„Lífsins gæði og gleði“ skilar okkur brosandi inn í sumarið

feykir.is Skagafjörður, Aðsendar greinar 30.04.2014 kl. 13.57

Atvinnulífssýningin „Skagafjörður - lífsins gæði og gleði“ var haldinn í 3 skipti um nýliðna helgi. Þar gaf að líta hvað Skagafjörður hefur upp á að bjóða í margbreytilegu atvinnu- og mannlífi.

Gestir fengu að kynnast fjölbreyttri þjónustu, framleiðslu og menningu í héraðinu á glæsilegri sýningu. Af sjálfsögðu var hún fram borin með þeim blæbrigðum og tónaflóði sem hvergi er að finna viðlíka og í Skagafirði. Athygli vakti hvað margt nýtt bar fyrir augu og augljóst að mikið hefur gerst á þeim tveimur árum sem liðin eru frá síðustu sýningu. Þróunar- og frumkvöðlastarf er greinilega með miklum blóma í héraðinu.

Á annað hundrað aðilar tóku þátt í sýningunni

Á sýningunni voru vel á annað hundrað aðilar sem kynntu starf sitt og vörur í 61 bás. Boðið var upp á skemmtiatriði á sviði og ýmiskonar varningur og veitingar til reiðu á staðnum með öllum sínum Skagfirsku einkennum og sérstöðu. Margvísleg fyrirtæki, framleiðendur, ferðaþjónustuaðilar, félagasamtök, sveitarfélagið og stofnanir, kynntu starf sitt, þjónustu og vörur. Við fengum að kynnast því öfluga rannsókna og þróunarstarfi sem fer fram í Skagafirði og menntun á öllum skólastigum. Einnig var sérstök kynning á frumkvöðlum á NV sem atvinnuráðgjafar samtaka sveitarfélaga á NV (SSNV) hafa unnið með. Margt áhugavert bar þar fyrir augu.

Að leiða saman þá krafta og hugvit sem Skagafjörður hefur upp á að bjóða

Svona stór og viðamikil sýning krefst hinsvegar mikils og vandaðs undirbúnings og almenns áhuga á að taka þátt í slíku sameiginlegu verkefni, leiða saman þá krafta og hugvit sem Skagafjörður hefur upp á að bjóða, kynna það mannlíf sem hér fer fram. Það er ástæða til að þakka þeim fjölmörgu sem tóku höndum saman til að gera þessa glæsilegu sýningu að veruleika. Öllum þeim sem lögðu til hennar með þáttöku sinni, en ekki síst þeim sem á undanförnum vikum unnu að undirbúningi hennar, starfsfólki sveitarfélagsins, SSNV, þeim sem tóku þátt í sýningunni og öðrum. „Skagafjörður - Lífsins gæði og gleði 2014“ skilar okkur brosandi inn í sumarið.

Bjarni Jónsson

Form. Atvinnu,- menningar og kynningarnefndar

 

Til baka

Athugasemdir eru á ábyrgð þeirra sem þær skrá.

Feykir áskilur sér þó rétt til að eyða ummælum sem metin verða sem ærumeiðandi eða ósæmileg.

Smelltu hér til að tilkynna óviðeigandi athugasemdir.

Fleiri fréttir

  • Saga Sjöfn Ragnarsdóttir í hlutverki Barböru Smith. MYND gg

    Miðasalan hefst í dag

    feykir.is Skagafjörður, Lokað efni 23.04.2025 kl. 15.00 gunnhildur@feykir.is
    Leikfélag Sauðárkróks frumsýnir nú næskomandi sunnudag 27.apríl leikritið „Flæktur í netinu“ í leikstjórn Valgeirs Skagfjörð. Miðasala hefst í dag, miðvikudag á tix.is.
    Meira
  • MYND Sigfús Ingi Sigfússon.

    Faxi er kominn heim

    feykir.is Skagafjörður 23.04.2025 kl. 14.22 gunnhildur@feykir.is
    Að morgni dags 21. júlí 2023, sagði Feykir frá því að Faxi hafi tekið á flug á vit nýrra ævintýra. Næsti áfangastaður var Reykjavík þar sem hann var gerður sýningarhæfur og hafður á sýningu á Korpúlfsstöðum. Þegar þeirri sýningu lauk hélt hann til Þýskalands þar sem færa átti kappann í brons áður en hann kæmi aftur heim á Sauðárkrók. 
    Meira

  • Rafrænt Sjónhorn kom út í dag

    feykir.is Skagafjörður, Austur-Húnavatnssýsla, Vestur-Húnavatnssýsla 23.04.2025 kl. 13.52 siggag@nyprent.is
    Vegna mikillar eftirspurnar var tekin ákvörðun um að gefa út rafrænt eintak af Sjónhorni fyrir Sjónhornþyrsta fólkið á svæðinu. Þetta blað fer því ekki inn um lúgurnar í pappírsformi - það verður einungis hægt að skoða það á netinu. Ástæðan fyrir því að ekki var hægt að gefa út prentað blað er sú að frídagar í þessari viku gerðu það að verkum að ekki var hægt að setja blaðið upp né dreifa því á tilsettum tíma.
    Meira

  • Landsnet með opinn fund í Eyvindarstofu á Blönduósi miðvikudaginn 30. apríl kl. 16

    feykir.is Skagafjörður, Austur-Húnavatnssýsla, Vestur-Húnavatnssýsla 23.04.2025 kl. 11.39 siggag@nyprent.is
    Þann 30. apríl nk. verður Landsnet með opinn fund í Eyvindarstofu á Blönduósi kl. 16:00 þar sem farið verður yfir og kynnt hvernig þau ætla að byggja upp öflugt, sveigjanlegt og sjálfbært flutningskerfi fyrir framtíðina. Þessi fundur er einn af átta sem Landsnet verður með í ferð sinni um landið þar sem þau ætla að ræða við fólk, svara spurningum og hlusta. Þetta er opið samtal og þú ert hluti af því. 
    Meira

  • Vorfagnaður í Árgarði

    feykir.is Skagafjörður, Austur-Húnavatnssýsla, Vestur-Húnavatnssýsla 23.04.2025 kl. 11.30 gunnhildur@feykir.is
    Laugardaginn 26. apríl nk. kl 20:00 verður vorinu fagnað í Árgarði. Til stendur að borða saman kótilettur með tilheyrandi meðlæti. Tala, syngja og dansa saman inn í nóttina.
    Meira
Yfirlit frétta