Rausnarleg gjöf frá Björgunarsveitinni Húnar frá Hvammstanga
Björgunarsveitarmenn verða seint kallaðir eiginhagsmunaseggir enda öll sú vinna sem menn og konur leggja í þar til gerð félög sjálfboðaliðastörf og oftar en ekki mikið álag á þeim við að koma náunganum til hjálpar í hvaða veðri og aðstæðum sem er.
Liðsfélagar í Björgunarsveitinni Húnar frá Hvammstanga hafa tekið þetta á annað stig því í eigu félagsins var snjóbíll sem var kominn til ára sinna og ekkert nýttur. Þeir höfðu því samband við Samgönguminjasafnið í Stóragerði Skagafirði og vonuðust þeir eftir að safnið tæki bílinn í sína vörslu, en hann hafði verið í eigu félagsins til margra ára. Safnið þáði þetta auðvitað með miklum þökkum.
Í síðustu viku var snjóbíllinn sóttur og þrátt fyrir að hafa staðið hreyfingarlaus í nokkur ár þá rauk hann í gang eins og enginn væri morgundagurinn og malaði eins og köttur. Gunnar Örn Jakobsson í Björgunarsveitinni Húnar sagði: að nú væri sá gamli kominn á elliheimilið sitt og vonandi ætti honum eftir að líða vel hjá á safninu.
Undirvagn þessarar glæsikerru er af gerðinni M29 Weasel en Ameríski bílaframleiðandinn Studebaker smíðaði þá og hannaði sérstaklega í snjóakstur. Þeir sáust fyrst notaðir af Bandaríska hernum í Noregi árið 1942. En eins og með marga aðra bíla og vélar frá þessum tíma þá voru þær yfirleitt alltaf fluttar inn til landsins án yfirbyggingarinnar. Hvað varðar þetta tæki þá var engin undantekning á því og var hún því smíðuð hér á landi.
Samgönguminjasafnið vill koma á framfæri að það er ómetanlegt þegar fólk hefur samband og er með hluti, hvort sem það eru bílar, varahlutir eða hvers konar annað dót tengt samgöngusögunni, og er tilbúið að gefa til varðveislu. Orðatiltækið, eins manns rusli er annars fjársjóður á því vel við þegar gjafir af þessu tagi koma á safnið. Safnið vill þakka Björgunarsveitinni Húnar á Hvammstanga kærlega fyrir þessa rausnarlegu gjöf.
Fleiri fréttir
-
Stóllinn, Stóllinn, Stóllinn, Tindastóll!
feykir.is Skagafjörður, Lokað efni 28.11.2024 kl. 16.38Nýr Stóll hefur litið dagsins ljós og var dreift í hús á Sauðárkróki í gær. Það er körfuknattleiksdeild Tindastóls sem gefur út en starfsfólk Nýprents safnar efni, útbýr viðtöl og hefur veg og vanda að uppsetningu og vinnslu. Það er síðan meistari Davíð Már sem annast myndatökur.Meira -
Vonast til að FabLab-aðstaða verði opnuð í byrjun næsta árs
feykir.is Vestur-Húnavatnssýsla, Mannlíf, Lokað efni 28.11.2024 kl. 14.23Opið samráð um samfélagsmiðstöð í Félagsheimilinu Hvammstanga er kynnt á heima-síðu Húnaþings vestra. Feykir forvitnaðist aðeins um málið hjá Unni Valborgu Hilmarsdóttur sveitarstjóra og þar á meðal hvaða þjónustu hún sjái fyrir sér að verði veitt í miðstöðinni.Meira -
Öflugur landbúnaður er lykill að kröftugri byggð
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 13.45Til að stuðla að farsæld og heilbrigðum vexti landbúnaðar og fæðutengdrar starfsemi þurfum við að hugsa fyrir framtíðinni í stærra samhengi en mér sýnist hafa verið gert hingað til. Opinber stuðningur skiptir augljóslega máli, en fleiri þurfa að leggja lóð sitt á vogaskálarnar.Meira -
Tækifærin í Norðvesturkjördæmi
feykir.is Skagafjörður, Austur-Húnavatnssýsla, Aðsendar greinar 28.11.2024 kl. 11.45Norðvesturkjördæmi er einstakt, þar sem stórbrotin náttúra, rík saga og menning mætast. Til að byggja upp öflugt samfélag og skapa jákvæðar framtíðarhorfur, verðum við að nýta þau tækifæri er hér felast. Við í Vinstri grænum leggjum áherslu á vel mannaða heilsugæslu, bættar samgöngur, fjölbreytta atvinnu og verndun náttúrunnar, því þannig leggjum við grunninn að öflugu samfélagi til langframa.Meira -
Ég vil vera sterkur málsvari fyrir ykkur
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 09.17Það er búið að vera óendanlega gefandi vegferð að ferðast um Norðvesturkjördæmi síðastliðnar vikur. Það hefur verið magnað að heimsækja ykkur mörg og fylgjast með uppgangi nýsköpunar, frumkvöðlastarfs og vaxtar í bland við sterka og rótgróna atvinnuv...Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.