Hátíðahöld í tilefni sumardagsins fyrsta í 65. skipti á Hvammstanga
Í dag gekkst Lilla Páls, Ingibjörg Pálsdóttir fyrir hátíðahöldum á sumardaginn fyrsta á Hvammstanga í 65. sinn. Í upphafi blésu Lilla og fjórir aðrir vinir til þessara hátíðahalda til fjáröflunar fyrir gróðursetningu í Sjúkrahúsgarðinum en þau stofnuðu svokallað Fegrunarfélag til að koma því verkefni á koppinn. Sá garður er löngu orðinn dásamlegur unaðsreitur. Hátíðin hefur þróast í ýmsar áttir í gegnum tíðina en alltaf haldið sama kjarna í dagskránni þ.e. skrúðgöngu með Vetur konung og Sumardísina í fararbroddi. Vetur konumgur hefur síðan afhent Sumardísinni völdin. Þau hafa alla tíð verið klædd í búninga sem forvígiskonurnar saumuðu.
Sigurður Helgi Oddsson sonarsonur Lillu ávarpaði samkomuna fyrir hennar hönd og afkomenda þeirra Sigurðar Eiríkssonar. Greindi hann fá því að þetta yrði í síðasta skipti sem Lilla stæði fyrir þessum hátíðahöldum. Búningar sem væru orðnir lúnir yrðu nú teknir úr umferð og komið fyrir á einhverju góðu safni. Rakti hann í stórum dráttum þróun hátíðarinnar í þessi 65 ár en þar hafa eins og gefur að skilja margir komið að málum þó forvígismaðurinn væri alltaf sá sami.
Hátíðahöldin í dag voru óvenju glæsileg og ekki spillti blíðviðrið fyrir. Mikill fjöldi fólks tók þátt í hátíðinni sem að venju hófst með skrúðgöngu hring um bæinn með gamlan farmal í fararbroddi sem Gústi frá Mörk stýrði lipurlega. Staðnæmst var við Sjúkrahúsið þar sem sungið var fyrir heldra fólk svæðisins sem sólaði sig í góða verðrinu. Því næst var farið í Félagsheimilið þar sem valdaskiptin fóru fram og kór yngstu bekkja grunnskólans fluttu sumarlög. Sigurður Helgi ávarpaði síðan samkomuna eins og áður sagði og lék síðan undir á píanó, eins og honum einum er lagið, fyrir söngvara sem fluttu valdar söngperlur úr gamanóperunni Ástardrykknum sem sýnd er í Þjóðleikhúskjallaranum um þessar mundir. Á meðan gæddu gestir sér á heitu súkkulaði og öðrum drykkjum ásamt ilmandi vöfflum með sultu og rjóma og súkkulaðiköku. Á eftir voru spilaðir nokkrar umferðir í bingói með glæsilegum vinningum.
Já og öll þessi skemmtun var ókeypis fyrir gesti og gangandi, geri aðrir betur en Lilla Páls, afkomendur hennar og styrktaraðilar. 17. júní og jafnvel sjómannadagurinn eru víða aðal hátíðisdagarnir í hinum ýmsu bæjarfélögum. Ég fullyrði að sumardagurinn fyrsti er aðal hátíðin á Hvammstanga og sú hátíð sem ungviðið minnist með gleði enda hafa nær allir tekið þátt í henni á einn eða annan hátt.
Lilla Páls ég þakka þér innilega fyrir allt sem þú hefur gert fyrir okkur íbúa Húnaþings vestra til að við getum fagnað sumrinu og reyndar ótal margt annað sem ekki verður tíundað hér og veit að ég get svo mælt í orðastað margra samborgara þinna.
Ritað á saddan maga með glöðu sinni á sumardaginn fyrsta 2022
Guðmundur Haukur
Fleiri fréttir
-
Á sterka minningu um boltaleik með langafa sínum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 16.33Ólafur Adolfsson er oddviti Sjálfstæðisflokksins í Norðvestur kjördæmi. Ólafur er í sambandi með Margréti Birgisdóttur lyfjafræðingi og á hann tvö uppkomin börn, tvö barnabörn og tvö stjúpbörn. Ólafur er alinn upp í Ólafsvík og hefur auk þess átt heima um skemmri eða lengri tíma á Akranesi, í Reykjavík og á Sauðárkróki og er í dag með lögheimili á Akranesi. Hann er lyfjafræðingur og lyfsali, á og rekur fjórar lyfjabúðir sem eru staðsettar á Akranesi, í Borgarnesi, í Ólafsvík og í Vesturbæ Reykjavíkur.Meira -
Rætt við Grím Rúnar í tilefni 100 ára afmælishátíðar Hvatar á laugardaginn
feykir.is Austur-Húnavatnssýsla, Listir og menning, Lokað efni 21.11.2024 kl. 14.46Það stendur mikið til á Blönduósi nú á laugardaginn því þá fagnar Ungmennafélagið Hvöt 100 ára afmæli sínu með pompi og prakt. Það er því við hæfi að leggja nokkrar spurningar fyrir formann félagsins en það er Grímur Rúnar Lárusson. Grímur er innfæddur Blönduósingar og býr þar, er löglærður fulltrúi sýslumanns að aðalstarfi en í hjáverkum er hann sveitarstjórnarfulltrúi í Húnabyggð og formaður Umf. Hvatar.Meira -
Rótarýklúbburinn býður til ókeypis jólahlaðborðs í tíunda sinn
feykir.is Skagafjörður, Austur-Húnavatnssýsla, Lokað efni 21.11.2024 kl. 13.55Það styttist í aðventuna og í Skagafirði verða ljós tendruð á jólatrénu á Kirkjutorgi laugardaginn 30. nóvember. Sama dag standa Rótarýfélagar fyrir jólahlaðborði í íþróttahúsinu en þangað er öllum boðið og borða saman hangikjöt eða hamborgarhrygg og annað sem nauðsynlegt er. „Okkur Rótarýfélögum finnst þetta afskaplega gefandi, skemmtilegt og mikilvægt verkefni þar sem við sýnum í verki að við viljum láta gott af okkur leiða fyrir samfélagið,“ segir Ómar Bragi Stefánsson, forseti Rótarýklúbbs Sauðárkróks, í spjalli við Feyki.Meira -
Óvissa í kjölfar niðurstöðu héraðsdóms varðandi undanþágu frá samkeppnislögum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 11.28Héraðsdómur Reykjavíkur komst að þeirri niðurstöðu sl. mánudag að breytingar á búvörulögum, þar sem framleiðendafélögum var veitt undanþága frá ákvæðum samkeppnislaga, sem samþykktar voru á Alþingi í mars síðastliðnum, hefðu strítt gegn áskildum fjölda umræðna á Alþingi og hafi af þeim sökum ekki lagagildi. Eins og greint hefur verið frá þá keypti Kaupfélag Skagfirðinga í kjölfarið Kjarnafæði - Norðlenska og var langt komið með að kaupa B.Jensen í Eyjafirði.Meira -
Horfði á alþingisrásina eftir skóla
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 10.29María Rut Kristinsdóttir er oddviti Viðreisnar í Norðvestur kjördæmi. María er gift Ingileif Friðriksdóttur, eiga þær saman þrjú börn og einn hund. Búsettar í Reykjavík en alltaf með annan fótinn á Flateyri og Ísafirði. María hef starfað sem aðstoðarmaður formanns Viðreisnar síðan 2017 (með stuttu hléi).Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.