Hálka og krap á þjóðvegi 1
Það hefur verið leiðinlegt veður á Norðurlandi síðasta sólarhringinn og rúmlega það. Þó má þó kannski segja að veðrið hafi ekki verið verra en spár gerðu ráð fyrir en Veðurstofan hafði sett á appelsínugula viðvörun sem átti að renna út um klukkan 18 í dag. Nú rennur sú appelsínugula út kl. 9 eða bara rétt í þessu og við tekur gul og vægari viðvörun sem dettur út um kl. 15 í dag.
Hitinn prílar löturhægt upp á við þegar líður á daginn og smám saman styttir upp. Þó mun regnið endast hvað lengst í Skagafirði þar sem ekki verður skrúfað fyrir fyrr en með kvöldinu. Það birtir svo til á morgun og spáð ágætu veðri á fimmtudag og föstudag en þá kólnar reyndar á ný og aðfaranótt laugardags er spáð allt að níu stiga frosti í innsveitum Skagafjarðar. Helgarspáin er svo ansi haustleg; norðanátt og hitinn í lægri kantinum.
Færð á vegum
Á Sauðárkróki hefur verið slydda en jörð er ekki hvít, snjórinn kannski niður í miðjar hlíðar í nágrenni Króksins. Þrátt fyrir að vart sé hundi út sigandi þá var sá fyrsti sem blaðamaður Feykis gekk framhjá þegar hann kom til vinnu í Kjarnanum í morgun léttklæddur og í stuttbuxum – að vísu ekki orginali. Kannski er veðrið bara hugarástand?
Allir helstu vegir á svæðinu eru færir nema hvað Lágheiði er merkt ófær á umferðarvef Vegagerðarinnar. Það er örugglega ekki marga sem físir í að fara Siglufjarðarveg í þessu veðri en vegurinn er greiðfær þrátt fyrir sudda og 16 metra á sekúndu. Krapi er á Vatnsskarði og Öxnadalsheiði og sömuleiðis á Þverárfjallsvegi sem var mokaður eða skafinn í morgun. Unnið er að því að hreinsa veginn um Blönduhlíð.
Hálkublettir eru á þjóðvegi 1 í Langadal og þá er hálka á Holtuvörðuheiði. Hitastig á þessum vegum er víðast hvar við frostmark eða jafnvel þar undir. Allir vegir í Vestur-Húnavatnssýslu eru merktir greiðfærir.
Það er því vissara fyrir ökumenn og aðra sem eru á ferðinni að fara að öllu með gát.
Fleiri fréttir
-
Samfylkingin og ég ... | Bryndís Kristín Williams Þráinsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 20.07Ég trúi því að Samfylkingin sé með gott plan og ætli að fylgja því eftir komist hún í ríkisstjórn. Samfylkingin sem slík gerir þó ekki marga hluti, heldur fólkið sem hefur ákveðið að starfa undir hennar hatti. Þessi hópur, undir forystu Kristrúnar Frostadóttur, hefur sett sér markmið um ýmsa málaflokka sem sjá má á heimasíðu flokksins. Skoðum örfá alvöru dæmi.Meira -
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira -
Þráði að verða ballettdansari
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 18.16Guðmundur Hrafn Arngrímsson er 51 árs, faðir fimm barna á aldrinum 6-26 ára. Er frá Seljanesi við Ingólfsfjörð og ólst upp í Bolungarvík. Guðmundur er oddviti Sósíalista í Norðvestur kjördæmi. Guðmundur hefur haldið heimili í Reykjavík og búið þar að mestu leyti frá því hann flutti heim úr námi árið 2007. Síðustu 15 árin hefur hann starfað við landslagshönnun, torf- og grjóthleðslur og fræðslu og kennslu í útinámi, samhliða því hef hann undanfarin þrjú ár verið for-maður Leigjendasamtakana.Meira -
Miðflokkurinn opnar kosningaskrifstofu á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 15.49Miðflokkurinn opnar kosningaskrifstofu á Mælifelli ,Aðalgötu 7 Sauðarkroki, laugardaginn 23. nóvember kl. 20.00. Allir eru velkomnir.Meira -
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.