Hugleiðingar við lok kjörtímabils
Þegar líður að lokum kjörtímabils er gott að líta aðeins um öxl og meta hvernig til hefur tekist. Þegar við skoðum hvaða markmið við settum okkur í upphafi og horfum svo á hverju við höfum áorkað get ég sagt að ég er nokkuð sáttur við árangurinn. Auðvitað er ekki allt búið en við höfum komið býsna miklu í framkvæmd.
Við höfum þrátt fyrir miklar framkvæmdir og Covid, sem hefur haft töluverð áhrif á fjármál sveitarfélagsins, alltaf náð að skila ársreikning með afgangi og þar ber að þakka forstöðumönnum sveitarfélagsins fyrir þeirra miklu vinnu við að koma til móts við þær aðgerðir sem við urðum stundum að grípa til eins og t.d. lokanir í Covid og margt fleira.
Stærsta verkefnið er auðvitað viðbygging við grunn- og tónlistarskólann sem var nauðsynleg framkvæmd fyrir samfélagið allt.
Dæmi um önnur verkefni sem farið hefur verið í eru:
- Búið er að koma ljósleiðara á alla bæi í dreifbýli.
- Unnið er að endurnýjun á hitaveitu á Hvammstanga.
- Staðið hefur verið fyrir byggingu sex leiguíbúða við Lindarveg.
- Hafin er vinna við framtíðaraðstöðu íþrótta- og útivistarsvæðis í Kirkjuhvammi.
- Móttaka flóttamanna frá Sýrlandi.
- Öldungaráði komið á.
Auk þessara verkefna komst Vatnsnesvegur á samgönguáætlun. Við hefðum gjarnan viljað að það verkefni væri komið lengra en með dyggri aðstoð og samvinnu við íbúa við veginn er það nú samt þannig að á þessu ári og því næsta munu fara um 800 milljónir í Vatnsnesveg.
Allt að framantöldu eru verkefni sem hafa gert okkar góða samfélag enn betra. Ég er mjög stoltur af þessari sveitasjórn sem hefur verið mjög samheldin allt kjörtímabilið. Auðvitað höfum við ekki alltaf verið sammála en við höfum haft það fyrir vana að tala saman og virða skoðanir hvers annars. Það er ekki sjálfgefið eftir kosningar að meiri- og minnihluti ákveði að vinna saman að því að gera samfélagið betra og treysti hvor öðrum fyrir verkefnum. Auðvitað er það alltaf betra ef við getum unnið saman og nýtt styrkleika hvers sveitarstjórnarfulltrúa. Við megum þó ekki gleyma því að traust er ekki sjálfgefið og við verðum alltaf að vinna í því. Þannig kýs ég að vinna og vona að við náum að byggja upp þetta traust þegar búið verður að telja upp úr kjörkössunum þann 14. maí.
Þorleifur Karl Eggertsson
Skipar 1. sæti á B-lista Framsóknar og annarra framfarasinna í Húnaþingi vestra
Fleiri fréttir
-
Stóllinn, Stóllinn, Stóllinn, Tindastóll!
feykir.is Skagafjörður, Lokað efni 28.11.2024 kl. 16.38Nýr Stóll hefur litið dagsins ljós og var dreift í hús á Sauðárkróki í gær. Það er körfuknattleiksdeild Tindastóls sem gefur út en starfsfólk Nýprents safnar efni, útbýr viðtöl og hefur veg og vanda að uppsetningu og vinnslu. Það er síðan meistari Davíð Már sem annast myndatökur.Meira -
Vonast til að FabLab-aðstaða verði opnuð í byrjun næsta árs
feykir.is Vestur-Húnavatnssýsla, Mannlíf, Lokað efni 28.11.2024 kl. 14.23Opið samráð um samfélagsmiðstöð í Félagsheimilinu Hvammstanga er kynnt á heima-síðu Húnaþings vestra. Feykir forvitnaðist aðeins um málið hjá Unni Valborgu Hilmarsdóttur sveitarstjóra og þar á meðal hvaða þjónustu hún sjái fyrir sér að verði veitt í miðstöðinni.Meira -
Öflugur landbúnaður er lykill að kröftugri byggð
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 13.45Til að stuðla að farsæld og heilbrigðum vexti landbúnaðar og fæðutengdrar starfsemi þurfum við að hugsa fyrir framtíðinni í stærra samhengi en mér sýnist hafa verið gert hingað til. Opinber stuðningur skiptir augljóslega máli, en fleiri þurfa að leggja lóð sitt á vogaskálarnar.Meira -
Tækifærin í Norðvesturkjördæmi
feykir.is Skagafjörður, Austur-Húnavatnssýsla, Aðsendar greinar 28.11.2024 kl. 11.45Norðvesturkjördæmi er einstakt, þar sem stórbrotin náttúra, rík saga og menning mætast. Til að byggja upp öflugt samfélag og skapa jákvæðar framtíðarhorfur, verðum við að nýta þau tækifæri er hér felast. Við í Vinstri grænum leggjum áherslu á vel mannaða heilsugæslu, bættar samgöngur, fjölbreytta atvinnu og verndun náttúrunnar, því þannig leggjum við grunninn að öflugu samfélagi til langframa.Meira -
Ég vil vera sterkur málsvari fyrir ykkur
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 09.17Það er búið að vera óendanlega gefandi vegferð að ferðast um Norðvesturkjördæmi síðastliðnar vikur. Það hefur verið magnað að heimsækja ykkur mörg og fylgjast með uppgangi nýsköpunar, frumkvöðlastarfs og vaxtar í bland við sterka og rótgróna atvinnuv...Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.