Meirihluti sveitastjórnar Húnavatnshrepps telur ekki tímabært að sameinast Blönduósbæ
Það hefur eflaust ekki farið framhjá neinum sem les þennan miðil að kosið var um sameiningu sveitarfélaganna í Austur-Húnavatnssýslu þann 5. júní sl. Sameiningartillagan var felld í Skagabyggð með 54,7 % mótföllnum atkvæðum og á svf. Skagaströnd með 69,2 %. Tillagan var hinsvegar samþykkt í Blönduósbæ og Húnavatnshreppi með 89,4 % og 56,6 % fylgjandi atkvæðum.
Á fundi sveitastjórnar Húnavatnshrepps sem fram fór í gær, þann 22. júní, ályktaði meirihluti sveitastjórnar að ekki skuli vera gengið til annars konar sameiningarviðræðna að svo stöddu. Það hefur verið í umræðunni að Húnavatnshreppur og Blönduósbær sameinist vegna þess að íbúar sveitarfélagana beggja kusu með upphaflegu sameiningartillögunni.
Ályktunin er svo hljóðandi.
„Vegna niðurstöðu kosninga um sameiningu allra sveitarfélaganna í Austur-Húnavatnssýslu, þar sem tillaga um sameiningu var felld í Sveitarfélaginu Skagaströnd og Skagabyggð, en samþykkt í Húnavatnshreppi og Blönduósbæ, er ljóst að ekkert verður af sameiningu sveitarfélaganna í Austur-Húnavatnssýslu 2022. Meirihluti sveitastjórnar Húnavatnshrepps telur mjög mikilvægt að öll sveitarfélögin vinni áfram sameiginlega að þeim málaflokkum sem þau hafa nú þegar byggðasamlög um. Meirihluti sveitastjórnar telur ekki tímabært að hefja viðræður um annars konar sameiningu að svo stöddu að teknu tilliti til niðurstöðu nýafstaðinna sameiningarkosninga í Húnavatnshreppi.“
Ályktun þessi var samþykkt með fimm atkvæðum gegn tveimur.
Jón Gíslason, Jóhann Magnúsdóttir, Berglind Hlín Baldursdóttir fulltrúar A-lista framtíðar og Ragnhildur Haraldsdóttir og Sverrir Þór Sverrisson fulltrúar N-listans Nýs framboðs samþykktu ályktunina en Þóra Sverrisdóttir og Jón Árni Magnússon fulltrúar E-listans Nýs afls voru mótfallin henni.
/SMH
Fleiri fréttir
-
Stóllinn, Stóllinn, Stóllinn, Tindastóll!
feykir.is Skagafjörður, Lokað efni 28.11.2024 kl. 16.38Nýr Stóll hefur litið dagsins ljós og var dreift í hús á Sauðárkróki í gær. Það er körfuknattleiksdeild Tindastóls sem gefur út en starfsfólk Nýprents safnar efni, útbýr viðtöl og hefur veg og vanda að uppsetningu og vinnslu. Það er síðan meistari Davíð Már sem annast myndatökur.Meira -
Vonast til að FabLab-aðstaða verði opnuð í byrjun næsta árs
feykir.is Vestur-Húnavatnssýsla, Mannlíf, Lokað efni 28.11.2024 kl. 14.23Opið samráð um samfélagsmiðstöð í Félagsheimilinu Hvammstanga er kynnt á heima-síðu Húnaþings vestra. Feykir forvitnaðist aðeins um málið hjá Unni Valborgu Hilmarsdóttur sveitarstjóra og þar á meðal hvaða þjónustu hún sjái fyrir sér að verði veitt í miðstöðinni.Meira -
Öflugur landbúnaður er lykill að kröftugri byggð
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 13.45Til að stuðla að farsæld og heilbrigðum vexti landbúnaðar og fæðutengdrar starfsemi þurfum við að hugsa fyrir framtíðinni í stærra samhengi en mér sýnist hafa verið gert hingað til. Opinber stuðningur skiptir augljóslega máli, en fleiri þurfa að leggja lóð sitt á vogaskálarnar.Meira -
Tækifærin í Norðvesturkjördæmi
feykir.is Skagafjörður, Austur-Húnavatnssýsla, Aðsendar greinar 28.11.2024 kl. 11.45Norðvesturkjördæmi er einstakt, þar sem stórbrotin náttúra, rík saga og menning mætast. Til að byggja upp öflugt samfélag og skapa jákvæðar framtíðarhorfur, verðum við að nýta þau tækifæri er hér felast. Við í Vinstri grænum leggjum áherslu á vel mannaða heilsugæslu, bættar samgöngur, fjölbreytta atvinnu og verndun náttúrunnar, því þannig leggjum við grunninn að öflugu samfélagi til langframa.Meira -
Ég vil vera sterkur málsvari fyrir ykkur
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 09.17Það er búið að vera óendanlega gefandi vegferð að ferðast um Norðvesturkjördæmi síðastliðnar vikur. Það hefur verið magnað að heimsækja ykkur mörg og fylgjast með uppgangi nýsköpunar, frumkvöðlastarfs og vaxtar í bland við sterka og rótgróna atvinnuv...Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.