Lið Hamars/Þórs með öruggan sigur á Stólastúlkum
Eftir fínan sigur á liði Snæfells á dögunum komu Stólastúlkur niður á jörðina þegar þær mættu liði Hamars/Þórs í Hveragerði í gær. Eftir fína byrjun Tindastóls náðu heimastúlkur undirtökunum í leiknum, bættu smám saman við forskotið og fór svo að lokum að þær höfðu 19 stiga sigur. Lokatölur 90-71.
Eftir að hafa lent 5-2 undir þá náðu Stólastúlkur góðum kafla og breyttu stöðunni í 6-14 þegar rúmar fjórar mínútur voru liðnar. Þá fór að ganga verr í sókninni og sunnanstúlkur snéru dæminu við og voru yfir, 26-21, að loknum fyrsta leikhluta. Gestirnir minnkuðu muninn í byrjun annars leikhluta og munurinn yfirleitt eitt til sex stig. Munurinn var fjögur stig þegar þrjár mínútur voru í hálfleik en síðustu sjö stig leikhlutans voru heimastúlkna og þær leiddu því með ellefu stigum þegar gengið var til búningsklefa. Staðan 48-37.
Snemma í síðari hálfleik hafði lið Hamars/Þórs breikkað bilið í átján stig, 55-37, og þá voru nú möguleikar Stólastúlkna að mestu úr sögunni. Þær náðu nokkrum áhlaupum en þau voru of stutt og skiluðu ekki nógu miklu. Staðan var 70-56 fyrir lokakaflann og enn bættu heimastúlkur í forskotið, náðu mest 21 stigs forystu, 88-67, og unnu því öruggan sigur.
Jayla Johnson var langstigahæst með 44 stig, hátt í 2/3 stiga Tindastóls og gerði sömuleiðis eina þrist Tindastóls í leiknum! Þá tók Jayla níu fráköst. Emese Vida gerði átján stig og tók 12 fráköst, Eva var með fimm stig, öll af vítalínunni, og Ingigerður og Inga Sólveig gerðu tvö stig hvor. Þá er það nú upptalið. Jenna Mastellone gerði 33 stig fyrir Hamar/Þór en heimastúlkurnar Emma Hrönn og Hildur Björk gerðu 30 stig sín á milli. Fjórir leikmenn heimastúlkna tóku tíu fráköst eða meira.
Nú þegar fjórar umferðir eru eftir af 24 umferðum þá er lið Tindastóls með átta stig og næstneðst í 1. deildinni. Efst er lið Þórs Akureyri með 34 stig eftir 21 leik en Stjarnan á tvö leiki til góða og er með 32 stig. Næsti leikur Stólastúlkna er nú á laugardaginn kl. 19:15 þegar sameinað lið Aþenu/Leiknis/UMFK mætir í Síkið en það er sæti ofar en lið Tindastóls, með 14 stig.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.