Í tilefni af „Allskonar fyrir aumingja“
Vegna greinar Þuríðar Hörpu Sigurðardóttir er mér ljúft og skylt að kynna stefnu okkar sjálfstæðismanna í Skagafirði í málefnum fatlaðra. Við Sjálfstæðismenn í Skagafirði viljum að þau mannréttindi fatlaðra til að lifa sambærilegu lífi og aðrir þegnar samfélagsins séu virt, og er stefna Sjálfstæðisflokksins að vera meðal þeirra sveitafélaga sem veitir fötluðu fólki besta þjónustu.
Við viljum leggja áherslu á að bæta aðgengi fatlaðra að stofnunum sveitarfélagsins og tryggja að í öllum framkvæmdum sveitafélagsins verði hugað að aðgengismálum fatlaðra, einnig viljum við beina því til fyrirtækja og stofnana að huga að aðgengi fatlaðs fólks, enda er oft á tíðum hugsunarleysi stór þáttur í að ekki eru fjarlægðar hindranir sem auðvelt er að laga.
Þjónusta við fatlaða er nú á hendi byggðasamlags sem að standa sveitafélögin á Norðurlandi vestra svo og Fjallabyggð og Dalvíkurbyggð þetta byggðasamlag varð til við flutning málefna fatlaðra frá ríkinu. Flutningi málaflokksins hefðu mátt fylgja meiri fjármunir og er það verkefni sveitafélaganna að þrýsta þar á. Eigi að síður eru örugglega margir hlutir sem má bæta og er mikilvægt að það sé gert í samstarfi við samtök fatlaðra, Sjálfsbjörg. Væri gott að hafa vettvang til samráðs svo koma mætti í veg fyrir hluti eins og nú hafa komið upp, að fatlað fólk kemst ekki í sund í endurhæfingarlaug Heilbrigðisstofnunarinnar.
Varðandi búsetu þá eru fatlaðir fjölbreyttur hópur með mismunandi þarfir og því nauðsynlegt að tryggja úrræði sem henta sem best þörfum einstaklingsins. Við munum ekki beita okkur fyrir afsláttum af fasteignagjöldum enda teljum við að skattkerfi eigi að vera sem einfaldast og með sem fæstum undanþágum, hinsvegar teljum við að hægt sé að koma til móts við fólk eftir öðrum leiðum, t.d. einhverskonar húsnæðisstyrk.
NPA er enn sem komið er tilraunaverkefni en hugmyndafræði verkefnisins hugnast okkur vel enda teljum við að það sé réttur hvers og eins að fá það fólk til liðsinnis sem það þekkir og treystir og munum við styðja það að NPA verkefnið verði hluti af þjónustu við fatlaða.
Að lokum vil ég þakka Þuríði fyri góða áminningu til okkar sem bjóðum okkur fram til sveitastjórnar.
Gunnsteinn Björnsson
2. sæti lista Sjálfstæðisflokksins
Fleiri fréttir
-
Miðasalan hefst í dag
feykir.is Skagafjörður, Lokað efni 23.04.2025 kl. 15.00Leikfélag Sauðárkróks frumsýnir nú næskomandi sunnudag 27.apríl leikritið „Flæktur í netinu“ í leikstjórn Valgeirs Skagfjörð. Miðasala hefst í dag, miðvikudag á tix.is.Meira -
Faxi er kominn heim
feykir.is Skagafjörður 23.04.2025 kl. 14.22Að morgni dags 21. júlí 2023, sagði Feykir frá því að Faxi hafi tekið á flug á vit nýrra ævintýra. Næsti áfangastaður var Reykjavík þar sem hann var gerður sýningarhæfur og hafður á sýningu á Korpúlfsstöðum. Þegar þeirri sýningu lauk hélt hann til Þýskalands þar sem færa átti kappann í brons áður en hann kæmi aftur heim á Sauðárkrók.Meira -
Rafrænt Sjónhorn kom út í dag
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2025 kl. 13.52Vegna mikillar eftirspurnar var tekin ákvörðun um að gefa út rafrænt eintak af Sjónhorni fyrir Sjónhornþyrsta fólkið á svæðinu. Þetta blað fer því ekki inn um lúgurnar í pappírsformi - það verður einungis hægt að skoða það á netinu. Ástæðan fyrir því að ekki var hægt að gefa út prentað blað er sú að frídagar í þessari viku gerðu það að verkum að ekki var hægt að setja blaðið upp né dreifa því á tilsettum tíma.Meira -
Landsnet með opinn fund í Eyvindarstofu á Blönduósi miðvikudaginn 30. apríl kl. 16
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2025 kl. 11.39Þann 30. apríl nk. verður Landsnet með opinn fund í Eyvindarstofu á Blönduósi kl. 16:00 þar sem farið verður yfir og kynnt hvernig þau ætla að byggja upp öflugt, sveigjanlegt og sjálfbært flutningskerfi fyrir framtíðina. Þessi fundur er einn af átta sem Landsnet verður með í ferð sinni um landið þar sem þau ætla að ræða við fólk, svara spurningum og hlusta. Þetta er opið samtal og þú ert hluti af því.Meira -
Vorfagnaður í Árgarði
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2025 kl. 11.30Laugardaginn 26. apríl nk. kl 20:00 verður vorinu fagnað í Árgarði. Til stendur að borða saman kótilettur með tilheyrandi meðlæti. Tala, syngja og dansa saman inn í nóttina.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.