Króksari sigurvegari í Nýsköpunarkeppni grunnskólanna 2023
Jóhanna María Grétarsdóttir Noack, nemandi 6. bekkjar Árskóla á Sauðárkóki, stóð uppi sem sigurvegari í Nýsköpunarkeppni grunnskólanna 2023, hugmyndasamkeppni fyrir nemendur í 5. – 7. bekk grunnskóla landsins. Hugmynd Jóhönnu Maríu kallast Ultimo sem bæði er hlutur og app. Með appinu er hægt að skanna matvæli og hvenær hann rennur út sem sendir svo skilaboð á skjá sem er t.d. fest við kæliskáp.
Á heimasíðu keppninnar nkg.is segir að mörg hundruð frábærra hugmynda hafi borist frá nemendum að þessu sinni og var, eins og alltaf, ekki auðvelt að velja einungis 25 hugmyndir sem kepptu að lokum um hylli dómnefndar. Að öllu jöfnu hefðu þessar 25 hugmyndir verið unnar frekar í vinnustofu sem því miður féll niður í ár.
„Margt sem spilaði þar inn í en þó aðallega að uppstigningardagur og hvítasunnan útiloka tvær vinnustofur (þær eru haldnar frá fös. til lau.), 25.-27. maí gekk ekki upp, hvorki fyrir HR né okkur, sökum prófatímabils, skörun við aðra viðburði o.fl. Það hefur reyndar verið mikið púsluspil að ná að halda vinnustofuna í maí og var kannski bara tímaspursmál hvenær við næðum ekki að halda hana. Stefnum á, í samráði við kennara, að halda vinnustofurnar, eftirleiðis í byrjun júní,“ segir í útskýringum keppnishaldara.
Fyrir hugmyndina Ultimo hlaut Jóhanna María 50.000 kr. í verðlaun ásamt verðlaunabikar og viðurkenningarskjali, undirritað af Guðna Th. Jóhannessyni, forseta Íslands.
Hugmyndin gengur út á það að sporna gegn matarsóun sem að mati Jóhönnu er of mikil í samfélaginu.
„Ég vil leysa matarsóun og líka að stundum finn ég úldna mjólk í ísskápnum. Það er of mikil matarsóun og líka fólk verður veikt ef það borðar eitthvað úldið,“ skrifar hún í útskýringum með verðlaunahugmynd sinni inn í keppnina. Sjá nánar HÉR
Úrslit keppninnnar má nálgast HÉR.
Jóhanna María er dóttir þeirra Anniku Noack og Grétars Karlssonar á Sauðárkróki.
Tengdar fréttir:
Keppnisferð Jóhönnu Maríu í júdó til Hollands og Belgíu
Jóhanna María úr Tindastól Íslandsmeistari í júdó
Júdó er ekki bara fyrir stráka! :: Íþróttagarpurinn Jóhanna María Íslandsmeistari í júdó
Fleiri fréttir
-
Flokkur fólksins vill efla byggð um land allt! | Lilja Rafney Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 18.08Það er sameiginlegur hagur allra landsmanna að halda landinu öllu í byggð svo það gangi upp verður að tryggja aðgang íbúa að fjölbreyttri grunnþjónustu óháð búsetu og efnahaga. Það verður að tryggja að allir landsmenn sitji við sama borð og hafi jöfn tækifæri. Það er grundvöllur þess að öflugt og fjölbreytt atvinnulífi sé til staðar á landsbyggðunum og að fólk velji sér þar framtíðar búsetu.Meira -
Hefur Sjálfstæðisflokkurinn hækkað eða lækkað skatta? | Kristófer Már Maronsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 15.51Sjálfstæðisflokkurinn hefur verið í ríkisstjórn frá árinu 2013 og lagt áherslu á að lækka skatta og styrkja velferðarkerfið. Þó eru til stjórnmálamenn sem reyna að halda öðru fram.Meira -
Áfram Hvöt!
feykir.is Austur-Húnavatnssýsla, Íþróttir, Mannlíf, Lokað efni 27.11.2024 kl. 14.50Afmælishátíð Ungmennafélagsins Hvatar, sem haldin var í Íþróttamiðstöðinni á Blönduósi, gekk vonum framar. Skaut formaður félagsins, Grímur Rúnar Lárusson, að um 250-300 manns hafi mætt á fyrri skemmtunina sem var stíluð inn á yngri kynslóðina og svo 90-100 manns á formlegu dagskránni seinni partinn.Meira -
Ilze tekur sæti Mélissu hjá Stólastúlkum
feykir.is Skagafjörður, Íþróttir, Lokað efni 27.11.2024 kl. 13.52Ákveðið hefur verið að gera breytingar á leikmannahópi kvennaliðs Tindastóls. Í fréttatilkynningu frá körfuknattleiksdeild Tindastóls segir að Melissa Diawkana hafi kvatt liðið og í hennar stað hafi verið samið við hina lettnesku Ilze Jakobsone. Ilze er mætt til landsins og verður klár fyrir næsta leik.Meira -
Niðurgreiðum raforku til grænmetisræktar | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 13.17Ísland er eyja í norður Atlantshafi. Sú staðsetning gerir það að verkum að þegar kemur að grænmeti þá höfum við tvo valkosti í boði. Við getum annaðhvort flutt það inn með skipum eða flugi, og borgað mikla álagningu fyrir vöru sem er ekki fersk, eða nýtt okkar grænu orku og hreina vatn til að rækta fyrsta flokks grænmeti á Íslandi.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.