Mikið tjón er bíl var ekið inn í Sauðárkróksbakarí í morgun
Um klukkan fimm í morgun var ekið á suðurvegg Sauðárkróksbakarís og inn á mitt gólf afgreiðslusalarins. Eigandi og yfirbakarinn, Snorri Stefánsson, var eini starfsmaðurinn í húsinu þegar atvikið átti sér stað en hann var staddur í öðru rými bakarísins þegar ósköpin gengu yfir.
„Það er allt ónýtt þarna inni. Ég þarf að byrja á því að tína allt út og svo byggja upp á ný. Ég reikna ekki með því að hér verði opið næstu tvo mánuðina,“ segir Snorri aðspurður um tjónið sem hann segir mjög mikið. „Þetta er það mikið tjón að það er bara vangefið!“ Snorri segi að það góða í þessu sé hve margir hafi haft samband og boðið fram aðstoð sína við að taka til eða annað.
Snorri var inni í húsinu þegar þetta gerist en í öðrum sal og því ekki í neinni hættu á þeirri stundu. En það hefði getað farið öðru vísi. „Við getum ímyndað okkur það að ef ég hefði verið að ná mér í kaffi á þessum tímapunkti væri ég ekki að tala við þig.“
Fyrir utan það að afgreiðslan verður lokuð þann tíma sem tekur að byggja hana upp á ný segir Snorri starfssemi bakarísins ekki riðlast að öðru leyti en því að ekki verða afgreidd brauð í búðir á morgun en hann segist eiga von á því að geta sent vörur út á þriðjudag.
Að sögn lögreglunnar á Norðurlandi vestra er ökumaður bifreiðarinnar grunaður um ölvun við akstur og vistaður í fangaklefa. Brunavarnir Skagafjarðar var kallað út til að ná bílnum út, hreinsa upp olíu á gangstétt og innan dyra en einnig var vatnsleki sem þurfti að eiga við.
Fleiri fréttir
-
Flokkur fólksins vill efla byggð um land allt! | Lilja Rafney Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 18.08Það er sameiginlegur hagur allra landsmanna að halda landinu öllu í byggð svo það gangi upp verður að tryggja aðgang íbúa að fjölbreyttri grunnþjónustu óháð búsetu og efnahaga. Það verður að tryggja að allir landsmenn sitji við sama borð og hafi jöfn tækifæri. Það er grundvöllur þess að öflugt og fjölbreytt atvinnulífi sé til staðar á landsbyggðunum og að fólk velji sér þar framtíðar búsetu.Meira -
Hefur Sjálfstæðisflokkurinn hækkað eða lækkað skatta? | Kristófer Már Maronsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 15.51Sjálfstæðisflokkurinn hefur verið í ríkisstjórn frá árinu 2013 og lagt áherslu á að lækka skatta og styrkja velferðarkerfið. Þó eru til stjórnmálamenn sem reyna að halda öðru fram.Meira -
Áfram Hvöt!
feykir.is Austur-Húnavatnssýsla, Íþróttir, Mannlíf, Lokað efni 27.11.2024 kl. 14.50Afmælishátíð Ungmennafélagsins Hvatar, sem haldin var í Íþróttamiðstöðinni á Blönduósi, gekk vonum framar. Skaut formaður félagsins, Grímur Rúnar Lárusson, að um 250-300 manns hafi mætt á fyrri skemmtunina sem var stíluð inn á yngri kynslóðina og svo 90-100 manns á formlegu dagskránni seinni partinn.Meira -
Ilze tekur sæti Mélissu hjá Stólastúlkum
feykir.is Skagafjörður, Íþróttir, Lokað efni 27.11.2024 kl. 13.52Ákveðið hefur verið að gera breytingar á leikmannahópi kvennaliðs Tindastóls. Í fréttatilkynningu frá körfuknattleiksdeild Tindastóls segir að Melissa Diawkana hafi kvatt liðið og í hennar stað hafi verið samið við hina lettnesku Ilze Jakobsone. Ilze er mætt til landsins og verður klár fyrir næsta leik.Meira -
Niðurgreiðum raforku til grænmetisræktar | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 13.17Ísland er eyja í norður Atlantshafi. Sú staðsetning gerir það að verkum að þegar kemur að grænmeti þá höfum við tvo valkosti í boði. Við getum annaðhvort flutt það inn með skipum eða flugi, og borgað mikla álagningu fyrir vöru sem er ekki fersk, eða nýtt okkar grænu orku og hreina vatn til að rækta fyrsta flokks grænmeti á Íslandi.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.