Rostungur við ósa Blöndu
Róbert Daníel Jónsson á Blönduósi er útsjónarsamur ljósmyndari og frægur fyrir fuglamyndir sínar sem og aðrar sem hann tekur af náttúrunni og af þeim sökum leitar hann gjarnan að réttu birtuskilyrðunum. Hann er því oft á ferð meðan aðrir sofa og þannig var það í morgun þegar hann rakst á stærðar rostung við ósa Blöndu snemma í morgun.
„Ég var búinn að vera að þvælast um nágrennið en ég vissi af uglu hérna sem hefur verð að veiða sér bráð á þessum tíma dags, í birtuskilunum. Svo keyrði ég niður að Blönduós um hálf sjö, rétt áður en ég opna í Íþróttamiðstöðinni, og sá þá þennan svakalega rostung liggja í makindum sínum í fjörunni,“ segir Róbert í samtali við Feyki. Hann telur skepnuna vera um þriggja metra langa og óvenju spaka. „Ég komst nokkuð nálægt honum en ég þorði þó ekki að fara of nærri því ég var hræddur um að stygga hann en ég var komin u.þ.b. 100 metra að honum. Virkilega gaman að sjá svona stóra skepnu í návígi, eitthvað sem maður sér ekki á hverjum degi.“ Róbert segir að hægt sé að sjá rostunginn ágætlega frá vesturbakkanum og líklega best ef komið er gangandi Bakkastíginn. „Aðal atriðið að fara ekki of nálægt honum því þá gæti hann farið af stað.“
ÞESSI FRÉTT ER APRÍLGABB!
Fleiri fréttir
-
Við stöndum þétt saman! Við snúum bökum saman !
feykir.is Skagafjörður, Austur-Húnavatnssýsla, Vestur-Húnavatnssýsla 08.11.2024 kl. 13.21Í dag 8. nóvember er formlega settur af stað söfnunardagur fyrir Kristinn Frey Briem sem á fyrir höndum krefjandi verkefni í baráttu sinni við krabbamein.Meira -
130 umsóknir í Uppbyggingarsjóð Norðurlands vestra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 08.11.2024 kl. 12.50Metfjöldi umsókna var í Uppbyggingarsjóð Norðurlands vestra fyrir árið 2025 en alls bárust 130 umsóknir. Á vef SSNV segir að þar af hafi verið 50 atvinnu- og nýsköpunar verkefni, 69 menningarverkefni og 11 umsóknir um stofn- og rekstrarstyrk. Alls var óskað eftir 242.821.781kr en til úthlutunar eru 60 milljónir.Meira -
Kláruðu heyskap í október
feykir.is Skagafjörður, Lokað efni 08.11.2024 kl. 12.45Þorbergur Gíslason og Birna Valdimarsdóttir eru kúabændur í Glaumbæ 2 í Skagafirði og búa þar ásamt börnunum þrem þeim, Valdimar Árna, Vigni Frey og Kristjönu Dís. Mjólkurkýrnar eru 60 og gripauppeldið telur 100. Ef allt er talið með þá eru merarnar sjö, hænunar tíu og einn köttur. Birna er menntuð í háriðn og Þorbergur húsasmíðameistari en hafa verið bændur síðan þau keyptu búið.Meira -
Hæsta fjárhagsaðstoð til einstaklinga í Skagafirði
feykir.is Skagafjörður, Lokað efni 08.11.2024 kl. 11.50Morgunblaðið sagði frá því í vikunni að hæsta upphæð fjárhagsaðstoðar til einstaklinga sem sveitarfélög veita er í Skagafirði eða alls 281.280 kr. Þetta kom fram í samanburði á grunnfjárhæðum fjárhagsaðstoðar sem nær til 30 sveitarfélaga á landinu.Meira -
Flott þjónusta en passa þarf kostnaðinn
feykir.is Skagafjörður, Lokað efni 08.11.2024 kl. 07.29Í aðsendri grein sem birtist sl. mánudag á Feykir.is tjáði Einar E. Einarsson, formaður landbúnaðar og innviðanefndar Skagafjarðar, sig um söfnun á lífrænum úrgangi frá landbúnaði. Feykir innti Einar eftir því um hvað málið snérist í einföldu máli. „Í grunninn snýst þetta um að þessi þjónusta sem sveitarfélagið er milliliður um, er ekki að standa undir sér ásamt því að kostnaður hækkar ár frá ári,“ segir Einar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.