Ljósmyndasýning Húnvetninga í Ráðhúsinu
Nú í vikunni hófst ljósmynda- og útskurðasýning húnvetnskra listamanna sem sett var upp í Tjarnarsal Ráðhússins í Reykjavík. Það er Menningarráð Norðurlands vestra og Sparisjóður Hvammstanga sem styrkja þessa sýningu. Sýningin stendur til sunnudagsins 24. maí og er opin á opnunartíma ráðhússins.
Ljósmyndarar eru fjórir: Þeir Pétur Jónsson frá Súluvöllum á Vatnsnesi, Jón Eiríksson bóndi á Búrfelli, Jón Sigurðsson Blönduósi og Bjarni Freyr Björnsson frá Húnsstöðum. Útskurðamenn eru tveir, þeir Helgi Björnsson bóndi í Huppahlíð og Ásgeir Júlíus Ásgeirsson Víðigerði. Listamennirnir og Hagfélagið stendur að uppsetningunni en Óli Arnar Brynjarsson á Sauðárkróki var fenginn til að velja myndirnar og setja í samhengi. Sýningin er á besta tíma en Listahátíð Reykjavíkur stendur yfir þá daga sem Ljósmyndasýning Húnvetninga stendur uppi.
Í sumar er ætlunin að sýningin verði sett upp norðanlands og árið 2012 þegar verkefninu er lokið þá verði búið að setja hana upp í öllum sýslum á Norðurlandi vestra.
Hugmyndin að verkinu kviknaði upphaflega með það markmið að eiga gott safn af fallegum og fróðlegum ljósmyndum, til að nota við ýmis tækifæri, eins og hátíðir, sérsýningar o.fl. og verða aðgengilegt fólki.
Ferðamenn, bæði innlendir og erlendir sem og heimamenn á Norðurlandi vestra fá notið þessarar sýningar sem styrkt er af Menningarráði Norðurlands vestra. Verkefnið hlaut kr. 250.000 sem gerði útslagið með að það fór af stað, en sækja þurfti um viðbótarstyrki til annarra aðila, vegna kynningarefnis o.fl.
Þetta er fysta verkefni Hagfélagsins með listamönnunum .
Fleiri fréttir
-
Fáliðaðar Stólastúlkur áttu ekki roð í Íslandsmeistarana
feykir.is Skagafjörður, Íþróttir, Lokað efni 01.04.2025 kl. 09.37Úrslitakeppnin í Bónus deild kvenna hófst í gærkvöldi og lið Tindastóls sótti þá Íslandsmeistara Keflavíkur heim. Israel og Hlynur mættu með aðeins átta stúlkur til leiks en meðal annars vantaði bæði Ilze og Rannveigu í hópinn en þær voru veikar. Heimaliðið byrjaði vel og hleypti gestunum í raun aldrei inn í leikinn. Staðan í hálfleik var 46-33 en lokatölur 91-62.Meira -
Landsmenn hvattir til að koma sér upp viðlagakassa
feykir.is Skagafjörður, Austur-Húnavatnssýsla, Vestur-Húnavatnssýsla 01.04.2025 kl. 08.21Það er mikilvægt að öll heimili landsins geti komist af í að minnsta kosti 3 daga ef neyðarástand skapast. Neyðarástand getur skapast af ýmsum ástæðum og oft með stuttum eða engum fyrirvara. Við slíkar aðstæður er mikilvægt að hvert og eitt okkar geti bjargað sér í einhverja daga án utanaðkomandi hjálpar. Við þurfum að búa okkur undir að vera án rafmagns og vatns í að minnsta kosti 3 daga.Meira -
Sigur í æfingaleik gegn FH í frumraun bandarísku stúlknanna
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 31.03.2025 kl. 15.53Lið Tindastóls í Bestu deild kvenna í knattspyrnu hefur samið við þrjár bandarískar stúlkur um að leika með liðinu í sumar. Það eru Grace Pettet sem er örvfættur varnarmaður, framherjinn Makala Woods og markvörðurinn Genevieve Crenshaw en hún er reyndar enn ekki kominn með leikheimild þó Donni þjálfari sé bjartsýnn á að það styttist í það. Áður var búið að segja frá því að hin þýska Nicole Hauk væri genginn til liðs við lið Tindastóls.Meira -
Íbúasamráð um sameiningarviðræður Dalabyggðar og Húnaþings vestra
feykir.is Vestur-Húnavatnssýsla 31.03.2025 kl. 12.35Verkefnisstjórn um óformlegar viðræður um sameiningu Dalabyggðar og Húnaþings vestra boðar til íbúafunda í Dalabúð þann 8. apríl kl. 17:00-19:00 og í Félagsheimilinu á Hvammstanga þann 9. apríl kl. 17:00-19:00.Meira -
Hljómbrá á Löngumýri
feykir.is Skagafjörður, Austur-Húnavatnssýsla, Vestur-Húnavatnssýsla 31.03.2025 kl. 11.47Tríóið Hljómbrá sem skipað er „brussunum úr Blönduhlíðinni“ þeim Gunnu í Miðhúsum, Kollu á Úlfstöðum og Írisi Olgu í Flatatungu heldur sína fyrstu tónleika á Löngumýri, þriðjudaginn 1. apríl kl. 20.00.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.