Kristrún og Laufey komnar yfir 100 leikina
Áður en leikur Tindastóls og Keflavíkur í Pepsi Max deild kvenna var flautaður á sl. mánudagskvöld var tveimur leikmönnum Stólastúlkna færður blómvöndur í tilefni þess að báðar höfðu nýverið spilað sinn 100. leik fyrir Tindastól. Þetta voru varnarjaxlarnir Kristrún María Magnúsdóttir og Laufey Harpa Halldórsdóttir sem náðu þessum áfanga þrátt fyrir að vera vart skriðnar yfir tvítugt.
Kristrún er fædd árið 1999, dóttir Sigrúnar Fossberg og Magga í Brekkukoti, en hún hefur nú spilað 103 leiki fyrir Tindastól en á enn eftir að skora mark. Hún spilaði sinn fyrsta leik með meistaraflokki sumarið 2015 líkt og Laufey Harpa sem hefur nú spilað 102 leiki með Stólastúlkum. Laufey, sem er fædd árið 2000 og er dóttir Steinunnar Hjálmars og Halldórs á Hlíðarenda, hefur gert sjö mörk í þessum leikjum.
Báðar eru þær aldar upp í Tindastólsgallanum og hafa spilað vel í sumar í Pepsi Max-deildinni. Vonandi munu þær klæðast Tindastóls-búningnum í mörg ár til viðbótar. Feykir óskar þeim til hamingju með áfangann.
Af öðrum leikmönnum sem voru í hópnum hjá Tindastóli í síðasta leik voru tvær stúlkur sem náðu 100 leikjum sl. sumar. Fyrirliðinn Bryndís Rut Haraldsdóttir frá Brautarholti er nú búin að spila 132 leiki og gert tíu mörk en leikjahæst er Hugrún Pálsdóttir sem hefur spilað 133 leiki og gert 21 mark í þeim. Næstar í röðinni í 100 leikja klúbbinn eru María Dögg, sem er komin með 83 leiki, og Murielle Tiernan, sem hefur spilað 69 leiki fyrir Tindastól og gert í þeim 80 mörk.
Fleiri fréttir
-
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.