Ný reglugerð um starfsleyfi þriðjaríkisborgara til að starfa sem heilbrigðisstarfsmenn
Willum Þór Þórsson heilbrigðisráðherra hefur sett heildarreglugerð sem kveður á um meðferð umsókna þriðjaríkisborgara, þ.e. ríkisborgara utan Evrópska efnahagssvæðisins og Sviss sem vilja starfa hér á landi sem heilbrigðisstarfsmenn. Markmið reglugerðarinnar er að einfalda og skýra kröfur til slíkra umsókna og stuðla að aukinni skilvirkni við meðferð þeirra.
Á heimasíðu Stjórnarráðsins kemur fram að fjallað sé um skilyrði fyrir veitingu starfsleyfis til að starfa sem heilbrigðisstarfsmaður hér á landi í 5. gr. laga um heilbrigðisstarfsmenn. „Íslenska ríkið er með samninga um viðurkenningu á faglegri menntun og hæfi heilbrigðisstarfsfólks í ríkjum Evrópska efnahagssvæðisins og Sviss. Þetta einfaldar ferlið við mat á umsóknum um starfsleyfi hér á landi í samanburði við meðferð umsókna ríkisborgara frá öðrum ríkjum,“ segir í tilkynningu heilbrigðisráðuneytisins.
Helstu breytingar
Þær breytingar sem gerðar hafa verið eru til þess fallnar að skýra og einfalda meðferð þessara umsókna og gera ferlið skilvirkara, líkt og hér er rakið:
Í upphafi umsóknarferlis verður nóg að leggja fram ráðningarsamning, sem má hafa fyrirvara um veitingu starfsleyfis. Atvinnu- og dvalarleyfis verður ekki krafist fyrr en undir lok umsóknarferlis, áður en leyfi er gefið út.
Heilbrigðisstofnanir geta sótt um tímabundin starfs- og sérfræðileyfi fyrir hönd sérfræðinga sem brýn þörf er á að fá til starfa á stofnunni.
Forgangsröðun umsókna: Heimilt verður að forgangsraða umsóknum um starfsleyfi í stéttum þar sem mikill skortur er á starfsfólki hér á landi. Embætti landlæknis verður jafnframt heimilt að forgangsraða umsóknum þeirra sem þegar komnir til landsins, umfram þá sem enn eru erlendis.
Hæfnispróf eða aðlögunartími: Embætti landlæknis verður heimilt að leggja fyrir umsækjanda að standast hæfnispróf eða ljúka aðlögunartíma. Sambærilegar heimildir eru þegar í gildi varðandi ríkisborgara EES og Sviss. Breytingin stuðlar því að auknu jafnræði milli erlendra umsækjenda.
Krafa um íslenskukunnáttu verður ekki skilyrði fyrir starfsleyfi, heldur vinnuveitanda falin ábyrgð á að gera kröfur um nauðsynlega tungumálakunnáttu í samræmi við eðli starfs. Þetta er í samræmi við gildandi reglur um umsækjendur frá ríkjum EES og Sviss og eykur því jafnræði milli erlendra umsækjenda.
Menntun frá EES ríki: Kröfur um gögn umsækjenda frá þriðjaríki sem hlotið hafa menntun sína í einhverju ríkja EES eða Sviss verða þær sömu hvað menntun varðar og ef um EES ríkisborgara væri að ræða.
Viðurkenning starfsleyfis frá öðru EES ríki: Heimilt verður að viðurkenna starfsleyfi sem læknir, hjúkrunarfræðingur, ljósmóðir, lyfjafræðingur eða tannlæknir, sem þriðjaríkisborgari hefur óskert í öðru EES ríki, hafi viðkomandi starfað í því ríki í fullu starfi a.m.k. síðastliðin þrjú ár. Þriðjaríkisborgara er engu að síður skylt að hafa fengið ráðningarsamning hér á landi, ásamt atvinnu- og dvalarleyfi, líkt og kveðið er á um í almenna umsóknarferlinu.
Drög að þeirri reglugerð sem nú hefur öðlast gildi voru birt til umsagnar í samráðsgátt stjórnvalda í apríl síðastliðnum. Alls bárust 20 umsóknir og tók reglugerðin nokkrum breytingum með hliðsjón af þeim.
Fleiri fréttir
-
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.