Húkkurinn með Blues Travellers enn í uppáhaldi / KRISTINN RÚNAR
Íbúar í Húnaþingi vestra upplifðu Covid-faraldurinn all harkalega á eigin skinni síðla vetrar eftir hópsmit og meðfylgjandi úrvinnslusóttkví þar sem aðeins einn af hverju heimili mátti fara út í einu. Tónlistaráhugafólk lét ekki deigan síga og myndbönd þar sem menn spiluðu saman á netinu, hver í sínu herbergi, fengu verðskuldaða athygli. Í þessum hópi tónlistarmanna var Kristinn Rúnar Víglundsson (1988) frá Dæli í Víðidal.
Kristinn Rúnar býr í Dæli og rekur þar ferðaþjónustu ásamt konu sinni og föður. Áhugi á tónlist er honum í blóð borinn. „Ég man að þegar ég var barn var alltaf mikil tónlist í kringum mig. Foreldrar mínir voru í kórum, systir mín var nú sú fyrsta til að vinna Söngvakeppni framhaldskólana fyrir FNV. Þetta er líka bara svo gaman!“ segir Kristinn en hann lærði á trommur en segist alltaf hafa séð eftir því að hafa ekki lært á gítar eða píanó.
Hann hefur unnið nokkrar söngvakeppnir, var með í uppfærslu á Hárinu í Húnaþingi vestra en sú sýning var valin áhugaverðasta áhugamannasýningin árið 2019. Þá var hann Jesús Kristur í Súperstar árið 2016 en að öðru leyti segist hann ekki hafa verið mikið að reyna að koma sér áfram í tónlistinni. Aðspurður um helstu afrekin á tónlistarsviðinu segir hann: „Já, seig þú mér... ég bara veit það ekki!“
Hvaða lag varstu að hlusta á? Lag með James Arthur.
Uppáhalds tónlistartímabil? Það er ekkert betra en annað…..hægt að finna gott í öllum.
Hvaða tónlist fær þig til að sperra eyrun þessa dagana? Þessa dagana hlusta ég mikið á upbeat remixis af nýlegum popplögum.
Hvers konar tónlist var hlustað á á þínu heimili? Queen, Cat Stevens, Coldplay, Korn. Það var ekkert eitt meira en annað.
Hver var fyrsta platan/diskurinn/kasettan/niðurhalið sem þú keyptir þér? Vann geisladisk með Tinu Turner í bingói í Víðihlíð. Var svo sem ekkert rosalega skemmtilegur.
Hvaða græjur varstu þá með? Man nú ekki hvaða merki eða neitt svoleiðis.
Hvert var fyrsta lagið sem þú manst eftir að hafa fílað í botn? Hook með Blues Travelers. Er ennþá í uppáhaldi.
Hvaða lag getur eyðilagt fyrir þér daginn? RING RING með Jax Jones...
Þú heldur dúndurpartí í kvöld, hvað læturðu hljóma í græjunum til að koma öllum í stuð? Íslenska sveitaballatónlist. Það klikkar aldrei.
Þú vaknar í rólegheitum á sunnudagsmorgni, hvað viltu helst heyra? Það fer eftir því hvernig laugardagskvöldið var. Ef ég fór snemma að sofa þá er það eithvað hressandi og skemmtilegt. Ef maður missir allt í spól þá er celine dione best þegar maður er lítill í sér.
Hvaða músík var helst blastað í bílnum þegar þú varst nýkominn með bílpróf? Þegar ég fekk bílpróf var ég með tvo 12” 1000w bassaleikara í skottinu og tónlistavalið var bara nógu mikil bassi ... en fékk fljótt nóg af því.
Hvaða tónlistarmaður hefur þig dreymt um að vera? Friðrik frá Merkigili ī Drotningunni er sá allra besti. Og sá söngvari sem ég væri til í að vera.
Hver er að þínu mati besta plata sem gefin hefur verið út? Það er engin ein sem stendur upp úr. En platan Senn kemur vor með Magnúsi Ásgeiri er mjög fín.
Sex vinsælustu lögin á Playlistanum þínum?
Good times / Mr. Belt and Wezol
This is me / Keala Stale
Leave á light on / Tom Walker
Lost in Japan / Shawn Mendes.
Human / Rag'n'Bone Man
Blinded Be Your Grace / Stormzy
Fleiri fréttir
-
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira -
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.