Ólafur Sveinsson - Minning
Ólafur Sveinsson fyrrverandi yfirlæknir Sjúkrahúss Skagfirðinga á Sauðárkróki lést 10. maí s.l. á 96. aldursári. Hann var Vestfirðingur, fæddur á Góustöðum í Skutulsfirði 3. september 1927. Hann lauk læknanámi frá Háskóla Íslands og eftir sérnám í Svíþjóð flutti hann til Sauðárkróks í desember 1960 með eiginkonu sinni, Ástu Karlsdóttur og fjölskyldu, ráðinn skurðlæknir og yfirlæknir við nýbyggt sjúkrahúsið og starfaði þar í 36 ár eða þar til hann fór á eftirlaun.
Ég kynntist Kalla syni hans, jafnaldra mínum og æskuvini á fyrsta skóladegi okkar í barnaskóla og við fylgdumst að alla okkar 20 ára skólagöngu. Ég kom því oft á heimili þeirra Ólafs og Ástu. Ólafur reyndar sjaldnast heima enda vinnudagar langir og vaktir flesta daga. Á fyrri hluta starfsferils Ólafs kom það gjarnan í hlut Ástu að svara síma þegar hann var í vitjunum og spurt var eftir vaktlækninum, eins og títt var um maka lækna á þessum árum. Það má því segja að hún hafi verið á eins konar bakvakt. Heimilið var kannski svolítið framandi mér eða öðru vísi en maður átti að venjast, íbúðin hluti af sjúkrahúsbyggingunni og innangengt á milli. Sjúkrahúsið stóð þá eitt og sér á Sauðárhæðum sunnan og ofan við byggðina á Króknum, blasti þar við og talsvert langt í burtu fannst manni. Og “spítalalykt” þegar við stálumst gegnum millihurðina úr íbúðinni inn á ganginn inn á sjúkrahúsið. Kannski bar heimilið merki þess að þar var ungt fólk nýlega flutt heim eftir dvöl í Skandinavíu. Þar voru húsgögn frá IKEA sem ég hafði reyndar ekki hugmynd um hvað var þá og þar heyrði ég fyrst Sven Ingvars hringja á föstudegi úr stereogræjum þeirra hjóna en þær voru mubla, innbyggðar í skenk í stofunni.
Það var síðan ánægjulegt að fá að starfa með Ólafi síðust árin hans hér á Króknum. Ólafur hafði sig ekki mikið í frammi á mannamótum, fremur hlédrægur, jafnvel feiminn en skilaði einstöku vinnuframlagi hér í Skagafirði. Gat líka verið fastur fyrir og fylginn sér enda þurfti oft að taka erfiðar ákvarðanir og stundum í hvelli. Hann tók þátt í starfsemi félaga sem unnu að heilbrigðimálum á svæðinu og gegndi oft formennsku. Í frístundum er mér kunnugt um að hann las mikið, spilaði bridds með félögum sínum, renndi fyrir fisk og var félagi í Lions.
Hann naut ákaflega mikils trausts Króksara og Skagfirðinga enda átti hann þar farsælan feril. Hann bar hag Sjúkrahússins, héraðsins og fólksins sem þar bjó fyrir brjósti, þekkti íbúana og vissi hvaðan fólkið var og frá hvaða bæ það kom. Hann lagði sig fram um að tækjabúnaður og aðbúnaður á sjúkrahúsinu væri sem bestur og í takti við tímann og varð mjög vel ágengt í þeim efnum.
Ég tel að samstarfsfólk Ólafs frá tíma hans hér og Skagfirðingar almennt minnist hans með þakklæti og virðingu. Það geri ég líka og votta Ástu og fjölskyldunni allri samúð mína.
Örn Ragnarsson
Fleiri fréttir
-
Ritz-kex bollur og Taco-baka | Matgæðingur Feykis
feykir.is Skagafjörður, Í matinn er þetta helst, Lokað efni 22.02.2025 kl. 09.32Matgæðingur vikunnar í tbl. 42, 2024, var Ísabella Guðmundsdóttir, dóttir Ernu og Guðmundar í Eyrartúninu á Króknum. Ísabella býr í Kópavoginum en hún ásamt fjölskyldu þurftu að yfirgefa heimilið sitt í Grindavík þann 10. nóvember fyrir réttu ári. Ísabella er gift Jens Valgeiri og eiga þau saman Matthildi Móu og ekki má gleyma loðbarninu, hundinum Öglu.Meira -
Skandall sló í gegn í bleikum glimmerjakkafötum
feykir.is Skagafjörður, Austur-Húnavatnssýsla, Listir og menning, Lokað efni 21.02.2025 kl. 16.05„Þetta byrjaði sem smá Skandall, vorum smá stressaðar og klúðruðum smá í byrjun. En eftir það náðum við okkur nú aftur á strik og finnst okkur þessi sigur alveg verðskuldaður og sanngjarn!“ segir Sóley Sif Jónsdóttir létt í samtali við Feyki en hljómsveitin Skandall, sem er skipuð fimm stúlkum, bar sigur úr býtum í Söngkeppni MA nú á miðvikudagskvöldið. Stelpurnar einhentu sér í Plug In Baby sem Muse töfruðu fram fyrir aldarfjórðungi. Feykir lagði nokkrar spurningar fyrir Skagstrendinginn Sóleyju Sif Jónsdóttur, sem sá um trommuleik og söng ásamt Ingu Rós.Meira -
Vísnakvöld í Kakalaskála
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 21.02.2025 kl. 12.37Laugardaginn 22. febrúar mun hópur hagyrðinga og vísnamanna úr Húnavatnssýslum, Skagafirði og Eyjafirði leiða saman hesta sína í Kakalaskála í Kringlumýri í Skagafirði. Farið verður með ljóð og vísur, nýjar og gamlar, og ekki ólíklegt að einhverjar verði til á staðnum. Þessu má enginn vísnavinur missa af.Meira -
Skrímslahraðinn æfður fyrir Gettu betur
feykir.is Austur-Húnavatnssýsla, Mannlíf, Lokað efni 21.02.2025 kl. 09.36Spurningakeppni framhaldsskólanna er á fullu þessa dagana og átta liða úrslit hálfnuð í Sjónvarpinu. Fjölbrautaskóli Norðurlands vestra hafði ekki erindi sem erfiði í vetur, féll úr leik í fyrstu umferð. Það er þó í það minnsta einn fulltrúi Norðurlands vestra sem heldur heiðri norðvestlenskra ungspekinga á lofti en það er Sólveig Erla Baldvinsdóttir frá Tjörn í Húnabyggð (áður Skagabyggð) en hún er í Gettu betur-liði Menntaskólans á Akureyri.Meira -
Þriggja rétta máltíð að hætti Önnu Jónu | Matgæðingur Feykis
feykir.is Skagafjörður, Í matinn er þetta helst, Lokað efni 21.02.2025 kl. 09.11Matgæðingur vikunnar í tbl. 40, 2024, var engin önnur en Anna Jóna Guðmundsdóttir sem flutti til Vestmannaeyja sl. haust til unnusta síns. Eftir 17 ára starf við skólastjórnun ákvað hún að fara inn á deild og starfa sem deildarstjóri inni á gólfi með börnunum. Anna Jóna segir að hún eigi margar góðar minningar úr skólastjórastarfinu, ekki síst frá þeim níu árum sem hún starfaði í Ársölum á Króknum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.