Lambafille, grillað grænmeti og kartöflur
„Við þökkum áskorunina frá Elísabetu og Hlyn og langar okkur að deila með ykkur uppskrift af grilluðu lambafille með fitu borið fram með piparostasósu, grilluðu grænmeti og bökuðum kartöflum,“ sögðu Ómar Eyjólfsson og Ragnheiður Rún Sveinbjörnsdóttir, en þau voru matgæðingar Feykis í 40. tbl. ársins 2016.
Aðalréttur
Lambafille (200 g á mann)
salt og pipar
Aðferð:
Skerið rendur í fituna og kryddið með salti og pipar. Grillið fyrst á fituhliðinni í u.þ.b. 6 mínútur og svo í u.þ.b. 3 mínútur á hinni hliðinni eða þar til kjötið nær því hitastigi sem hver óskar. Gott er að leyfa kjötinu að hvíla smástund áður en það er skorið.
Piparostasósa
1 stk. piparostur frá MS
500 ml rjómi
kjötkraftur eftir smekk
Aðferð:
Setjið ostinn, rjómann og kjötkraftinn í pott og leyfið því að malla á meðan osturinn bráðnar. Okkur finnst best að rífa ostinn. Ef sósan er of þunn má þykkja hana með sósujafnara.
Grillað grænmeti
Í þennan rétt má nota flest allt rótargrænmeti en okkur finnst best að nota spergilkál, blómkál, rauðlauk og gulrætur. Þetta er svo kryddað með salti og pipar og smá olíu dreift yfir. Grillað í wok-grillpönnu og galdurinn er að grilla grænmetið þannig að það sé aðeins farið að mýkjast en sé enn stökkt.
Með þessum réttum höfum við yfirleitt ferskt grænmeti og hrísgrjón.
Eftirréttur
Draumur í Dalhúsum
Marens
4 eggjahvítur
1½ dl púðursykur
1 dl sykur
2 dl Rice crispies
Súkkulaðisósa
200 g Síríus súkkulaði
1 dl rjómi
Sett í pott þangað til súkkulaðið er bráðnað og svo kælt.
Rjómakrem
½ l rjómi
3 eggjarauður
5 msk flórsykur
5 msk koníak (má sleppa)
Aðferð:
Eggjarauður og flórsykur þeytt saman. Rjómi þeyttur sér. Öllu er svo hrært saman. Marensbotninn brotinn niður í fat , súkkulaðisósunni hellt yfir og svo er rjómakremið sett yfir. Kakan skreytt með ferskum ávöxtum, mikið af þeim. Gott að nota jarðaber, kiwi, vínber og bláber.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.