Nautakjöt beint frá bónda
„Mín gamla, góða vinkona Bidda (Elísabet Kjartansdóttir) skoraði á mig að vera matgæðingur í hinu ljómandi fína tímariti Feyki. Ég gat ekki fyrir nokkurn mun skorast undan því og þakka henni kærlega fyrir að hafa haft þetta álit á mér og minni matseld. Það er alltaf skemmtilegt að þreifa sig áfram í eldhúsinu, þó frágangurinn sé ekki skemmtilegur að sama skapi.
Þar sem við hjónin vorum að fylgja úr hlaði nýrri heimasíðu með sölu á kjöti beint frá bónda um síðustu helgi, er auðvitað ekkert annað en nautakjöt sem verður fyrir valinu að þessu sinni og tefli hér fram einni af þeim uppskriftum sem finna má á síðunni okkar og er í miklu uppáhaldi hjá börnunum. Læt líka fylgja með uppskrift af uppáhalds snittubrauðunum mínum. Það er alltaf gott að baka svolítinn slatta af þeim þegar andinn kemur yfir mann og eiga í frystinum til að grípa í. Í eftirrétt skellum við svo í stórkostlega bombu sem enginn verður svikinn af. Hún sómir sér alls staðar vel, hvort sem er í eftirrétt eða á kaffihlaðborðinu,“ sagði Ragnheiður Hlín Símonardóttir frá Ketu í Hegranesi, bóndi á Kálfafelli við Kirkjubæjarklaustur en hún var matgæðingur vikunnar í 3. tbl. Feykis 2017.
Tortillaréttur fyrir fjóra
(Ég er auðvitað aldrei að elda fyrir fjóra svo ég þarf alltaf að minnsta kosti að tvöfalda).
- 500 g nautahakk (steikt og kryddað)
- 100 g hrísgrjón (soðin)
- 6 stk .tortillakökur
- 200 g rjómaostur
- mjólk
- 1 rauðlaukur
- 1 rauð paprika
- gular baunir
- ½ krukka guacamole
- salsasósa
- rifinn ostur
Aðferð:
Rjómaostur og mjólk er brætt saman í potti. Rauðlaukur, rauð paprika og gular baunir sett út í hakkið þegar búið er að steikja það og krydda að vild. Hrísgrjónin eru sett neðst í eldfast mót. Hakkblandan sett í tortillakökurnar, þeim rúllað upp og þær settar þétt upp að hvor annarri í eldfasta mótið. Þá er rjómablöndunni hellt yfir kökurnar og þar á eftir er guacamole og salsasósunni smurt yfir allt. Osturinn er svo settur yfir sósurnar. Hitað í ofni í u.þ.b. 25 mínútur við 200°C. Borið fram með salati að eigin vali og nýbökuðu snittubrauði.
Snittubrauð:
50 g brætt smjörlíki
5 dl mjólk
2 tsk salt
2 tsk sykur
50 g ger
900 g hveiti
Hnoðað saman og látið hefast í skálinni í 30 mínútur. Rúllað upp í þrjár lengjur og látið hefast aftur í 30 mínútur. Bakað neðst í ofni við 200 gráður í 30 mínútur.
Bomban:
5 dl rjómi
3 msk sykur
3 stk egg
½ marensbotn
1 stór poki Maltesers kúlur
ávextir að eigin vali
Aðferð:
Eggin eru aðskilin og eggjahvíturnar stífþeyttar. Þar næst eru eggjarauðurnar og sykurinn stífþeytt og svo er rjóminn þeyttur, allt er þetta gert í sitthvoru lagi og blandað síðan þeyttu saman. Brjótið Maltesers kúlurnar og marensbotninn í hæfilega stærð og blandið saman við eggja-og rjómablönduna. Öllu hrært út í fallega skál eða eldfast mót og sett í frysti í a.m.k. 3 klst.
Tíu mínútum fyrir notkun er skálin tekin út úr frystinum og ávöxtum að vild, t.d. jarðarberjum, bláberjum, kíví og bönunum, raðað ofan á ,,ísinn“. Fyrir þá sem eru sjúkir í möndlur er gott að rista u.þ.b. hálfan poka af þeim og setja yfir ávextina. Það er þó alls ekki nauðsynlegt. Þetta er stórgóður eftirréttur sem svíkur engan.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.