Naumt tap Stólastúlkna í spennuleik
Kvennalið Tindastóls í körfunni spilaði fyrsta leik sinn á nýju ári í gærkvöldi en þá heimsóttu þær lið Aþenu/Leiknis/UMFK í Austurberg. Kanaskipti hafa orðið hjá Stólastúlkum en Jayla Johnson spilaði í gær sinn fyrsta leik en hún er allt öðruvísi leikmaður en Chloe Wanink sem var með liðinu fyrir áramót. Leikurinn í gær var jafn og spennandi en það voru heimstúlkur sem reyndust sterkari í fjórða leikhluta og unnu þriggja stiga sigur. Lokatölur 73-70.
Jayla og Emese fóru mikinn í upphafi leiks og gerðu 15 fyrstu stig Tindastóls sem sýndi fínan leik í fyrsta leikhluta og leiddu 16-23 að honum loknum. Heimastúlkur hertu á vörn sinni í öðrum leikhluta og minnkuðu muninn smám saman. Staðan var 28-30 eftir fimm mínútur og báðum liðum gekk illa að koma boltanum í körfurnar fram að hléi en þá höfðu heimstúlkur náð að jafna, staðan 34-34.
Þriðji leikhluti var hnífjafn en Stólastúlkur áttu góðan kafla upp úr miðjum leikhluta og náðu átta stiga forystu, 42-50, en lið Aþenu var rétt rúma hálfa mínútu að jafna leikinn og komust yfir, 52-50. Fimm stig frá Jaylu sáu til þess að lið Tindastóls var stigi yfir, 54-55, fyrir lokafjórðunginn. Þá sigu heimastúlkur fram úr og voru sjö stigum yfir þegar tæpar fimm mínútur voru eftir, 68-61. Þær voru enn sjö stigum yfir, 72-65, þegar ein og hálf mínúta var eftir en Stólastúlkur náðu að minnka muninn í þrjú stig, 72-69, þegar 13 sekúndur voru eftir með körfum frá Emese og Evu Rún. Nær komust gestirnir ekki og tap staðreynd.
Jayla var stigahæst leikmanna Tindastóls með 31 stig og sjö fráköst, Emese var með 19 stig og 20 fráköst og Eva Rún var með 15 stig, níu fráköst og fimm stoðsendingar.
Fyrirliðinn bjartsýnn á framhaldið
Eva Rún Dagsdóttir, fyrirliði Tindastóls, segir að Jayla Johnson komi með mikinn styrk og orku inn í liðið en Feykir spurði hana hvað hún kæmi með inn í liðið. „Hún er frábær persónuleiki og við náum allar mjög vel saman. Hvað breytist með tilkomu hennar? Ég held að hún sé akkurat það sem vantaði í liðið. Hún spilar 3-4 og kemur með mikinn kraft. Hún getur skotið, klárað í kringum körfuna, búið sér til færi og spilað góða vörn. Það sem breytist með tilkomu hennar er einmitt það að hún hefur þetta allt saman. En það vantaði meira frá Chloe.
Hvað fannst þér um leikinn í gær? Við áttum auðvitað að vinna þennan leik og það er vel pirrandi að tapa með þremur stigum. En fyrir utan það fannst mér þetta geggjaður leikur að flestu leiti. Allt liðið var að koma saman í fyrsta skipti eftir fjarveru, Emese kom t.d. beint í leikinn frá Serbíu, og fleiri sem höfðu ekki komist á æfingar fyrir leik, Jayla nýkomin. Miðað við það spiluðum við drulluvel saman. Mér fannst vera góð orka, góður liðsandi, góð barátta, góð samvinna og vilji fyrir sigri. Við vorum ellefu í hóp og allar fengu sínar mínútur. Þó að við töpuðum leiknum er þetta smá sigur í leiðinni af því að ég veit að eftir góðar æfingar eigum við eftir að vinna næstu leiki með þessu liði.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.