Haukur Skúlason hættur
Haukur Skúlason er hættur sem þjálfari meistaraflokks Tindastóls karla í fótbolta en greint var frá því í dag í hlaðvarpinu Ástríðan sem fjallar um neðri deildir Íslandsmóts karla. Atli Jónasson mun taka við Hauki út tímabilið en hann var áður aðstoðarþjálfari liðsins.
Óskar Smári Haraldsson, einn af þjálfurum meistaraflokks Tindastóls kvenna og leikmaður meistaraflokks karla var gestur hlaðvarpsins og hafði hann þetta um málið að segja þegar hann var spurður út í það.
„Sameiginleg ákvörðun stjórnar og Hauks já, hann er ekki lengur þjálfari. Það eru engin illindi hjá Hauk út í félagið, stjórnina eða neitt. Það sem ég veit af, þetta gerðist bara í gær, ég get alveg sagt ykkur það, það var bara tekinn fundur og talað um það hvað væri það besta fyrir félagið. Við erum í þeirri stöðu að við erum á leiðinni niður í fjórðu deild og fyrir mér að Tindastóll sé á leiðinni niður í fjórðu deild er bara hræðilegt."
Sunna Björk Atladóttir, formaður knattspyrnudeildar Tindastóls staðfesti þetta í samtali við Feyki.
"Ég get staðfest að Haukur Skúlason hefur stigið til hliðar sem þjálfari meistaraflokks karla og Atli Jónasson tekið við liðinu. Við þökkum Hauki fyrir vel unnin störf og óskum honum velfarnaðar í framtíðinni."
Lið Tindastóls hefur verið í miklu brasi í sumar og eru að berjast fyrir lífi sínu í þriðju deildinni en þeir sitja á botni deildarinnar með 14 stig þegar þrír leikir eru eftir af mótinu. Næsti leikur Tindastóls er útileikur gegn Sindra á Hornafirði og þar dugir ekkert nema sigur ef Stólarnir ætla að halda sér uppi í deildinni.
/SMH
Fleiri fréttir
-
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.