Íbúðir við Ránarstíginn á Króknum komnar í sölu
„Við erum að tala um mjög glæsilegar eignir sem Friðrik Jónsson verktaki hefur byggt en þeir hafa getið sér gott orðspor fyrir nákvæmni og vönduð vinnubrögð,“ segir Júlíus Jóhannsson fasteignasali en Landmark fasteignamiðlun er nú með til sölu tvær splunkunýjar íbúðir á Barnaskólareitnum á Sauðárkróki, Ránarstig 3 og 7. „Þarna erum við að bjóða upp á eignir sem að okkar mati hefur vantað á markaðinn og eru fullbúnar að öllu leyti, bæði utan sem innan. Fólk getur flutt beint inn og allt tilbúið. Skipulag er gott, húsið klætt að utan með áli og því viðhaldslétt,“ segir Júlli.
Um er að ræða ný og glæsileg fullbúin 123,5 m2 endaraðhús á einni hæð, þar af 35,4 m2 innbyggður bílskúr við Ránarstíg 3 og 7 á Sauðárkróki. Friðrik Jónsson ehf., traustur byggingaverktaki á Sauðárkróki er framleiðandi raðhúsanna og hefur lagt mikinn metnað í fagleg vinnubrögð, gott efnisval og vandaðan frágang.
Eignin skiptist í forstofu, tvö svefnherbergi, eldhús, stofu, baðherbergi, þvottahús og bílskúr. Sér hellulagður afnotareitur er út frá stofu og sömuleiðis er innkeyrsla steypt og hellulögð með snjóbræðslu. Rafhleðslustöð er til staðar og fylgir.
Landmark fasteignamiðlun var á sínum tíma einnig með íbúðirnar í gamla Barnaskólanum til sölu og fóru þær allar hratt og örugglega. Júlli tjáði Feyki að hann hefði ekki fengið til sín eina einustu kvörtun yfir frágangi á þeim íbúðum og það væri harla óvanalegt.
Allar nánari upplýsingar um íbúðirnar má finna á heimasíðu Landmarks >
Skoða HÉR eignina í 3D
Fleiri fréttir
-
Flemming-púttmót á Hvammstanga
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 08.08.2024 kl. 12.00Föstudaginn 26. júlí á héraðshátíð Vestur-Húnvetninga – Eldur í Húnaþingi - fór fram í fjórtánda sinn púttmót Flemming Jessen sem hefur staðið að þessu móti með hjálp góðra vina á Hvammstanga frá 2011. Aðstaða til keppni var sæmileg, smá rekja og völlur nokkuð loðinn, en þátttakendur létu það ekki á sig fá. Að þessu sinni var þátttaka lítil, en þeir sem mættu skemmtu sér vel í leiknum og nutu smá hressinga sem í boði voru. Leiknar voru 2 x 18 holur alls 36.Meira -
Skotfélagið Markviss með sitt fyrsta Viking Cup mót
feykir.is Skagafjörður, Austur-Húnavatnssýsla, Vestur-Húnavatnssýsla 08.08.2024 kl. 11.13Um verslunarmannahelgina fór fram fyrsta "Viking Cup" mótið í Norrænu Trappi. Um er að ræða keppni milli Skotfélaganna Markviss og Eysturskot frá Færeyjum. Hugmyndin að mótinu kviknaði í spjalli milli tveggja félagsmanna úr sitthvoru félaginu fyrir nokkru síðan og varð loks að veruleika nú í ár.Meira -
Orkusetur Orkustofnunar auglýsir eftir styrkumsóknum
feykir.is Skagafjörður, Austur-Húnavatnssýsla, Vestur-Húnavatnssýsla 08.08.2024 kl. 11.07Athygli er vakin á styrkjamöguleika til kaupa á sólarsellum hjá Orkusetri Orkustofnunar. Um samkeppnissjóð er að ræða, við val á umsóknum er horft til verkefna þar sem notkun og framleiðslugeta fara hvað best saman. Styrkurinn nemur aldrei meira en 50% af efniskostnaði.Meira -
Sjö einstaklingar fá úthlutað úr Húnasjóði
feykir.is Skagafjörður, Austur-Húnavatnssýsla, Vestur-Húnavatnssýsla 08.08.2024 kl. 11.03Á heimasíðu Húnaþings vestra segir að á 1220. fundi byggðarráðs sem fram fór 6. ágúst sl. voru styrkveitingar úr Húnasjóði árið 2024 ákvarðaðar. Alls bárust 7 umsóknir sem allar uppfylltu skilyrði til úthlutunar. Til ráðstöfunar í ár voru kr. 600 þúsund sem skiptast á milli umsækjenda svo í hlut hvers koma kr. 85 þúsund.Meira -
Opin golfkennsla á Hlíðarendavelli nk. sunnudag - komdu og prófaðu!
feykir.is Skagafjörður, Austur-Húnavatnssýsla, Vestur-Húnavatnssýsla 08.08.2024 kl. 08.53Næstkomandi sunnudag, 11. ágúst, verður opin golfkennsla á Hlíðarendavelli á Sauðárkróki frá kl 12:00-14:00. PGA golfkennaranemar frá Norðurlandi munu sjá um kennsluna og verður í boði bæði púttkennsla á æfingagríni og sveiflukennslu á æfingasvæðinu.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.