Mikið stuð í Tindastól um helgina
Tindastuð 2023 var haldið í þriðja skiptið sl. laugardag á skíðasvæði Tindastóls. Það var mikið um að vera frá morgni til kvölds, Íslandsmeistaramót í snocrossi, skíða- og snjóbrettaupplifun í brekkunum og tónleikar um kvöldið. Sigurður Hauksson, staðarhaldari skíðasvæðisins, sagðist vera að ná sér eftir átök helgarinnar er Feykir náði tali af honum gær.
„Þetta gekk mjög vel allt saman og við duttum í lukkupottinn með veðrið loksins. Mínum bænum hefur verið svarað, nýr snjór, sól og blíða og hreyfði ekki vind,“ sagði Sigurður glaður í bragði. Fjöldi keppenda tók þátt í snocross keppninni sem var hið fjórða í Íslandsmeistaramótaröðinni en það fimmta og jafnframt það síðasta fer fram 15. apríl á Egilsstöðum. Áður hefur verið keppt á Ólafsfirði, Akureyri og við Mývatn.
Margir mættu í fjallið ýmist til að fylgjast með keppninni eða renna sér í brekkunum og sagði Sigurður að bílaröð sitthvoru megin vegarins hefði náð niður að beygju um kílómetra frá bílastæði, sem einnig var fullnýtt.
Hann segir að eftir keppnina hafi svæðinu verið lokað um klukkan fjögur en opnað aftur hálfsjö þegar tónlistardagskrá hófst.
„Ari brettakappi var að „dj-a“ þegar fólk mætti en þá var sviðið komið upp og svo hófst formleg dagskrá klukkan átta. Þá fóru Daniil, Valdís, MC Gauti og Úlfur Úlfur á svið.
Þetta var algjör snillld, rosa góð mæting, mikið af Króksurum í ár sem var jákvætt, og geggjað veður. Sólsetur var alveg upp á tíu og svo komu norðurljósin þegar Úlfur Úlfur steig á svið og dönsuðu í takt við tónlistina. Þetta hefði ekki getað verið betra,“ lýsir Sigurður stemningunni sem hann segir nokkuð frábrugðna þeirri er veðurguðirnir buðu upp á fyrir ári síðan en þá var hvasst og rigning.
Aðspurður um aðstæður á skíðasvæðinu segir Sigurður að svo virðist sem öllum hans bænum hafi verið svarað síðustu tvær vikur. „Snjórinn er mættur en það lá við að skíðasvæðinu yrði lokað fyrir tveimur vikum, það var það lítill snjór og ekkert hægt að gera. Páskarnir líta mjög vel út og efri lyftan komin í gang. Loksins kominn snjór á það svæði líka. Það er bara jákvætt.“
Hér fyrir neðan má sjá samantekt um vélsleðamótið í þættinum Snocross Pitturinn á YouTube.
Fleiri fréttir
-
Á sterka minningu um boltaleik með langafa sínum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 16.33Ólafur Adolfsson er oddviti Sjálfstæðisflokksins í Norðvestur kjördæmi. Ólafur er í sambandi með Margréti Birgisdóttur lyfjafræðingi og á hann tvö uppkomin börn, tvö barnabörn og tvö stjúpbörn. Ólafur er alinn upp í Ólafsvík og hefur auk þess átt heima um skemmri eða lengri tíma á Akranesi, í Reykjavík og á Sauðárkróki og er í dag með lögheimili á Akranesi. Hann er lyfjafræðingur og lyfsali, á og rekur fjórar lyfjabúðir sem eru staðsettar á Akranesi, í Borgarnesi, í Ólafsvík og í Vesturbæ Reykjavíkur.Meira -
Rætt við Grím Rúnar í tilefni 100 ára afmælishátíðar Hvatar á laugardaginn
feykir.is Austur-Húnavatnssýsla, Listir og menning, Lokað efni 21.11.2024 kl. 14.46Það stendur mikið til á Blönduósi nú á laugardaginn því þá fagnar Ungmennafélagið Hvöt 100 ára afmæli sínu með pompi og prakt. Það er því við hæfi að leggja nokkrar spurningar fyrir formann félagsins en það er Grímur Rúnar Lárusson. Grímur er innfæddur Blönduósingar og býr þar, er löglærður fulltrúi sýslumanns að aðalstarfi en í hjáverkum er hann sveitarstjórnarfulltrúi í Húnabyggð og formaður Umf. Hvatar.Meira -
Rótarýklúbburinn býður til ókeypis jólahlaðborðs í tíunda sinn
feykir.is Skagafjörður, Austur-Húnavatnssýsla, Lokað efni 21.11.2024 kl. 13.55Það styttist í aðventuna og í Skagafirði verða ljós tendruð á jólatrénu á Kirkjutorgi laugardaginn 30. nóvember. Sama dag standa Rótarýfélagar fyrir jólahlaðborði í íþróttahúsinu en þangað er öllum boðið og borða saman hangikjöt eða hamborgarhrygg og annað sem nauðsynlegt er. „Okkur Rótarýfélögum finnst þetta afskaplega gefandi, skemmtilegt og mikilvægt verkefni þar sem við sýnum í verki að við viljum láta gott af okkur leiða fyrir samfélagið,“ segir Ómar Bragi Stefánsson, forseti Rótarýklúbbs Sauðárkróks, í spjalli við Feyki.Meira -
Óvissa í kjölfar niðurstöðu héraðsdóms varðandi undanþágu frá samkeppnislögum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 11.28Héraðsdómur Reykjavíkur komst að þeirri niðurstöðu sl. mánudag að breytingar á búvörulögum, þar sem framleiðendafélögum var veitt undanþága frá ákvæðum samkeppnislaga, sem samþykktar voru á Alþingi í mars síðastliðnum, hefðu strítt gegn áskildum fjölda umræðna á Alþingi og hafi af þeim sökum ekki lagagildi. Eins og greint hefur verið frá þá keypti Kaupfélag Skagfirðinga í kjölfarið Kjarnafæði - Norðlenska og var langt komið með að kaupa B.Jensen í Eyjafirði.Meira -
Horfði á alþingisrásina eftir skóla
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 10.29María Rut Kristinsdóttir er oddviti Viðreisnar í Norðvestur kjördæmi. María er gift Ingileif Friðriksdóttur, eiga þær saman þrjú börn og einn hund. Búsettar í Reykjavík en alltaf með annan fótinn á Flateyri og Ísafirði. María hef starfað sem aðstoðarmaður formanns Viðreisnar síðan 2017 (með stuttu hléi).Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.