RÉTTIR Food Festival hefst á föstudaginn
Nú á föstudaginn næstkomandi, 13. ágúst, hefst matarhátíð á Norðurlandi vestra sem nefnist RÉTTIR Food Festival og mun hún standa yfir í 10 daga með viðburðum á öllu svæðinu og ljúka sunnudaginn 22. ágúst. Á hátíðinni, sem var fyrst sett á laggirnar sumarið 2019, munu matvælaframleiðendur og veitingastaðir á Norðurlandi vestra sýna heimafólki og gestum sínar bestu hliðar í mat og drykk.
Feykir hafði samband við Þórhildi Maríu Jónsdóttur, verkefnisstýru RÉTTIR, og forvitnaðist um hátíðina í ár. Aðspurð að því hvernig hugmyndin um hátíðina hafi kviknað sagði hún að heimsókn hennar á Copenhagen Cooking & Food Festival hafi tendrað hugmyndina af því að prófa eitthvað svipað hér um slóðir.
„Hátíðin í ár er býsna fjölbreytt þar sem gestgjafar eru ýmist að hampa því, sem þeir eru að fást við dagsdaglega og þá jafnvel með einhverju nýju tvisti eða eru hreinlega að kynna eitthvað nýtt. Kynning á nýlegri ostavinnslu á Brúnastöðum í Fljótum eða námskeið í bruggun á Kombucha heilsudrykk hjá Vörusmiðjunni vekja eflaust forvitni margra. En svo eiga „gamlir kunningjar“ eins og Bílakaffihlaðborðið í Stóragerði eða þriggja rétta seðillin „Brot af því besta“ hjá Sjávarborg eftir að gleðja marga bragðlaukana. Það er svo auðvitað frábært að starta inn í hátíðina í ár með tveimur splunkunýjum veitingastöðum, Retro Mathús á Hofsósi og Harbour restaurant á Skagaströnd, sem báðir munu verða með viðburði á hátíðinni“, segir Þórhildur.
Upplegg skipuleggjenda að hátíðinni er mjög nálægt upprunanum og þó að aðstæður bjóði ekki upp á hátíð með fullum afköstum í þetta skiptið, eru gestgjafar spenntir að fá að sýna hvað í þeim býr og sýna og sanna hversu vel við búum á Norðurlandi vestra þegar kemur að matvælum úr héraði og hugmyndaríkum veitingamönnum og -konum.
„Við ítrekum að allir gestgjafar eru mjög vakandi um að sinna öllum þeim ráðstöfunum, sem aðstæðurnar þessar vikurnar kalla á og við væntum þess að gestirnir okkar sinni því á sama hátt,“ segir Þórhildur að lokum.
Nánari upplýsingar um hátíðina má finna á heimasíðu RÉTTIR Food Festival.
/SMH
Fleiri fréttir
-
Stóllinn, Stóllinn, Stóllinn, Tindastóll!
feykir.is Skagafjörður, Lokað efni 28.11.2024 kl. 16.38Nýr Stóll hefur litið dagsins ljós og var dreift í hús á Sauðárkróki í gær. Það er körfuknattleiksdeild Tindastóls sem gefur út en starfsfólk Nýprents safnar efni, útbýr viðtöl og hefur veg og vanda að uppsetningu og vinnslu. Það er síðan meistari Davíð Már sem annast myndatökur.Meira -
Vonast til að FabLab-aðstaða verði opnuð í byrjun næsta árs
feykir.is Vestur-Húnavatnssýsla, Mannlíf, Lokað efni 28.11.2024 kl. 14.23Opið samráð um samfélagsmiðstöð í Félagsheimilinu Hvammstanga er kynnt á heima-síðu Húnaþings vestra. Feykir forvitnaðist aðeins um málið hjá Unni Valborgu Hilmarsdóttur sveitarstjóra og þar á meðal hvaða þjónustu hún sjái fyrir sér að verði veitt í miðstöðinni.Meira -
Öflugur landbúnaður er lykill að kröftugri byggð
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 13.45Til að stuðla að farsæld og heilbrigðum vexti landbúnaðar og fæðutengdrar starfsemi þurfum við að hugsa fyrir framtíðinni í stærra samhengi en mér sýnist hafa verið gert hingað til. Opinber stuðningur skiptir augljóslega máli, en fleiri þurfa að leggja lóð sitt á vogaskálarnar.Meira -
Tækifærin í Norðvesturkjördæmi
feykir.is Skagafjörður, Austur-Húnavatnssýsla, Aðsendar greinar 28.11.2024 kl. 11.45Norðvesturkjördæmi er einstakt, þar sem stórbrotin náttúra, rík saga og menning mætast. Til að byggja upp öflugt samfélag og skapa jákvæðar framtíðarhorfur, verðum við að nýta þau tækifæri er hér felast. Við í Vinstri grænum leggjum áherslu á vel mannaða heilsugæslu, bættar samgöngur, fjölbreytta atvinnu og verndun náttúrunnar, því þannig leggjum við grunninn að öflugu samfélagi til langframa.Meira -
Ég vil vera sterkur málsvari fyrir ykkur
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 09.17Það er búið að vera óendanlega gefandi vegferð að ferðast um Norðvesturkjördæmi síðastliðnar vikur. Það hefur verið magnað að heimsækja ykkur mörg og fylgjast með uppgangi nýsköpunar, frumkvöðlastarfs og vaxtar í bland við sterka og rótgróna atvinnuv...Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.