Karla- og kvennalið Tindastóls sóttu Akureyri heim
Karla- og kvennalið Tindastóls voru bæði í eldlínunni í Kjarnafæðismótinu um liðna helgi. Stelpurnar mættu Þór/KA 2 og máttu lúta í gervigras Bogans eftir 2-1 tap en strákarnir mættu í kjölfarið liði Þórs 2 og eftir að hafa lent tveimur mörkum undir náðu Stólarnir að jafna metin og lokatölur þar 2-2.
Stelpurnar mættu ungu en spræku b-liði Þórs/KA og urðu fyrir áfalli snemma leiks þegar Kristrún, sem hefur varla misst úr leik árum saman, fékk högg á hnéð og varð að yfirgefa völlinn. Amalía Árnadóttir kom Akureyringum yfir á 38. mínútu og á 64. mínútu bætti Hulda Ósk Jónsdóttir við marki. Keppniskonan María Dögg Jóhannesdóttir lagaði stöðuna fyrir lið Tindastóls á 71. mínútu en lengra komust Stólastúlkur ekki að þessu sinni.
Atli Þór Sindrason kom liði Þórs 2 í forystu eftir 13 mínútur þegar Akureyringar tóku á móti Stólunum á sunnudaginn. Bjarni Már Eiríksson bætti við marki á 51. mínútur en Eysteinn Bessi Sigmarsson lagaði stöðuna fyrir Stóla á 74. mínútu. Það var síðan fyrirliði Kormáks Hvatar, Sigurður Bjarni Aadnegard, sem jafnaði leikinn á 86. mínútu og nældi sér í gult spjald mínútu síðar. Feykir spurði Sigga hvort ekki hefði verið gaman að skora fyrir Tindastól. „Alltaf gaman að skora, vonandi lærðu strákarnir eitthvað af þessu,“ svaraði kappinn léttur.
„Þessir leikir voru fínir hjá okkur, á þessum tíma er aðalmálið að fá leik og komast hægt og rólega í leikform, skoða leikstöður og læra hvað við getum bætt,“ svaraði Konni Sigga Donna þegar Feykir spurði hann út í leiki helgarinnar en Konni leysti Donna bróður sinn af í brúnni. „Ánægður með margt í þessum leikjum en hinsvegar er margt sem við þurfum að bæta og munum við vinna í þeim þáttum.“
Konni, sem hefur verið fyrirliði Tindastóls árum saman, er meiddur sem stendur, varð fyrir meiðslum á hné og enn er ekki ljóst hvenær hann kemst aftur á ferðina. Þá er verið að meta meiðsli Kristrúnar sem vonandi eru ekki alvarleg enda hefur hún verið frábær í vörn Stólastúlkna og gríðarlega mikilvæg við hlið Bryndísar fyrirliða.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.