Jólin í Gránu á laugardaginn
Gömlu góðu jólalögin verða flutt af vöskum söngvurum og hljóðfæraleikurum úr Skagafirði næstkomandi laugardagskvöld í Háa salnum í Gránu á Sauðárkróki. Að sögn Huldu Jónasar, tónleikahaldara, er um ljúfa tónleika að ræða þar sem þemað eru gömlu góðu jólalögin sem allir þekkja og hafa fylgt okkur í gegnum áranna rás.
„Markmiðið er að skapa ljúfa og notalega jólastemmingu í Gránu viku fyrir jólin. Við ætlum að opna húsið kl 19.30 eða klukkutíma fyrir tónleika og er ekki alveg tilvalið að mæta snemma og fá sér eitt léttvínsglas eða kaffibolla og njóta þess að vera til?“ spyr Hulda sem segist að vísu hafa frétt að það verði kolvitlausir jólasveinar á svæðinu. „Við vonum bara að þeir verði ekki mikið að hrella tónleikagesti, hvað veit maður hvað þeim dettur í hug ?“
Aðalsöngvarar kvöldsins eru feðginin Ása Svanhildur og Guðbrandur Ægir, tvíburabræðurnir Ingi Sigþór og Róbert Smári, mæðginin Eysteinn Ívar og Sigurlaug Vordís og brottflutti Króksarinn Valgerður Erlings. Þá mun Gránukvartettinn taka lagið og Jólasveit Rögga.
„Og ekki má gleyma honum Rögnvaldi Valbergssyni sem hefur útsett þetta allt saman og heldur utan um hópinn af sinni alkunnu snilld. Valgerður Erlingsdóttir mun svo leiða okkur inn í jólin með jólasögum og jólaguðspjalli og ég veit ekki hvað og hvað,“ segir Hulda og nefnir að að auki verði alveg sérstakir gestir, Elva Björk, mamma tvíburanna; Guðbrandur eða Gubbi, pabbi Eysteins og Emelíönu, sem einnig mun koma fram.
„Þau voru fengin inn af því þau tengjast öll söngfuglum kvöldsins og því fannst okkur skemmtileg pæling að hafa smá fjölskylduþema. Það verða því fjölskyldudúettar og tríó í alls kyns myndum, gaman að því. Og svo má ekki gleyma leynigestum kvöldsins – hverjir skyldu það nú vera? Annar er ungur og mjög efnilegur – hinn er landsþekktur,“ upplýsir Hulda.
Hún segir lögin sem eru á dagskránni allt lög sem allir ættu að þekkja og kunna og nefnir m.a. Yfir fannhvíta jörð, Helga nótt, Jólin allstaðar, Hin fyrstu jól, og svo mætti lengi telja.
„Áheyrendur mega búast við ljúfri og notalegri kvöldstund með frábæru skagfirsku tónlistarfólki. Hvetjum bara alla til þess að mæta og eiga með okkur ljúfa kvöldstund í Gránu, gleyma jólastressinu og njóta þess að vera til,“ segir Hulda sem hvetur áhugasama til að hafa hraðann á þar sem örfáir miðar eru eftir – svo miði er ennþá möguleiki í síma 8660114.
Fleiri fréttir
-
Flokkur fólksins vill efla byggð um land allt! | Lilja Rafney Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 18.08Það er sameiginlegur hagur allra landsmanna að halda landinu öllu í byggð svo það gangi upp verður að tryggja aðgang íbúa að fjölbreyttri grunnþjónustu óháð búsetu og efnahaga. Það verður að tryggja að allir landsmenn sitji við sama borð og hafi jöfn tækifæri. Það er grundvöllur þess að öflugt og fjölbreytt atvinnulífi sé til staðar á landsbyggðunum og að fólk velji sér þar framtíðar búsetu.Meira -
Hefur Sjálfstæðisflokkurinn hækkað eða lækkað skatta? | Kristófer Már Maronsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 15.51Sjálfstæðisflokkurinn hefur verið í ríkisstjórn frá árinu 2013 og lagt áherslu á að lækka skatta og styrkja velferðarkerfið. Þó eru til stjórnmálamenn sem reyna að halda öðru fram.Meira -
Áfram Hvöt!
feykir.is Austur-Húnavatnssýsla, Íþróttir, Mannlíf, Lokað efni 27.11.2024 kl. 14.50Afmælishátíð Ungmennafélagsins Hvatar, sem haldin var í Íþróttamiðstöðinni á Blönduósi, gekk vonum framar. Skaut formaður félagsins, Grímur Rúnar Lárusson, að um 250-300 manns hafi mætt á fyrri skemmtunina sem var stíluð inn á yngri kynslóðina og svo 90-100 manns á formlegu dagskránni seinni partinn.Meira -
Ilze tekur sæti Mélissu hjá Stólastúlkum
feykir.is Skagafjörður, Íþróttir, Lokað efni 27.11.2024 kl. 13.52Ákveðið hefur verið að gera breytingar á leikmannahópi kvennaliðs Tindastóls. Í fréttatilkynningu frá körfuknattleiksdeild Tindastóls segir að Melissa Diawkana hafi kvatt liðið og í hennar stað hafi verið samið við hina lettnesku Ilze Jakobsone. Ilze er mætt til landsins og verður klár fyrir næsta leik.Meira -
Niðurgreiðum raforku til grænmetisræktar | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 13.17Ísland er eyja í norður Atlantshafi. Sú staðsetning gerir það að verkum að þegar kemur að grænmeti þá höfum við tvo valkosti í boði. Við getum annaðhvort flutt það inn með skipum eða flugi, og borgað mikla álagningu fyrir vöru sem er ekki fersk, eða nýtt okkar grænu orku og hreina vatn til að rækta fyrsta flokks grænmeti á Íslandi.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.