Pálina Fanney ráðin skólastjóri Tónlistarskóla Húnaþings vestra
Pálína Fanney Skúladóttir hefur verið ráðin skólastjóri Tónlistarskóla Húnaþings vestra og tekur við starfinu 1. október. Áheimasíðu Húnaþings vestra segir að Pálína var skipuð tímabundið í starfið í haust en ráðin til frambúðar á fundi sveitarstjórnar þann 8. september sl. Pálína er heimamönnum að góðu kunn en hún hefur um langt árabil verið organisti í héraðinu, stjórnað kórum, kennt tónmennt við Grunnskóla Húnaþings vestra auk þess að hafa um árabil starfað sem kennari við tónlistarskólann. Hún þekkir því starf skólans vel.
Aðal hjóðfæri Pálínu er orgel en hún hefur líka lært á píanó og söng. Hún hefur sótt mörg námskeið í kórstjórn, bæði fyrir barnakóra og blandaða kóra. „Ég hlakka til að takast á við þetta verkefni við Tónlistarskólann. Ég sé fjölmörg tækifæri til að efla starfið, t.d. með auknu samstarfi við grunnskólann en nú þegar skólarnir eru komnir undir sama þak eru möguleikarnir miklu fleiri en áður. Einnig sé ég tækifæri í því að þróa frekara samstarf við leikskólann. Við erum lánsöm í þessu samfélagi að eiga marga velunnara og fjölmarga frábæra tónlistarmenn sem eru góðar fyrirmyndir. Tónlistarskóli Húnaþings vestra stendur á gömlum og góðum grunni og það er vissulega áskorun að takast á við að leiða starf skólans áfram. Ég hlakka til vetrarins með nemendum og kennurum skólans” segir Pálína.
„Það er mikill fengur að því að fá Pálínu í þessa stöðu. Starf tónlistarskólans hefur um áratuga skeið verið mjög öflugt og mikilvægt að svo verði áfram. Það er ekki tilviljun að tónlistarlíf í sveitarfélaginu er eins öflugt og raun ber vitni. Það eru spennandi tímar framundan við skólann í glæsilegu rými sem sérhannað er til tónlistarkennslu í nýrri viðbyggingu við Grunnskólann. Við bjóðum Pálínu velkomna til starfa”, segir Unnur Valborg Hilmarsdóttir, sveitarstjóri.
Heimild: Húnaþing.is
Fleiri fréttir
-
Vonast til að FabLab-aðstaða verði opnuð í byrjun næsta árs
feykir.is Vestur-Húnavatnssýsla, Mannlíf, Lokað efni 28.11.2024 kl. 14.23Opið samráð um samfélagsmiðstöð í Félagsheimilinu Hvammstanga er kynnt á heima-síðu Húnaþings vestra. Feykir forvitnaðist aðeins um málið hjá Unni Valborgu Hilmarsdóttur sveitarstjóra og þar á meðal hvaða þjónustu hún sjái fyrir sér að verði veitt í miðstöðinni.Meira -
Öflugur landbúnaður er lykill að kröftugri byggð
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 13.45Til að stuðla að farsæld og heilbrigðum vexti landbúnaðar og fæðutengdrar starfsemi þurfum við að hugsa fyrir framtíðinni í stærra samhengi en mér sýnist hafa verið gert hingað til. Opinber stuðningur skiptir augljóslega máli, en fleiri þurfa að leggja lóð sitt á vogaskálarnar.Meira -
Tækifærin í Norðvesturkjördæmi
feykir.is Skagafjörður, Austur-Húnavatnssýsla, Aðsendar greinar 28.11.2024 kl. 11.45Norðvesturkjördæmi er einstakt, þar sem stórbrotin náttúra, rík saga og menning mætast. Til að byggja upp öflugt samfélag og skapa jákvæðar framtíðarhorfur, verðum við að nýta þau tækifæri er hér felast. Við í Vinstri grænum leggjum áherslu á vel mannaða heilsugæslu, bættar samgöngur, fjölbreytta atvinnu og verndun náttúrunnar, því þannig leggjum við grunninn að öflugu samfélagi til langframa.Meira -
Ég vil vera sterkur málsvari fyrir ykkur
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 09.17Það er búið að vera óendanlega gefandi vegferð að ferðast um Norðvesturkjördæmi síðastliðnar vikur. Það hefur verið magnað að heimsækja ykkur mörg og fylgjast með uppgangi nýsköpunar, frumkvöðlastarfs og vaxtar í bland við sterka og rótgróna atvinnuv...Meira -
Geymt en ekki gleymt | Leiðari 45. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 28.11.2024 kl. 08.02Það er búið að gjósa en nú á að kjósa. Já, það styttist í kjördag, hann er á laugardaginn ef það skyldi hafa farið fram hjá einhverjum, og nú verða allir sem vettlingi geta valdið að nýta atkvæðisréttinn.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.