Halli hefur áhyggjur af vinum sínum í Rejseholdinu
Haraldur Gunnarsson á Víðigrundinni hafði samband við Feyki og hafði talsverðar áhyggjur af vinum sínum úr sjónvarpinu. Hann var í raun óðamála. -Ég bara verð að fá símanúmerið hjá henni þarna forsætisráðherra dana, Helle Thorning Schmidt. Þetta er spurning um líf og dauða, ef það er bara ekki orðið of seint nú þegar, sagði Halli pulsa.
Hvað er í gangi Halli? -Hvað er í gangi? Fylgistu ekkert með Rejseholdinu maður. Fisher og Johnny Olsen eru bara í stórhættu. Rokkaragengið er búið að klófesta þá.
Og hvað heldurðu að Helle Torning geti gert? -Hún verður bara umsvifalaust að reka ráðherrann þarna. Hann er bara að reyna að bjarga eigin skinni. Hann er sjálfur innvinklaður í morðið á þessari vændiskonu. Það verður að stöðva hann strax!
En eru þetta ekki bara sjónvarpsþættir Halli minn? -Ekki vera að bulla svona, hann er í ríkisstjórn Danmerkur þessi maður, þessi aumingi, það kemur fram í þáttunum. Hann kom upp um Fisher og fótboltamanninn þarna, Olsen. Hann var lengi í danska landsliðinu hann Olsen.
Jesper Olsen? -Neineinei, Johnny Olsen!
En Halli, ég get fullvissað þig um að það er bara allt uppspuni í þessum þáttum. -Nei, það er það ekki. Það stendur alltaf í lok þáttanna hvað þessi ógeð, þessir morðingjar og nauðgarar, fá langan dóm. Það stendur bara eins og stafur í bók í lok þáttanna. Og Fisher er til, ég er búinn að finna hann í dönsku símaskránni en hann bara svarar ekki. Sem er ekki skrítið því hann er lokaður inni í einhverri skemmu greyið maðurinn... já og Johnny með honum. Ég hef svo miklar áhyggjur af þessu, hvað verður eiginlega um Gaby og barnið ef Johnny verður drepinn?
Já það er nú það Halli. En ég er því miður ekki með símanúmerið hjá forsætisráðherra Dana. -Það kemur nú ekki á óvart, þið þessir aumingjar á fjölmiðlunum getið aldrei gert neitt rétt. Og nú er bara einn þáttur eftir og ég ætla ekki að láta drepa þessa vini mína án þess að reyna að bjarga þeim. Ég ætla að reyna að ná í einhvern. Það hlýtur einhver að geta hjálpað.
Fleiri fréttir
-
Miðflokkurinn opnar kosningaskrifstofu á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 15.49Miðflokkurinn opnar kosningaskrifstofu á Mælifelli ,Aðalgötu 7 Sauðarkroki, laugardaginn 23. nóvember kl. 20.00. Allir eru velkomnir.Meira -
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira -
Mynd Óskars Páls, Árnar þagna, sýnd í Króksbíó
feykir.is Skagafjörður, Listir og menning, Lokað efni 22.11.2024 kl. 09.00Óskar Páll Sveinsson ætlar að koma á heimaslóðir og bjóða Skagfirðingum í bíó. Næstkomandi mánudag kl. 20. sýnir hann í Sauðárkróksbíói heimildamyndina Árnar þagna sem fjallar um áhrif sjókvíaeldis á laxi á lífríki og afkomu fjölskyldna í sveitum Íslands og Noregs sem hafa byggt lífsafkomu sína á hlunnindum af sjálfbærum stangveiðum í margar kynslóðir.Meira -
Þjóðarsátt um landbúnað til framtíðar | Guðmundur Hrafn Arngrímsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 08.30Landbúnaður og matvælaframleiðsla er elsta athafnasemi íbúa landsins og önnur af mikilvægustu atvinnugreinum þjóðarinnar, ásamt sjávarútvegi. Landbúnaður er í senn undirstaða byggðar í landinu, gríðarlega mikilvægur fyrir fæðuöryggi þjóðarinnar og lífstíll þeirra sem hann stunda. Þess vegna er mikilvægt að um landbúnað og matvælaframleiðslu ríki þjóðarsátt.Meira -
Á sterka minningu um boltaleik með langafa sínum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 16.33Ólafur Adolfsson er oddviti Sjálfstæðisflokksins í Norðvestur kjördæmi. Ólafur er í sambandi með Margréti Birgisdóttur lyfjafræðingi og á hann tvö uppkomin börn, tvö barnabörn og tvö stjúpbörn. Ólafur er alinn upp í Ólafsvík og hefur auk þess átt heima um skemmri eða lengri tíma á Akranesi, í Reykjavík og á Sauðárkróki og er í dag með lögheimili á Akranesi. Hann er lyfjafræðingur og lyfsali, á og rekur fjórar lyfjabúðir sem eru staðsettar á Akranesi, í Borgarnesi, í Ólafsvík og í Vesturbæ Reykjavíkur.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.