Í fótbolta er gaman
Það er óhætt að fullyrða að landinn sé heltekinn af fótboltahita þessa dagana en eins og allir vita er íslenska landsliðið á HM í Rússlandi og spila þar einmitt í dag sinn annan leik. Það verður líka nóg af fótbolta á Króknum um helgina en þá fer Landsbankamótið fram á íþróttasvæðinu á Sauðárkróki og nú fyrr í vikunni var samæfing yngri flokka Tindastóls, Smára og Neista á nýja gervigrasvellinum.
Samæfingin fór fram í sól og blíðu og þar voru að sjálfsögðu sýndir góðir taktar. Að æfingu lokinni voru síðan grillaðar pylsur við vallarhúsið. Jói Sigmars var á staðnum með myndavélina og tók þessar fínu myndir sem Feykir fékk góðfúslegt leyfi til að birta og reyndar má sjá enn fleiri myndir á FB-síðu stuðningsmanna knattspyrnudeildar Tindastóls.
Nú um helgina fer Landsbankamótið fram á Sauðárkróki en það er ætlað stúlkum í 6. flokki og heyrst hefur að það sé feykigóð þátttaka í ár. Leikið verður á 12 völlum á íþróttasvæðinu og þar af verða átta vellir á gervigrasinu og að sjálfsögðu verður kvöldvaka á laugardagskvöldinu þar sem Jón töframaður leikur við hvurn sinn fingur og þá verður Ingó (fyrrum Veðurguð) með gítarinn. Ef einhverjir fá ekki nóg af fótboltanum úti á völlunum þá er búið að koma fyrir HM-horni í íþróttahúsinu þar sem 250 gestir geta fylgst með leikjunum á stóru tjaldi.
Og fyrst minnst er á HM þá er kannski rétt að minna á – þó seint sé – að leikur Nígeríu og Íslands hefst kl. 15 í dag og þeir sem vilja horfa á leikinn utan heimilis ættu að geta fundið góðan stað fyrir sig og sína í Skagafirði því KK Restaurant og Grand-Inn sýna leikinn á Króknum, sömuleiðis Hótel Varmahlíð og Ketilás. Þó nokkrir vinnustaðir hafa ákveðið að loka í tilefni af þessum stórviðburði og nú er bara að hvetja strákana af krafti – áfram Ísland!
Fleiri fréttir
-
Verkfalli kennara frestað
feykir.is Skagafjörður, Lokað efni 29.11.2024 kl. 15.43Mbl.is segir frá því að verkföllum kennara hefur verið frestað út janúar í þeim tilgangi að gefa samninganefndum kennara, ríkis og sveitarfélaga vinnufrið í þeim kjaraviðræðum sem nú standa yfir. Deiluaðilar hafa skrifað undir samkomulag þess eðlis.Meira -
Kjósum öflugan leiðtoga | Frá stuðningsmönnum Ólafs Adolfssonar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 15.29Ólafur Adolfsson hefur allt til að bera sem þarf í hlutverk fyrsta þingmanns kjördæmisins. Djúpar rætur hans sem Snæfellings, landsþekkt forysta hans sem keppnismanns í íþróttum, farsæll, sigursæll og árangursríkur ferill sveitarstjórnarmanns á Akranesi og ekki síst óþreytandi barátta hans sem lyfsali á landsbyggðinni í baráttu við ofurefli.Meira -
Kuldatíðin setur strik í reikning sundlauganna á Hofsósi og Króknum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.11.2024 kl. 14.50Það er ekki laust við að frostíð bíti í dag og sökum kuldatíðar munu laugarkör sundlauganna á Sauðárkróki og Hofsósi verða lokuð tímabundið. Pottarnir verða hins vegar verða opnir samkvæmt opnunartíma.Meira -
Réttindabarátta sjávarbyggðanna | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 14.29Helsta forgangsmál Flokks fólksins er baráttan gegn fátækt. Flokkur fólksins berst fyrir að allir fái lifað mannsæmandi lífi. Lífsgæði eru ekki einkaréttur útvalinna! Það á einnig við um landsbyggðina og sjávarbyggðir.Meira -
Kjörstaðir á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.11.2024 kl. 14.00Á morgun laugardaginn 30.nóvember geta þeir sem hafa náð 18 ára aldri, eiga lögheimili á íslandi og íslenskir ríksi-borgarar kosið til Alþingis.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.