Mikið um dýrðir á Skúnaskralli
Barnamenningarhátíðin Skúnaskrall sem haldin er í fyrsta sinn víðs vegar á Norðurlandi vestra stendur nú yfir en ýmis námskeið, vinnustofur og listviðburðir prýða dagskrá hátíðarinnar. Meginreglan er að aðgangur sé ókeypis og veiti því öllum börnum og ungmennum á Norðurlandi vestra tækifæri til að upplifa og vinna að fjölbreytileika listsköpunar.
Skúnaskrall hófst mánudaginn 25. apríl á opnu húsi í Höfðaskóla og síðan hefur hver viðburðurinn rekið annan á svæðinu.
Verkefnið er liður í sóknaráætlun Norðurlands vestra og er stjórn hátíðarinnar ráðin af samtökum sveitarfélaganna sem einnig veita fjármagni í verkefnið og halda utan um bókhald en að öðru leyti er verkefnið fjármagnað af styrkveitingum.
Mikið hefur verið að gera á Skúnaskralli í dag en klukkan 9 í morgun mætti Lalli Töframaður í Hóla áður en hann heimsótti krakkana á Hofsósi. Í Varmahlíð og Árskóla á Sauðárkróki var boðið upp á sýninguna Harmleikur í textíl þar sem Gudrun Kloes túlkar söguna af Gretti sterka í textílverkum en hún mun kynna hana fyrir nemendum í öllum grunnskólum á Norðurlandi vestra á hátíðinni. Gudrun hefur hlotið mikið lof fyrir verk sín, nú síðast á Barnamenningarhátíð í Reykjavík.
Þá stendur nú yfir Sturlað fjör á 1238 og klukkan 16 verður boðið upp á badminton í íþróttahúsinu á Króknum fyrir yngstu börnin, 4 ára og eldri en í kynningu segir að um hressandi námskeið sé að ræða fyrir alla sem langar að prófa.
Vortónleikar Tónlistarskólans á Sauðárkróki hefjast klukkan 16 í matsal Árskóla og hálfri stund síðar danssýning Tónadans í Varmahlíð.
Á Blönduósi býður bókasafnið upp á ratleik vikuna á enda þar sem börn og foreldrar eða forráðamenn þeirra geta komið, sótt leiðbeiningar og tekið þátt.
Hátíðin stendur fram að sunnudeginum 15. maí og eru yfir hundrað viðburðir á dagskrá um allan landshlutann. Hægt er að fylgjast með dagskránni á heimasíðu Skúnaskralls, www.skunaskrall.is, og Facebook-síðu hátíðarinnar. „Barnamenningarhátíð Norðurlands vestra er spennandi verkefni sem vonandi fær að stækka og dafna í framtíðinni og verða fastur liður í menningarstarfi barna á svæðinu“ segir í tilkynningu SSNV.
Fleiri fréttir
-
Nýtt upphaf – í þjónustu við þjóðina | Arna Lára Jónsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 11.54Við í Samfylkingunni óskum eftir þínum stuðningi til að leiða breytingar sem nauðsynlegar eru fyrir Ísland. Við höfum átt í innihaldsríku samtali við þjóðina síðastliðin tvö ár og því ætlum við að halda áfram. Það að vera í þjónustu við þjóðina þýðir að hlusta og rækta samband við fólkið í landinu. Það höfum við gert og ætlum að gera áfram. Þetta samtal er grunnurinn að stefnu Samfylkingarinnar fyrir þessar kosningar sem birtist í Planinu, þremur útfærðum tillögum í efnahagsmálum, velferðarmálum og atvinnu- og innviðamálum.Meira -
Baráttusigur Stólastúlkna í Hveragerði
feykir.is Skagafjörður, Íþróttir, Lokað efni 27.11.2024 kl. 09.10Kvennalið Tindastóls í Bónus deildinni tók þátt í enn einum spennuleiknum í gærkvöldi þegar liðið sótti Hamar/Þór heim í Hveragerði. Eftir leik sem lengstum var hnífjafn, liðin skiptust 13 sinnum á um að hafa forystuna og 14 sinnum var allt jafnt, þá voru það gestirnir sem reyndust grimmari á lokakaflanum. Þær voru níu stigum undir þegar fimm mínútur voru til leiksloka en snéru taflinu við og unnu leikinn 103-105.Meira -
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira -
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.