Hvammshlíðardagatal komið út - Þriðja dagatalið úr fjöllunum
Út er komið, þriðja árið í röð, dagatal Karólínu Elísabetardóttur í Hvammshlíð, þar sem dýrin á bænum fá að njóta sín á skemmtilegum ljósmyndum í bland við þjóðlegan fróðleik. Karólína segist hafa velt því mikið fyrir sér hvort hún ætti að halda áfram að gefa út dagatal en eftir nokkrar fyrirspurnir um mitt sumar varðandi „næsta dagatal“ ákvað hún að láta vaða. „Fróðleikur, sögur og skoðanir,“ er titill dagatalsins og innihaldið þar með að vissu leyti persónulegra, segir Karólína.
Auk upplýsinga og staðreynda birtir Karólína einnig nokkra pistlar þar sem hún segir skoðanir sína, m.a. um meintar tilviljanir, umdeildan lausagang búfjár og kindvænar rúningsaðferðir. Kaflarnir „Sauðalitur mánaðarins“ eru einnig nýjung og upplýsa lesendur, ekki einungis um svart, mógolsótt, svartbotnótt, flekkótt og margt fleira, heldur eru líka einn eða jafnvel fleiri fulltrúar litarins í Hvammshlíðarhjörðinni kynntir nánar.
„Eins og í fyrra fylgja áhugaverðar gamlar myndir sem henta efninu, jafnvel fleiri en 2020. En samt sem áður prýða dagatalið úrvals ljósmyndir úr hversdagslífi hundanna, kindanna og hrossanna,“ segir Karólína.
„Sem fyrr eru gömlu mánuðirnir, vetrar- og sumarvikur samkvæmt norræna tímatalinu, aukanætur og vetrarnætur ómissandi þáttur í nýju útgáfunni og allir helstu merkisdagar koma fram. Allur þessi fróðleikur, einnig úr eldri dagatölunum, ásamt gömlum íslenskum mælieiningum finnst í svokölluðum viðauka sem fylgir hverju eintaki.“
Dagatalið fæst í Skagfirðingabúð á Króknum, í Alþýðulist í Varmahlíð og hjá Líflandi á Blönduósi en fyrir brottflutta eru auk þess afhendingarstaðir í boði í Reykjavík, á Suðurlandi og á Egilsstöðum. Einnig er hægt að panta hjá Karólínu sjálfri í síma 865 8107 eða á Facebook. Stærð og gerð er líkt og í fyrra, 42 x 30 sm – eða jafnvel 42 x 60 sm ef dagatalið er hengt upp á efra blaðinu. Meira að segja verðið er eins og i fyrra, 3000 krónur," segir Karólína.
Fleiri fréttir
-
Verkfalli kennara frestað
feykir.is Skagafjörður, Lokað efni 29.11.2024 kl. 15.43Mbl.is segir frá því að verkföllum kennara hefur verið frestað út janúar í þeim tilgangi að gefa samninganefndum kennara, ríkis og sveitarfélaga vinnufrið í þeim kjaraviðræðum sem nú standa yfir. Deiluaðilar hafa skrifað undir samkomulag þess eðlis.Meira -
Kjósum öflugan leiðtoga | Frá stuðningsmönnum Ólafs Adolfssonar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 15.29Ólafur Adolfsson hefur allt til að bera sem þarf í hlutverk fyrsta þingmanns kjördæmisins. Djúpar rætur hans sem Snæfellings, landsþekkt forysta hans sem keppnismanns í íþróttum, farsæll, sigursæll og árangursríkur ferill sveitarstjórnarmanns á Akranesi og ekki síst óþreytandi barátta hans sem lyfsali á landsbyggðinni í baráttu við ofurefli.Meira -
Kuldatíðin setur strik í reikning sundlauganna á Hofsósi og Króknum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.11.2024 kl. 14.50Það er ekki laust við að frostíð bíti í dag og sökum kuldatíðar munu laugarkör sundlauganna á Sauðárkróki og Hofsósi verða lokuð tímabundið. Pottarnir verða hins vegar verða opnir samkvæmt opnunartíma.Meira -
Réttindabarátta sjávarbyggðanna | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 14.29Helsta forgangsmál Flokks fólksins er baráttan gegn fátækt. Flokkur fólksins berst fyrir að allir fái lifað mannsæmandi lífi. Lífsgæði eru ekki einkaréttur útvalinna! Það á einnig við um landsbyggðina og sjávarbyggðir.Meira -
Kjörstaðir á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.11.2024 kl. 14.00Á morgun laugardaginn 30.nóvember geta þeir sem hafa náð 18 ára aldri, eiga lögheimili á íslandi og íslenskir ríksi-borgarar kosið til Alþingis.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.