku en Opna Steinullarmótið fór fram í blíðskaparveðri laugardaginn 3. ágúst, 8. Hard Wok háforgjafarmótið var haldið á þriðjudaginn og Esju mótaröðin var haldin í gær, miðvikudag. Það er svo ekkert lát á því í dag fer fram styrktarmót fyrir Önnu Karen og svo er Norðurlandsmótaröðin fyrir ungu kylfingana á sunnudaginn.Meira -
Nýir þjálfarar kynntir í yngri flokka starfi Tindastóls
feykir.is Skagafjörður, Íþróttir 08.08.2024 kl. 12.08Á Facebooksíðu Unglingaráðs körfuknattleiksdeildar Tindastóls voru kynntir nýir þjálfarar fyrir veturinn 2024-2025. Allt eru þetta andlit sem Tindastólsaðdáendur þekkja vel og verður gaman að fylgjast með yngri flokkunum í vetur. Það sem kemur skemmtilega á óvart er að Kári Marísson er kominn aftur í þjálfarastöðuna. Hann mun halda utan um æfingar fyrir 1. - 4. bekk en áður vann Kári sem húsvörður í Árskóla og þekkir því þessa litlu körfuboltasnillinga mjög vel.Meira -
Flemming-púttmót á Hvammstanga
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 08.08.2024 kl. 12.00Föstudaginn 26. júlí á héraðshátíð Vestur-Húnvetninga – Eldur í Húnaþingi - fór fram í fjórtánda sinn púttmót Flemming Jessen sem hefur staðið að þessu móti með hjálp góðra vina á Hvammstanga frá 2011. Aðstaða til keppni var sæmileg, smá rekja og völlur nokkuð loðinn, en þátttakendur létu það ekki á sig fá. Að þessu sinni var þátttaka lítil, en þeir sem mættu skemmtu sér vel í leiknum og nutu smá hressinga sem í boði voru. Leiknar voru 2 x 18 holur alls 36.Meira -
Skotfélagið Markviss með sitt fyrsta Viking Cup mót
feykir.is Skagafjörður, Austur-Húnavatnssýsla, Vestur-Húnavatnssýsla 08.08.2024 kl. 11.13Um verslunarmannahelgina fór fram fyrsta "Viking Cup" mótið í Norrænu Trappi. Um er að ræða keppni milli Skotfélaganna Markviss og Eysturskot frá Færeyjum. Hugmyndin að mótinu kviknaði í spjalli milli tveggja félagsmanna úr sitthvoru félaginu fyrir nokkru síðan og varð loks að veruleika nú í ár.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.