Ólýsanleg gleði við völd í Saint-Étienne
Systurnar Snæbjört og Eyvör Pálsdætur fóru á leik Íslands og Portúgals á Evrópumótinu knattspyrnu í Frakklandi þann 14. júní. Þær segja upplifunina af leiknum ólýsanlega. „Við fjölskyldan gáfum Eyvöru miða á leik Íslands og Portúgals í fermingargjöf einnig fékk hún ferð til Tenerife með foreldrunum. Ferðalag okkar Eyvarar hófst því á Tenerife þar sem spennan jókst dag frá degi. Daginn fyrir leikinn áttum við flug frá Tenerife til Frakklands með smá millilendingu í Barcelona. Stemmingin í Frakklandi og á sjálfu Evrópumótinu var alveg ólýsanleg.“
„Landamæravörðurinn, leigubílstjórinn og þjónninn sem afgreiddi okkur voru til að mynda alveg jafn spenntir og við Eyvör. Allir sem við hittum voru áfjáðir í að ræða málin um EM, hverjir myndu sigra? Sáum við leikinn deginum áður? Eða flotta markið? Þessi ólýsanlega gleði var svo sannarlega við völd í Saint-Étienne. Stuðningsmenn beggja liða voru sammála um að hafa gleðina við völd og mikil vinsemd var meðal allra, stuðningsmanna, öryggisvarða, heimamanna sem og annarra. En til að mynda eru líklega myndir af okkur Eyvöru ásamt stuðningsmönnum Portúgala að finna í ófáum símum, en margir hreinlega kepptust við að ná mynd af sér með íslenskum stuðningsmönnum.
Við Eyvör sátum rétt fyrir ofan stuðningssveitina Tólfuna sem var alveg meiriháttar. Stemmingin var alveg frábær, við stóðum, sungum, og klöppuðum allan leikinn og þegar markið hjá Birki kom trylltist allt, við hoppuðum og görguðum líklega í korter á eftir svo mikil var gleðin! Þegar Ronaldo klikkaði svo á aukaspyrnu í tvígang alveg í lok leiksins og leiktíminn rann út var okkur báðum alveg sama þótt að við yrðum raddlausar daginn eftir, við héldum bara áfram að öskra og fagna strákunum líkt og allir hinir stuðningsmennirnir.
Við Eyvör bjuggumst alls ekki við þessari niðurstöðu. Eyvör var viss um að við myndum tapa en ég hins vegar hélt í vonina og spáði 2-1 sigri fyrir leikinn. Við erum þó báðar sammála um að þessi úrslit eru í raun frábær. Við erum báðar sammála um að stemmingin á vellinum sé eftirminnilegust. Gleðin og ánægjan var svo einlæg svo var það alveg extra sætt að íslensku stuðningsmennirnir yfirgnæfðu Portúgalina alveg gjörsamlega en það heyrðist ekki múkk í þeim. Svo verðum við eiginlega að nefna markið hjá Birki, sem var rosalegt! Við Eyvör erum báðar sammála um að Hannes í markinu hafi án alls vafa verið besti maður leiksins! Sumar markvörslunnar voru eiginlega alveg fáránlegar og við erum ennþá að velta fyrir okkur vörslunni gegn dauðafærinu sem Nani fékk.
Því miður fjárfestum við einungis í miðum á fyrsta leikinn en miðað við gengið og stöðuna núna þá er aldrei að vita nema að maður skelli sér aftur til Frakklands þegar 16 liða úrslitin verða spiluð, við höfum allavega bullandi trú á strákunum!“
Fleiri fréttir
-
Flokkur fólksins vill efla byggð um land allt! | Lilja Rafney Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 18.08Það er sameiginlegur hagur allra landsmanna að halda landinu öllu í byggð svo það gangi upp verður að tryggja aðgang íbúa að fjölbreyttri grunnþjónustu óháð búsetu og efnahaga. Það verður að tryggja að allir landsmenn sitji við sama borð og hafi jöfn tækifæri. Það er grundvöllur þess að öflugt og fjölbreytt atvinnulífi sé til staðar á landsbyggðunum og að fólk velji sér þar framtíðar búsetu.Meira -
Hefur Sjálfstæðisflokkurinn hækkað eða lækkað skatta? | Kristófer Már Maronsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 15.51Sjálfstæðisflokkurinn hefur verið í ríkisstjórn frá árinu 2013 og lagt áherslu á að lækka skatta og styrkja velferðarkerfið. Þó eru til stjórnmálamenn sem reyna að halda öðru fram.Meira -
Áfram Hvöt!
feykir.is Austur-Húnavatnssýsla, Íþróttir, Mannlíf, Lokað efni 27.11.2024 kl. 14.50Afmælishátíð Ungmennafélagsins Hvatar, sem haldin var í Íþróttamiðstöðinni á Blönduósi, gekk vonum framar. Skaut formaður félagsins, Grímur Rúnar Lárusson, að um 250-300 manns hafi mætt á fyrri skemmtunina sem var stíluð inn á yngri kynslóðina og svo 90-100 manns á formlegu dagskránni seinni partinn.Meira -
Ilze tekur sæti Mélissu hjá Stólastúlkum
feykir.is Skagafjörður, Íþróttir, Lokað efni 27.11.2024 kl. 13.52Ákveðið hefur verið að gera breytingar á leikmannahópi kvennaliðs Tindastóls. Í fréttatilkynningu frá körfuknattleiksdeild Tindastóls segir að Melissa Diawkana hafi kvatt liðið og í hennar stað hafi verið samið við hina lettnesku Ilze Jakobsone. Ilze er mætt til landsins og verður klár fyrir næsta leik.Meira -
Niðurgreiðum raforku til grænmetisræktar | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 13.17Ísland er eyja í norður Atlantshafi. Sú staðsetning gerir það að verkum að þegar kemur að grænmeti þá höfum við tvo valkosti í boði. Við getum annaðhvort flutt það inn með skipum eða flugi, og borgað mikla álagningu fyrir vöru sem er ekki fersk, eða nýtt okkar grænu orku og hreina vatn til að rækta fyrsta flokks grænmeti á Íslandi.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.