Öruggur sigur Stólastúlkna á b-liði Blika
Stólastúlkur tóku á móti b-liði Breiðabliks í 1. deild kvenna í Síkinu í dag. Liðin eru langneðst í deildinni en Blikar hafa ekki unnið leik en lið Tindastóls hafði aðeins unnið tvo leiki og báða gegn stúlkunum úr Kópavogi. Það varð engin breyting á í dag því heimastúlkur unnu öruggan sigur líkt og í fyrri leikjum. Lokatölur 93-41.
Að þessu sinni komust allar nema ein Stólastúlka á blað í stigaskorinu og fengu sömuleiðis ágætan tíma inni á vellinum til að leika listir sínar. Inga Sólveig gerði níu fyrstu stig leiksins en eftir sjö og hálfa mínútu var staðan orðin 23-0. Þá loks kom karfa frá gestunum en staðan að loknum fyrsta leikhluta var 32-5 og leikurinn í raun búinn. Áfram hélt heimaliðið í öðrum leikhluta, gerði 14 fyrstu stigin og liðnar rúmar fimm mínútur áður en Blikar komust á blað. Staðan í hálfleik 57-12.
Leikur Stólastúlkna datt niður í síðari hálfleik en líkt og í fyrri hálfleik þá tók það gestina ansi langan tíma að finna körfuna. Nú liðu sex mínútur og staðan 67-15 þegar þristur frá Maríu Vigdísi fór niður. Munurinn þarna 52 stig og það var munurinn á liðunum þegar upp var staðið. Tindastólsliðinu gekk illa í upphafi fjórða leikhluta og þá náðu gestirnir að minnka muninn í 40 stig á meðan að helstu kanónur heimaliðsins hvíldu. Á þessum tíma fóru skot Blikastúlkna að rata rétta leið en þessi tilraun til endurkomu fjaraði út þegar kanónurnar komu til leiks á ný.
Stigahæst í liði Tindastóls var Jayla Johnson með 32 stig og hún tók níu fráköst. Eva Rún var með 15 stig, sjö fráköst og níu stoðsendingar og Inga Sólveig ellefu stig og sjö fráköst. Stólastúlkur höfðu yfirburði á öllum sviðum leiksins í dag. Aðeins sex stúlkur mættu til leiks fyrir Blika í dag en þær spiluðu einnig á Akureyri í gær – það má taka ofan fyrir þeim.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.