Sætir sigrar fyrir austan
Fjórði flokkur kvenna Tindastóls/Neista gerði góða ferð austur á land um síðustu helgi þegar þær mættu jafnöldrum sínum í Fjarðabyggð/Leikni og Hetti/Einherja og unnu báða sína leiki.
Fyrri leikurinn átti að fara fram á Eskifirði á laugardeginum en vegna slæmrar veðurspár var hann færður í hina glæsilegu fótboltahöll á Reyðarfirði þar sem alltaf er logn og blíða. Stelpurnar í T/N byrjuðu af krafti og áttu hvert færið af öðru en inn vildi boltinn ekki. Þvert gegn gangi leiksins komust Austfirðingar yfir eftir að víti var dæmt á okkar lið er boltinn fór í hönd varnarmanns. Skömmu síðar svöruðu norðanstúlkur fyrir sig þegar Guðný Vaka Björnsdóttir skoraði framhjá markmanni heimamanna. Áfram héldu T/N að sækja stíft að marki andstæðinganna og margar spyrnur gerðar að marki en boltinn rataði oftast framhjá markinu eða í hendur markmannsins. Staðan hélst óbreytt fram að seinni hluta leiksins þegar hreinsað var frá marki T/N og boltinn fór til Hugrúnar sem tók á sprett upp allan völlinn að marki andstæðinga og gaf laglega sendingu á Guðnýju Vöku sem var mætt á svæðið og potaði boltanum inn og kom Tindastóli/Neista yfir 2-1 sem urðu lokatölur leiksins.
Daginn eftir var leikið gegn Hetti/Einherja í þoku og súld á Vopnafirði og varð það sannkallaður markaleikur. Aðstæður á vellinum voru nokkuð ólíkar þeim sem voru daginn áður þar sem völlurinn var blautur og sleipur. Mörkin létu ekki á sér standa og strax í upphafi skoraði Guðný Vaka sem átti eftir að láta til sín taka fyrir framan markið. H/E svaraði fljótlega fyrir sig og leikurinn var æsispennandi með færum á báða bóga. Endaði þó leikurinn með sigri Tindastóls/Neista 7-4 og gerði Guðný Vaka 5 mörk, Anna Lilja 1 og Guðlaug Rún 1.
Allar sýndu stelpurnar góða leiki og náðu oft að spila skemmtilega með Ólínu á miðjunni sem límir saman vörn og sókn. Vörnin var sterk þar sem Fanney Þorgils stendur eins og klettur í öftustu víglínu og fáir sem hlaupa hana af sér og Vava örugg í markinu. Þá er sóknin öflug með tvær sprettharðar stelpur þær Hugrúnu og Guðnýju Vöku sem ná að mynda skemmtilegt sóknarpar og reyndar var sama hver var á vellinum því allar lögðu sig 100% fram, ákveðnar í að sigra og hafa gaman af og það tókst.
Fleiri fréttir
-
Langar í Pug-hund í fermingargjöf
feykir.is Austur-Húnavatnssýsla, Mannlíf, Lokað efni 18.04.2025 kl. 19.07Rebekka Kristín Danielsdóttir Blöndal verður fermd þann 26. apríl í Blönduóskirkju. Rebekka Kristín býr á Melabrautinni á Blönduósi og eru foreldrar hennar Gígja Bl. Benediktsdóttir og Daniel Kristjánsson. Hún sagði Feyki frá undirbúningi fermingarinnar og ýmsu öðru tengt deginum.Meira -
Háholt til sölu á ný
feykir.is Skagafjörður, Lokað efni 18.04.2025 kl. 15.44Háholt verður sett í sölu á ný en þann 5. mars sl. samþykkti byggðarráð Skagafjarðar tilboð í eignina með gagntilboði sem tilboðsgjafi féllst á. Í fundargerð byggðarráðs segir að tilboðið hafi verið háð fyrirvara um fjármögnun en kaupanda tókst ekki að sýna fram á fjármögnun fyrir tilskilinn frest.Meira -
Ráðgátan um upplifun á leikdegi var leyst í Skagafirði – segir Kjartan Atli
feykir.is Skagafjörður, Íþróttir, Lokað efni 18.04.2025 kl. 13.13„Í okkar herbúðum ríkir tilhlökkun að takast á við þessa áskorun; að mæta deildarmeisturum Tindastóls. Liðin hafa fjórum sinnum mæst á undanförnum tveimur leiktímabilum og allt verið sannkallaðir hörkuleikir,“ sagði Kjartan Atli Kjartansson, þjálfari Álftaness, þegar Feykir spurði hann hvernig einvigi Álftnesinga og Tindastóls legðist í hann.Meira -
Væri til í að vera með krapvél í veislunni
feykir.is Austur-Húnavatnssýsla, Lokað efni 18.04.2025 kl. 12.00Bjarni Bragi Bessason verður fermdur af sr. Guðna Þór í Hólaneskirkju þann 8. júní. Bjarni Bragi býr á Skagaströnd og eru foreldrar hans Jóhanna Guðrún Karlsdóttir og Þráinn Bessi Gunnarsson. Hann sagði frá undirbúningi fermingarinnar í Fermingar-Feyki.Meira -
Kirkjukórar syngja ekki bara Ave María og prjóna á milli messa
feykir.is Skagafjörður, Lokað efni 18.04.2025 kl. 11.00Kór Möðruvallaklausturskirkju í Hörgárdal er skipaður kraftmiklu fólki sem kallar ekki allt ömmu sína og stjórnandi þessa galvaska og síkáta hóps, Sigrún Magna Þórsteinsdóttir, vílar fátt ef nokkuð fyrir sér. Það er því oftar en ekki í þessu samstarfi að ýmsum hugmyndum er hrundið í framkvæmd. Fyrir ekki svo löngu kviknaði hugmynd um að syngja í kirkjum Skagafjarðar og úr varð heljarinnar verkefni - Sálmafoss í Skagafirði.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.