Jarðgöng milli Fljóta og Siglufjarðar þokast nær

feykir.is Skagafjörður 02.04.2023 kl. 13.37 oli@feykir.is
Tillögur að staðsetningu vegganga úr Siglufirði í Fljót. MYND AF VEF FJALLABYGGÐAR
Tillögur að staðsetningu vegganga úr Siglufirði í Fljót. MYND AF VEF FJALLABYGGÐAR

„Alþingi ályktar að fela innviðaráðherra að fela Vegagerðinni að ljúka nauðsynlegum rannsóknum vegna gerðar vegganga fyrir þjóðveg milli Siglufjarðar og Fljóta, hanna slíkt mannvirki og leggja mat á kostnað við gerð þess. Ráðherra leggi skýrslu með niðurstöðum rannsókna og kostnaðarmati fyrir Alþingi fyrir árslok 2023.“ Svo segir í þingsályktunartillögu um veggöng milli Siglufjarðar og Fljóta sem lögð hefur verið fram á Alþingi en alls voru það átján þingmenn sem fluttu tillöguna.

Um tillöguna er fjallað í frétt á vef nágranna Fljótamanna í Fjallabyggð. Þar segir: „Í greinargerð þingsályktunarinnar kemur fram að með stóraukinni umferð um Siglufjörð sem fylgdi tilkomu Héðinsfjarðarganga, sífelldu jarðsigi á Siglufjarðarvegi um Almenninga, mjög tíðum aur- og snjóflóðum á ströndinni út frá Siglufirði að Strákagöngum svo og miklum og auknum lokunum á Siglufjarðarvegi frá Ketilási til Siglufjarðar er fullljóst að framtíðarvegtenging frá Siglufirði í vesturátt verður best tryggð með gerð jarðganga milli Siglufjarðar og Fljóta.
 
Flutningsmenn tillögunnar eru þau Logi Einarsson, Njáll Trausti Friðbertsson, Bjarkey Olsen Gunnarsdóttir, Ingibjörg Isaksen, Jakob Frímann Magnússon, Sigmundur Davíð Gunnlaugsson, Stefán Vagn Stefánsson, Bjarni Jónsson, Eyjólfur Ármannsson, Bergþór Ólason, Haraldur Benediktsson, Berglind Ósk Guðmundsdóttir, Líneik Anna Sævarsdóttir, Jódís Skúladóttir, Þórarinn Ingi Pétursson, Helga Vala Helgadóttir, Inga Sæland og Lilja Rannveig Sigurgeirsdóttir. 
 
Flutningsmenn vilja með tillögunni koma því til leiðar að forsendur fyrir veggöngum milli Siglufjarðar og Fljóta verði rannsakaðar frekar með það að markmiði að færa þessa nauðsynlegu samgöngubót nær framkvæmdastigi. Þar sem forathugun hefur þegar farið fram er talið raunhæft, og lagt til, að innviðaráðherra leggi skýrslu um málið fyrir Alþingi fyrir árslok 2023. Hér er um nauðsynlegt fyrsta skref að ræða en ekki endanlega lausn sem ekki fæst fyrr en komin eru ný göng úr Ólafsfirði til austurs eins og Vegagerðin er þegar byrjuð að skoða.“
 
Ástand vegarins á milli Siglufjarðar og Fljóta í Skagafirði hefur um langan tíma verið óviðunandi fyrir íbúa svæðisins, aðra vegfarendur og atvinnulífið á svæðinu. Strákagöng eru barn síns tíma og vegurinn frá þeim og í Fljót frægur fyrir óstöðvandi jarðsig og hrun og setur beig að mörgum ökumanninum sem fer þessa leið og þá ekki hvað síst við erfiðar aðstæður.

 


- - - - - 
Heimild: Fjallabyggð.is
Til baka

Athugasemdir eru á ábyrgð þeirra sem þær skrá.

Feykir áskilur sér þó rétt til að eyða ummælum sem metin verða sem ærumeiðandi eða ósæmileg.

Smelltu hér til að tilkynna óviðeigandi athugasemdir.

Fleiri fréttir

  • Randi Brown – það var gaman hjá henni í Hveragerði í gær. MYND: DAVÍÐ MÁR

    Baráttusigur Stólastúlkna í Hveragerði

    feykir.is Skagafjörður, Íþróttir, Lokað efni 27.11.2024 kl. 09.10 oli@feykir.is
    Kvennalið Tindastóls í Bónus deildinni tók þátt í enn einum spennuleiknum í gærkvöldi þegar liðið sótti Hamar/Þór heim í Hveragerði. Eftir leik sem lengstum var hnífjafn, liðin skiptust 13 sinnum á um að hafa forystuna og 14 sinnum var allt jafnt, þá voru það gestirnir sem reyndust grimmari á lokakaflanum. Þær voru níu stigum undir þegar fimm mínútur voru til leiksloka en snéru taflinu við og unnu leikinn 103-105.
    Meira

  • Jólatónleikar Tónlistarskóla Austur-Húnvetninga

    feykir.is Austur-Húnavatnssýsla, Listir og menning, Lokað efni 26.11.2024 kl. 16.07 oli@feykir.is
    Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.
    Meira

  • Sungið af hjartans lyst

    feykir.is Skagafjörður, Listir og menning, Lokað efni 26.11.2024 kl. 12.06 oli@feykir.is
    Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.
    Meira
  • Nemendur og kennarar í góðu yfirlæti í tékkneskum garði. MYND: FNV.IS

    Nemendur FNV á faraldsfæti

    feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55 oli@feykir.is
    Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.
    Meira
  • Hannes S. jónsson, skipar 2. sæti á lusta Samfylkingar. AÐSEND MYND

    Vilt þú breytingu á stjórn landsins? | Hannes S. Jónsson skrifar

    feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13 oli@feykir.is
    Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.
    Meira
Yfirlit frétta