Jón Karl Karlsson - Minning
Góður Lionsfélagi Jón Karl Karlsson er fallinn frá á 87. aldursári. Útför hans var gerð frá Sauðárkrókskirkju þann 12. febrúar s.l. Lionskúbbur Sauðárkróks minnist hans með virðingu og þökk fyrir hans miklu Lionsstörf.
Jón starfaði í Lionsklúbbi Sauðárkróks frá 1967, var formaður hans 1973-1974 og 1999 2000, hann var umdæmisstjóri B-umdæmishreyfingarinnar á Íslandi 1984–1985, og fjölumdæmisstjóri hreyfingarinnar 1985–1986. Einnig var hann kjörinn Melvin – Jones–félagi Lions 1988.
Eins og sést þá krefst slíkt félagsstarf mikils tíma og fórnfýsi. Jón gegndi fjölda nefndastarfa á vegum klúbbsins, gegnum tíðina, og var ötull félagi. Með dugnaði sínum í Lions má segja að Jón hafi vakið athygli á starfsemi Lionsklúbbs Sauðárkróks á landsvísu. Í slíkum félagsskap verður oft glatt á hjalla
og minnumst við félagar óteljandi gleðistunda í gamni og alvöru öll þessi samstarfsár í Lions, á fundum, árshátíðum og ekki síst á tveimur fjölumdæmisþingum Lions árin 2004 og 2014 sem haldin voru í Skagafirði með glæsibrag.
Ekki er hægt að skilja við þessar minningar án þess að minnast hans góðu eiginkonu, Hólmfríðar Friðriksdóttur, sem starfaði sem klettur við hlið hans í Lionshreyfingunni, enda var hún félagi í Lionsklúbbnum Björk á Sauðárkróki til fjölda ára, en Hólmfríður lést 2. febrúar 2013.
Víst er að allt hefur sinn tíma og nú eru þau hjón farin yfir móðuna miklu. Lionsklúbbur Sauðárkróks þakkar fyrir samfylgdina og mikið Lionsstarf. Öllum aðstandendum eru sendar dýpstu samúðarkveðjur.
Með Lionskveðju
Bragi S. Haraldsson
Fleiri fréttir
-
Ritz-kex bollur og Taco-baka | Matgæðingur Feykis
feykir.is Skagafjörður, Í matinn er þetta helst, Lokað efni 22.02.2025 kl. 09.32Matgæðingur vikunnar í tbl. 42, 2024, var Ísabella Guðmundsdóttir, dóttir Ernu og Guðmundar í Eyrartúninu á Króknum. Ísabella býr í Kópavoginum en hún ásamt fjölskyldu þurftu að yfirgefa heimilið sitt í Grindavík þann 10. nóvember fyrir réttu ári. Ísabella er gift Jens Valgeiri og eiga þau saman Matthildi Móu og ekki má gleyma loðbarninu, hundinum Öglu.Meira -
Skandall sló í gegn í bleikum glimmerjakkafötum
feykir.is Skagafjörður, Austur-Húnavatnssýsla, Listir og menning, Lokað efni 21.02.2025 kl. 16.05„Þetta byrjaði sem smá Skandall, vorum smá stressaðar og klúðruðum smá í byrjun. En eftir það náðum við okkur nú aftur á strik og finnst okkur þessi sigur alveg verðskuldaður og sanngjarn!“ segir Sóley Sif Jónsdóttir létt í samtali við Feyki en hljómsveitin Skandall, sem er skipuð fimm stúlkum, bar sigur úr býtum í Söngkeppni MA nú á miðvikudagskvöldið. Stelpurnar einhentu sér í Plug In Baby sem Muse töfruðu fram fyrir aldarfjórðungi. Feykir lagði nokkrar spurningar fyrir Skagstrendinginn Sóleyju Sif Jónsdóttur, sem sá um trommuleik og söng ásamt Ingu Rós.Meira -
Vísnakvöld í Kakalaskála
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 21.02.2025 kl. 12.37Laugardaginn 22. febrúar mun hópur hagyrðinga og vísnamanna úr Húnavatnssýslum, Skagafirði og Eyjafirði leiða saman hesta sína í Kakalaskála í Kringlumýri í Skagafirði. Farið verður með ljóð og vísur, nýjar og gamlar, og ekki ólíklegt að einhverjar verði til á staðnum. Þessu má enginn vísnavinur missa af.Meira -
Skrímslahraðinn æfður fyrir Gettu betur
feykir.is Austur-Húnavatnssýsla, Mannlíf, Lokað efni 21.02.2025 kl. 09.36Spurningakeppni framhaldsskólanna er á fullu þessa dagana og átta liða úrslit hálfnuð í Sjónvarpinu. Fjölbrautaskóli Norðurlands vestra hafði ekki erindi sem erfiði í vetur, féll úr leik í fyrstu umferð. Það er þó í það minnsta einn fulltrúi Norðurlands vestra sem heldur heiðri norðvestlenskra ungspekinga á lofti en það er Sólveig Erla Baldvinsdóttir frá Tjörn í Húnabyggð (áður Skagabyggð) en hún er í Gettu betur-liði Menntaskólans á Akureyri.Meira -
Þriggja rétta máltíð að hætti Önnu Jónu | Matgæðingur Feykis
feykir.is Skagafjörður, Í matinn er þetta helst, Lokað efni 21.02.2025 kl. 09.11Matgæðingur vikunnar í tbl. 40, 2024, var engin önnur en Anna Jóna Guðmundsdóttir sem flutti til Vestmannaeyja sl. haust til unnusta síns. Eftir 17 ára starf við skólastjórnun ákvað hún að fara inn á deild og starfa sem deildarstjóri inni á gólfi með börnunum. Anna Jóna segir að hún eigi margar góðar minningar úr skólastjórastarfinu, ekki síst frá þeim níu árum sem hún starfaði í Ársölum á Króknum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.