Opið bréf til sveitarstjóra og sveitarstjórnar Skagafjarðar
Félag grunnskólakennara í Árskóla á Sauðárkróki sendir frá sér opið bréf til sveitastjóra og sveitastjórnar Skagafjarðar til að koma m.a á framfæri vonbrigðum að formaður fræðslunefndar Skagafjarðar sé meðal þeirra sem stefna Kennarasambandi Íslands fyrir ólögmætt verkefall. Bréfið í heild sinni má lesa hér að neðan.
Við kennarar í Árskóla viljum koma á framfæri vonbrigðum okkar varðandi það að formaður fræðslunefndar Skagafjarðar skuli vera meðal þeirra sem stefnir Kennarasambandi Íslands fyrir ólögmætt verkfall. Við, ásamt félagsfólki Félags leikskólakennara og Félags stjórnenda leikskóla í Skagafirði, metum það svo að formaður fræðslunefndar hafi brotið siðareglur kjörinna fulltrúa Skagafjarðar og þar með brotið það traust sem ríkt hefur undanfarin ár í skólasamfélaginu. Í Árskóla hefur ávallt verið góður starfsandi og mikið traust einkennt vinnustaðinn. Með þeirri framgöngu sem formaður fræðslunefndar sýnir eru það mikil vonbrigði að störfum okkar sé ekki sýnd sú virðing sem þau eiga skilið.
Við teljum að með þessu sé formaður fræðslunefndar að sinna sérhagsmunum fram yfir almannahagsmuni. Við óttumst að þessi framkoma og það traust sem hefur glatast hafi alvarlegar afleiðingar, sérstaklega í ljósi þess hve erfitt er að fá faglært starfsfólk í skólana. Aðgerðir sem þessar grafa undan trausti kennara og annarra starfsmanna innan skólanna. Getur það leitt til þess að hæft starfsfólk hverfi frá störfum, en slík þróun væri skaðleg fyrir skólasamfélagið í Skagafirði.
Nú þegar hefur eitt uppsagnarbréf frá Ársölum borist skólayfirvöldum í Skagafirði en leikskólinn státar að því að vera sá skóli sem hefur hvað flesta faglærða kennara innan sinna raða á landinu. Við skorum á Skagafjörð að sýna starfsmönnum sínum þá virðingu og traust sem þarf að ríkja til að halda áfram faglegum störfum í skólunum okkar.
Félag grunnskólakennara í Árskóla.
Fleiri fréttir
-
Dimitris til liðs við bróður sinn í liði Tindastóls
feykir.is Skagafjörður, Íþróttir, Lokað efni 31.01.2025 kl. 13.40Vísir.is sagði frá því í morgun að liði Tindastóls hefði bæst liðsstyrkur fyrir lokaátökin í Bónus deild karla. Um er að ræða Dimitris Agravanis, eldri bróðir Giannis sem spilar með liði Tindastóls, þaulreyndan þrítugan landsliðsmann Grikkja en hann hefur allan sinn feril spilað með stórliðum í Evrópu þrátt fyrir að hafa á sínum tíma verið valinn af Atlanta Hawks í NBA-deildinni.Meira -
Tveir þriðju félaga í Félagi eldri borgara í Húnaþingi vestra mættu á blót
feykir.is Vestur-Húnavatnssýsla, Mannlíf, Lokað efni 31.01.2025 kl. 12.56Það er líf og fjör á Facebook-síðu Félags eldri borgara í Húnaþingi vestra og nú um liðna helgi gaf að líta nokkrar myndir af prúðbúnum eldri borgurum á þorrablóti félagsins. Feykir spurði Guðmund Hauk Sigurðsson, formann félagsins, út í hvernig til hefði tekist og svaraði hann því til að 115 af 180 félögum hafi mætt á blótið. Ræðumaður kvöldsins var Helgi Björnsson í Huppahlíð en Rafn Benediktsson, formaður þorrablótsnefndar, stýrði samkomunni.Meira -
Húnabyggð mótmælir harðlega skerðingu byggðakvóta
feykir.is Austur-Húnavatnssýsla, Vestur-Húnavatnssýsla, Lokað efni 31.01.2025 kl. 11.44Byggðarráð Húnabyggðar mótmælir harðlega þeirri skerðingu sem orðið hefur á byggðakvóta til sveitarfélagsins og til nágrannasveitarfélaga síðustu ár. Samkvæmt úthlutun matvælaráðuneytisins fær Húnabyggð 15 þorskígildistonn af byggðakvóta á fiskveiðiárinu 2024/2025 en við það bætist eftirstöðvar á úthlutun fyrra árs þannig að ráðstöfunin á yfirstandandi fiskveiðiári er samtals 19,2 tonn. Húnabyggð hefur síðustu ár fengið 15 tonn úthlutað segir á huni.is.Meira -
Sveitarfélagið Skagaströnd tekur við rekstri Tónlistarskóla A-Hún
feykir.is Austur-Húnavatnssýsla, Vestur-Húnavatnssýsla, Lokað efni 31.01.2025 kl. 11.33Á heimasíðu Sveitarfélags Skagastrandar segir að nú um áramótin hafi verið breyting á rekstri Tónlistarskóla Austur Húnvetninga. Áður hafi hann verið rekinn af byggðasamlagi Húnabyggðar og Skagastrandar en er nú rekinn eingöngu af Sveitarfélaginu Skagaströnd. Skólinn mun áfram þjónusta sama starfssvæði og rekstur fer fram með mjög svipuðum hætti.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.