Innrás með einum sverum kapalhesti
Henrik Lárusson, íslenskufræðingur og sjálfstætt starfandi fjármálaráðgjafi, hafði samband við Dreifarann á dögunum og líkt og svo margir aðrir sem hafa samband við ritstjórn miðilsins þá sagði hann farir sínar ekki sléttar. „Ég hef áhyggjur af framtíðinni, þetta stefnir allt í algjört óefni hjá okkur Íslendingum, ekki síst ef við samþykkjum þennan þriðja Orkupakka. Við eigum bókstaflega eftir að sogast inn í Evrópu, sjáðu bara til.“
Hefurðu eitthvað kynnt þér þennan Orkupakka 3, Hinrik? -Henrik, ég heiti Henrik...
Heitir ekki danski prinsinn Henrik, ertu af dönskum ættum? „Eh, ekki reyna að slá málinu svona á dreif með dónaskap og útúrsnúningum. Þarf alltaf að fara í manninn en ekki boltann?“
Nei, fyrirgefðu, hvað segirðu, eigum við eftir að sogast inn í Evrópu? „Já, það er augljóst. Þú þarft ekki annað en að sjá þennan búnað, þennan sæstreng sem verður laumað hér í annan hvern fjörð án þess að við fáum rönd við reist. Hefurðu séð þennan búnað? Þetta er ferlíki, algjört bévítans ferlíki skal ég segja þér.“
Og hvað er það versta sem getur gerst með þennan sæstreng? „„Þennan sæstreng... þennan sæstreng“ segirðu eins og þú sért bara að sigla staurblindur að feigðarósi. Ég skal segja þér það að þessi strengur er eins og risastór ryksuguslanga sem mun soga landið, já, soooga það með kjafti og klóm, hvern einasta malarbing og skriðjökul beinustu leið til Evrópu. Hér mun ekki standa steinn yfir steini og við munum ekki eiga 1%, ekki eitt einasta prósent, af okkar kæra landi eftirleiðis. Það er ljóst. Þetta á allt eftir að hverfa oní strenginn og skola á land, skola skal ég segja þér á land í hérna hérna... ja sennilega Hollandi. Og hvað verður þá um okkar ástkæra ylhýra lagsmaður, hina einu sönnu íslensku tungu sjáðu til, beygingakerfið og viðtengingarháttinn? Já, mikil verður ábyrgð ykkar sauðanna sem ætlið að kvitta upp á Orkupakka 3, þennan stórhættulega kjarnorkupakka, sem á eftir að skilja landið okkar, íslenska hestinn og tófustofninn eftir í rjúkandi rúst. Og ekki gleyma íslensku krónunni. Hún verður stráfelld í þessari evrópsku innrás sem með beiskum hug mun engu eira því sem fyrir verður – já, því sem fyrir verður, vinur minn. Þessi innrás verður gjörð með einum sverum kapalhesti skal ég þér segja og við munum hvergi finna skjól fyrir þessu skrímsli. „Þat var á þínu sjálfræði að búa skip þitt orflofslaust,“ mælti mætur maður hér í grárri forneskju og ætlar þú að hérna... já, einmitt... hvað ætlaði ég nú aftur að segja...?“
Ertu nú ekki farinn að mála skrattann á vegginn Henrik... og hvað, farinn að vitna í Biblíuna? „Biblíuna!??! Ó, vei þér fávísum! Ráðast eintómir fáráðlingar inn á þessa fjölmiðla í dag? Er einhver annar við þarna? Biblíuna! Það var ekkert annað. Hér vitna ég í sögu sjálfs Ólafs konungs Tryggvasonar og þú heldur að ég sé að vitna í kristinfræðin. Ja, hvert liggur vor leið, hvernig er komið fyrir okkur, hvernig fáum við stöðvað þessa fávísi!?
Ólafur konungur segirðu, var hann ekki danskur? „Nei nei nei, hættu nú alveg. Hann Ólafur var ekki í ESB, hann var norskur og um hann er ritað í Heimskringlu Snorra Sturlusonar sem ALLIR Íslendingar ættu að hafa lært utan að fyrir 12 ára aldur. En hvað um það, hér vildi ég aðeins ræða málin við þig en það er augljóslega borin von að eiga upplýsta samræðu við ykkur fjólmiðlamennina. Ykkur er ekki viðbjargandi. Vertu sæll!“
Fleiri fréttir
-
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira -
Mynd Óskars Páls, Árnar þagna, sýnd í Króksbíó
feykir.is Skagafjörður, Listir og menning, Lokað efni 22.11.2024 kl. 09.00Óskar Páll Sveinsson ætlar að koma á heimaslóðir og bjóða Skagfirðingum í bíó. Næstkomandi mánudag kl. 20. sýnir hann í Sauðárkróksbíói heimildamyndina Árnar þagna sem fjallar um áhrif sjókvíaeldis á laxi á lífríki og afkomu fjölskyldna í sveitum Íslands og Noregs sem hafa byggt lífsafkomu sína á hlunnindum af sjálfbærum stangveiðum í margar kynslóðir.Meira -
Þjóðarsátt um landbúnað til framtíðar | Guðmundur Hrafn Arngrímsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 08.30Landbúnaður og matvælaframleiðsla er elsta athafnasemi íbúa landsins og önnur af mikilvægustu atvinnugreinum þjóðarinnar, ásamt sjávarútvegi. Landbúnaður er í senn undirstaða byggðar í landinu, gríðarlega mikilvægur fyrir fæðuöryggi þjóðarinnar og lífstíll þeirra sem hann stunda. Þess vegna er mikilvægt að um landbúnað og matvælaframleiðslu ríki þjóðarsátt.Meira -
Á sterka minningu um boltaleik með langafa sínum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 16.33Ólafur Adolfsson er oddviti Sjálfstæðisflokksins í Norðvestur kjördæmi. Ólafur er í sambandi með Margréti Birgisdóttur lyfjafræðingi og á hann tvö uppkomin börn, tvö barnabörn og tvö stjúpbörn. Ólafur er alinn upp í Ólafsvík og hefur auk þess átt heima um skemmri eða lengri tíma á Akranesi, í Reykjavík og á Sauðárkróki og er í dag með lögheimili á Akranesi. Hann er lyfjafræðingur og lyfsali, á og rekur fjórar lyfjabúðir sem eru staðsettar á Akranesi, í Borgarnesi, í Ólafsvík og í Vesturbæ Reykjavíkur.Meira -
Rætt við Grím Rúnar í tilefni 100 ára afmælishátíðar Hvatar á laugardaginn
feykir.is Austur-Húnavatnssýsla, Listir og menning, Lokað efni 21.11.2024 kl. 14.46Það stendur mikið til á Blönduósi nú á laugardaginn því þá fagnar Ungmennafélagið Hvöt 100 ára afmæli sínu með pompi og prakt. Það er því við hæfi að leggja nokkrar spurningar fyrir formann félagsins en það er Grímur Rúnar Lárusson. Grímur er innfæddur Blönduósingar og býr þar, er löglærður fulltrúi sýslumanns að aðalstarfi en í hjáverkum er hann sveitarstjórnarfulltrúi í Húnabyggð og formaður Umf. Hvatar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.