Gul viðvörun í dag en Haustkálfar boða milt haust
Nú hefur Veðurklúbburinn á Dalbæ tekið aftur til starfa eftir sumarfrí og segir í skeyti til fjölmiðla að nýr starfsmaður hafi tekið við stjórn klúbbsins. Þá kemur einnig fram að með nýju fólki megi búast við breytingum og nýjungum. Jákvætt er að spáð er mildum október með suðlægum áttum.
Í fundargerð klúbbsins frá 5. okt. sl. segir:
„Núna 5. október hittust sjö félagar í Veðurklúbbi Dalbæjar eftir langt sumarfrí til að ráða ráðum sínum. Ekki var sérstaklega farið yfir veðrið undanfarið nema að því leyti að núna um miðjan september síðastliðinn komu svokallaðir Haustkálfar, en þeir boða frekar milt haust.
Enda kemur það heim og saman við draum eins félagans og tunglkomu þann 6. október að október verði mildur með suðlægum áttum, en þó mögulega með einhverri rigningu eða éljum sem stoppa samt stutt við í byggð.“
Með kveðjum frá Veðurklúbbnum á Dalbæ leynast að þessu sinni tvær skemmtilegar vísur:
Draumar geta veður vitað,
er væta öfgakennd.
En verst er þó með orðum litað
að búa þarna í Grend.
/B.J.
Næsta vísa er trúlega kveðin á Völlum í Svarfaðardal 13. september 1841 eftir því sem segir í Bréfi Jónasar til Brynjólfs Péturssonar 8. október 1841. (Sjá: Ritverk Jónasar Hallgrímssonar II. bindi. Bréf og dagbækur, bls. 111–112).
Veðrið er hvurki vont né gott,
varla kalt og ekki heitt,
það er hvurki þurrt né vott,
það er svo sem ekki neitt.
Gul viðvörun í dag
Annars er það að frétta af Veðurstofu Íslands að varað er vondu veðri víða á landinu í dag. Á Norðurlandi vestra er gul veðurviðvörun í gildi þar sem austan hvassviðri eða stormur ræður ríkjum og segir í spánni að búast megi við norðaustan 15-23 m/s með hviðum um 35 m/s og takmörkuðu skyggni vegna rigningar, einkum á fjallvegum og í vindstrengjum við fjöll, t.d. í Skagafirði. Getur verið varasamt fyrir ökutæki sem eru viðkvæm fyrir vindi og er fólk er hvatt til að ganga frá lausum munum.
Fleiri fréttir
-
Ég vil vera sterkur málsvari fyrir ykkur
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 09.17Það er búið að vera óendanlega gefandi vegferð að ferðast um Norðvesturkjördæmi síðastliðnar vikur. Það hefur verið magnað að heimsækja ykkur mörg og fylgjast með uppgangi nýsköpunar, frumkvöðlastarfs og vaxtar í bland við sterka og rótgróna atvinnuv...Meira -
Geymt en ekki gleymt | Leiðari 45. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 28.11.2024 kl. 08.02Það er búið að gjósa en nú á að kjósa. Já, það styttist í kjördag, hann er á laugardaginn ef það skyldi hafa farið fram hjá einhverjum, og nú verða allir sem vettlingi geta valdið að nýta atkvæðisréttinn.Meira -
Flokkur fólksins vill efla byggð um land allt! | Lilja Rafney Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 18.08Það er sameiginlegur hagur allra landsmanna að halda landinu öllu í byggð svo það gangi upp verður að tryggja aðgang íbúa að fjölbreyttri grunnþjónustu óháð búsetu og efnahaga. Það verður að tryggja að allir landsmenn sitji við sama borð og hafi jöfn tækifæri. Það er grundvöllur þess að öflugt og fjölbreytt atvinnulífi sé til staðar á landsbyggðunum og að fólk velji sér þar framtíðar búsetu.Meira -
Hefur Sjálfstæðisflokkurinn hækkað eða lækkað skatta? | Kristófer Már Maronsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 15.51Sjálfstæðisflokkurinn hefur verið í ríkisstjórn frá árinu 2013 og lagt áherslu á að lækka skatta og styrkja velferðarkerfið. Þó eru til stjórnmálamenn sem reyna að halda öðru fram.Meira -
Áfram Hvöt!
feykir.is Austur-Húnavatnssýsla, Íþróttir, Mannlíf, Lokað efni 27.11.2024 kl. 14.50Afmælishátíð Ungmennafélagsins Hvatar, sem haldin var í Íþróttamiðstöðinni á Blönduósi, gekk vonum framar. Skaut formaður félagsins, Grímur Rúnar Lárusson, að um 250-300 manns hafi mætt á fyrri skemmtunina sem var stíluð inn á yngri kynslóðina og svo 90-100 manns á formlegu dagskránni seinni partinn.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.