Menningardagskrá Gránu hefur fengið frábærar viðtökur
Í gærkvöldi var notaleg kvöldstund í útbænum á Króknum í boði Menningarfélags Gránu. Þá mætti Páll Snævar Brynjarsson í heimsókn í Gránu og rifjaði upp ævintýri og búðarrölt þar sem hann og Sverrir Björn Björnsson léku jólasveina í Aðalgötunni á aðventunni 1978. Segja má að aðsókn hafi farið fram úr björtustu vonum, veitingasalurinn í Gránu troðfullur, og margur gamall og genginn Króksarinn lifnaði við í hugum gesta þegar sögur voru rifjaðar upp og myndir sýndar á tjaldi.
Palli, sem búið hefur í Borgarnesi síðustu 20 árin en er Króksari af '65 árgangi, sagði í byrjun að fyrstu árin hafi hann verið fyrir hádegi á Hólmagrundinni þar sem foreldrarnir bjuggu, en eftir hádegi í Aðalgötunni, nánar tiltekið í Apótekinu þar sem afi hans og amma, apótekarinn Ole og Minna Bang, bjuggu. Árin áður en Skaffó opnaði syðst í bænum, þegar gamli bærinn var enn miðbærinn, þá lá leið skólakrakkanna út í bæ þar sem skátaheimilið í Gúttó spilaði stóra rullu og heimsóknir í bakaríið og ekki síst til Búbba voru fastur partur í tilverunni. Palli fetaði semsagt slóð jólasveinanna milli búðanna í Aðalgötunni, minntist fólksins á bak við búðarborðin og sagði sögur tengdar þeim.
Jólin í Gránu á laugardag og Bergur Ebbi boðar komu sína í byrjun árs
Sem fyrr segir var þessi viðburður partur af haust- og vetrardagskrá Menningarfélagsins Gránu en þar er Áskell Heiðar Ásgeirsson innsti koppur í búri. Viðburðirnir hafa verið af ýmsum toga; tónleikar, uppistand, kynningar og frásagnir. „Viðtökur hafa verið alveg frábærar, mikil aðsókn og ánægja með þetta framtak,“ segir Heiðar aðspurður um hvernig tekið hafi verið í dagskrána.
Og ekki stefnir í rólegheitin eftir áramót. „En það sem er næst á dagskrá eru tónleikarnir Jólin í Gránu nú á laugardag, þar eru enn örfá sæti laus og síðan hefjum við nýtt ár á stórviðburði, hinn frábæri Bergur Ebbi verður hér með uppistand 12. jan næstkomandi. Upplagt að gefa upplifun í jólagjöf og kaupa miða á hann á tix.is,“ segir Áskell Heiðar að lokum.
Fleiri fréttir
-
Flokkur fólksins vill efla byggð um land allt! | Lilja Rafney Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 18.08Það er sameiginlegur hagur allra landsmanna að halda landinu öllu í byggð svo það gangi upp verður að tryggja aðgang íbúa að fjölbreyttri grunnþjónustu óháð búsetu og efnahaga. Það verður að tryggja að allir landsmenn sitji við sama borð og hafi jöfn tækifæri. Það er grundvöllur þess að öflugt og fjölbreytt atvinnulífi sé til staðar á landsbyggðunum og að fólk velji sér þar framtíðar búsetu.Meira -
Hefur Sjálfstæðisflokkurinn hækkað eða lækkað skatta? | Kristófer Már Maronsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 15.51Sjálfstæðisflokkurinn hefur verið í ríkisstjórn frá árinu 2013 og lagt áherslu á að lækka skatta og styrkja velferðarkerfið. Þó eru til stjórnmálamenn sem reyna að halda öðru fram.Meira -
Áfram Hvöt!
feykir.is Austur-Húnavatnssýsla, Íþróttir, Mannlíf, Lokað efni 27.11.2024 kl. 14.50Afmælishátíð Ungmennafélagsins Hvatar, sem haldin var í Íþróttamiðstöðinni á Blönduósi, gekk vonum framar. Skaut formaður félagsins, Grímur Rúnar Lárusson, að um 250-300 manns hafi mætt á fyrri skemmtunina sem var stíluð inn á yngri kynslóðina og svo 90-100 manns á formlegu dagskránni seinni partinn.Meira -
Ilze tekur sæti Mélissu hjá Stólastúlkum
feykir.is Skagafjörður, Íþróttir, Lokað efni 27.11.2024 kl. 13.52Ákveðið hefur verið að gera breytingar á leikmannahópi kvennaliðs Tindastóls. Í fréttatilkynningu frá körfuknattleiksdeild Tindastóls segir að Melissa Diawkana hafi kvatt liðið og í hennar stað hafi verið samið við hina lettnesku Ilze Jakobsone. Ilze er mætt til landsins og verður klár fyrir næsta leik.Meira -
Niðurgreiðum raforku til grænmetisræktar | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 13.17Ísland er eyja í norður Atlantshafi. Sú staðsetning gerir það að verkum að þegar kemur að grænmeti þá höfum við tvo valkosti í boði. Við getum annaðhvort flutt það inn með skipum eða flugi, og borgað mikla álagningu fyrir vöru sem er ekki fersk, eða nýtt okkar grænu orku og hreina vatn til að rækta fyrsta flokks grænmeti á Íslandi.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.