Hlökkum til komandi tíma í stærra sveitarfélagi
Þann 18. apríl 2018 kom hópur fólks alls staðar úr sveitarfélaginu saman í framhéraði Skagafjarðar. Tilefni þessarar samkomu var að ræða komandi sveitarstjórnarkosningar og hvernig best væri að komast til áhrifa, því allir voru á sama máli að margt mætti betur fara í okkar sveitarfélagi. Mest var rætt um að styrkja þyrfti grunnþjónustu sveitarfélagsins og að tryggja jafna þjónustu um allt sveitarfélagið.
Skilvirk og gagnsæ stjórnsýsla var einnig eitt af umræðuefnum kvöldsins og hvernig hægt væri að virkja stjórnsýsluna með skilvirkni og gagnsæi er varðar hagsmuni íbúanna að leiðarljósi. Niðurstaða hópsins þetta kvöld var að bjóða fram nýtt afl til komandi sveitarstjórnarkosning 2018 og við tók skemmtileg en krefjandi kosningabarátta. Byggðalistinn hlaut 20,6% atkvæða og tvo menn inn í sveitarstjórn. Byggðalistinn samanstendur af ólíku fólki frá mismunandi svæðum innan Skagafjarðar. Það er einn af kostum Byggðalistans, því þannig teljum við okkur betur upplýst hverjar þarfir íbúa eru á hverjum stað fyrir sig.
Meðal þeirra framkvæmda sem okkur eru hugleikin eru til dæmis fyrirhugaðar framkvæmdir við Varmahlíðarskóla, aðgengismál við Félagsheimilið Bifröst, endurnýjun gatna í Varmahlíð, gatnagerð nýrra gatna á Sauðárkróki og Varmahlíð, endurbætur á leikskólalóð á Hólum og hönnun og jarðvegsvinna við íþróttahús á Hofsósi, svo fátt eitt sé nefnt. Verið er að bregðast við aukinni þörf á leikskólaplássum á Sauðárkróki, en þar þurfum við svo að halda áfram og huga að fjölgun til framtíðar. Fyrir þessum verkefnum höfum við talað, og það er ánægjulegt þegar samstaða ríkir innan sveitarstjórnar um svo mikilvæg málefni. Áhersla fulltrúa Byggðalistans hefur verið að styrkja stoðir grunn- og leikskóla bygginga um allt hérað. Við ætlum að halda áfram að koma fram af heillindum og færa rök fyrir okkar málum. Við erum stolt af okkar framlagi til sveitarfélagsins Skagafjarðar og hlökkum til komandi tíma í stærra sveitarfélagi.
/Byggðalistinn
Fleiri fréttir
-
Verkfalli kennara frestað
feykir.is Skagafjörður, Lokað efni 29.11.2024 kl. 15.43Mbl.is segir frá því að verkföllum kennara hefur verið frestað út janúar í þeim tilgangi að gefa samninganefndum kennara, ríkis og sveitarfélaga vinnufrið í þeim kjaraviðræðum sem nú standa yfir. Deiluaðilar hafa skrifað undir samkomulag þess eðlis.Meira -
Kjósum öflugan leiðtoga | Frá stuðningsmönnum Ólafs Adolfssonar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 15.29Ólafur Adolfsson hefur allt til að bera sem þarf í hlutverk fyrsta þingmanns kjördæmisins. Djúpar rætur hans sem Snæfellings, landsþekkt forysta hans sem keppnismanns í íþróttum, farsæll, sigursæll og árangursríkur ferill sveitarstjórnarmanns á Akranesi og ekki síst óþreytandi barátta hans sem lyfsali á landsbyggðinni í baráttu við ofurefli.Meira -
Kuldatíðin setur strik í reikning sundlauganna á Hofsósi og Króknum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.11.2024 kl. 14.50Það er ekki laust við að frostíð bíti í dag og sökum kuldatíðar munu laugarkör sundlauganna á Sauðárkróki og Hofsósi verða lokuð tímabundið. Pottarnir verða hins vegar verða opnir samkvæmt opnunartíma.Meira -
Réttindabarátta sjávarbyggðanna | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 14.29Helsta forgangsmál Flokks fólksins er baráttan gegn fátækt. Flokkur fólksins berst fyrir að allir fái lifað mannsæmandi lífi. Lífsgæði eru ekki einkaréttur útvalinna! Það á einnig við um landsbyggðina og sjávarbyggðir.Meira -
Kjörstaðir á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.11.2024 kl. 14.00Á morgun laugardaginn 30.nóvember geta þeir sem hafa náð 18 ára aldri, eiga lögheimili á íslandi og íslenskir ríksi-borgarar kosið til Alþingis.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.