Kartöflur með kryddkvark og rússnesk klípukaka
Það er þýski Miðfirðingurinn Henrike Wappler sem gaf okkur uppskriftir í 31. tölublaði Feykis sumarið 2018. Henrike, sem er frá Bautzen í Saxlandi sem tilheyrir hinu gamla Austur-Þýskalandi, kom til Íslands árið 1999 og er hér enn. Hún er félagsráðgjafi að mennt og starfar sem slíkur hjá fjölskyldusviði Húnaþings vestra og einnig Skagafjarðar. Henrike er gift Friðrik Jóhannssyni, bónda á Brekkulæk í Miðfirði, þar sem þau búa með börnum sínum þremur. „Ég er stödd í Bautzen, í sumarfríi hjá fjölskyldunni minni, og ætla því að koma með tvær uppskriftir héðan frá Þýskalandi,“ sagði Henrike.
RÉTTUR 1
Pellkartoffeln mit Kräuterquark (skrældar kartöflur með kryddkvark)
Fyrst er það uppskrift að hádegismat sem var fyrr á tímum borðaður nokkrum sinnum í viku og er í uppáhaldi hjá mér. Það er „Pellkartoffeln mit Kräuterquark“ sem eru skrældar kartöflur með kryddkvark. Þar sem kvark fæst ekki á Íslandi nota ég skyr og gengur það vel.
kartöflur – eins margar og þarf
skyr – t.d. 250 g
mjólk til að hræra í skyrið
salt, pipar, paprika
ferskar kryddjurtir eins og steinselja, graslauk ur og dill
saxaður laukur
hörfræolía
smjör
Aðferð:
Kartöflur eru soðnar með hýði, sem er ekki algengt í Þýskalandi, og ef það eru nýjar kartöflur má svo gjarnan borða þær með hýðinu. Mjólkin er svo hrærð út í skyrið eins og gert er fyrir sætt skyr. Svo er það kryddað með salti, pipar, papriku og ferskum kryddjurtum sem til eru hverju sinni. Einnig er söxuðum lauk bætt við. Hörfræolía fæst núna í góðum matvörubúðum eins og KVH (á Hvammstanga) en fyrstu árin mín á Íslandi kom ég með hana frá Þýskalandi. Það eru ekki allir hrifnir af hörfræoliu (Friðrik mínum finnst hún líklega jafn slæm og mér lýsi), en ég lauma gjarnan einni matskeið í skyrið, það tekur enginn eftir því.
Og meira þarf ekki að gera! Við borðum kartöflurnar heitar, tökum hýðið af eða ekki, stráum salti yfir og höfum (kalda) skyrblöndu með. Ég set slatta af hörfræolíu yfir kartöflurnar en þau sem vilja það ekki nota bara smjörklípu. Þetta er mjög góður og hollur matur!
RÉTTUR 2
Russischer Zupfkuchen
Seinni uppskriftin er af köku sem kallast Russischer Zupfkuchen eða rússnesk „klípu“kaka en hún kemur samt ekki frá Rússlandi, það hljómaði bara svo vel þegar þessi uppskrift kom fram í kökusamkeppni. Eins og með fyrri uppskriftina er hún upprunalega með kvark en ég nota bara skyr í staðinn.
Deig:
1 egg
150 g sykur
250 g smjörlíki
400 g hveiti
15 g lyftiduft
50 g kakóduft
Fylling:
3 egg
200 g sykur
vanillusykur/vanilludropar
250 g smjör
½ poki vanillubúðingsduft (eins og fyrir 500 ml mjólk)
500 g skyr
Aðferð:
Deigið er hrært saman, fyrst egg og sykur, svo er smjörlíki bætt við og loks þurrefnum. Helmingur er settur í botn og upp með hliðinni á stóru, kringlóttu kökuformi, hinn helmingurinn er geymdur til að setja ofan á.
Fyllingin er einnig hrærð saman, egg og sykur fyrst, svo er hinu bætt við. Þessu er svo hellt ofan á botninn og loks er hinn helmingurinn af deiginu settur ofan á. Það er gert með því að taka klípu og klípu af deigi og setja á fyllinguna. Það heitir „Zupfen“ á þýsku og þaðan kemur nafnið á kökunni.
Kakan er svo bökuð við 200°C í 50 mínútur, passið samt að hún verði ekki of dökk. Hún þarf að vera orðin köld þegar hún er borðuð.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.