Grunnskólinn á Hofsósi tekur við vörslu Minningarsjóðs Rakelar Pálmadóttur
Minningarsjóður Rakelar Pálmadóttur hefur verið afhentur Grunnskólanum á Hofsósi til eignar og fullra umráða en hann var stofnaður og verið undir stjórn fjölskyldu hennar allt frá stofnun. Rakel var nemandi við skólann en lést af slysförum aðeins níu ára gömul árið 1988.
Á heimasíðu skólans má lesa að sjóðurinn hafi í gegnum tíðina staðið þétt við bakið á skólanum og gefið fjölmarga hluti til hans, bæði til félagsstarfa nemenda og eins tæki til notkunar í kennslu. Rakelarhátíðin, sem reglulega hefur verið haldin í Höfðaborg er fjáröflunarskemmtun fyrir sjóðinn.
„Sjóðinn afhendum við án allra kvaða og er stjórnendum Grunnskólans heimilt að ráðstafa honum eins og þeir telja að hann nýtist skólanum sem best. Við viljum færa starfsfólki Grunnskólans, nemendum og forráðamönnum þeirra sem og öllum þeim fjölmörgu sem styrkt hafa sjóðinn, innilegar þakkir fyrir ómetanlegan stuðning og hlýhug sem þeir hafa sýnt sjóðnum allt frá stofnun hans vorið 1989.
Það hefur glatt okkur foreldra og systkini Rakelar hvað sjóðurinn hefur náð að styrkja starf Grunnskólans á Hofsósi og það er einlæg von okkar að fallega brosið hennar Rakelar litlu fylgi skólastarfinu á Hofsósi um ókomin ár,“ segir í tilkynningu foreldra og systkina Rakelar sem birtist í auglýsingaritinu Sjónhorninu í síðustu viku. Foreldrar Rakelar eru þau Kristín Bryndís Óladóttir og Sigurður Pálmi Rögnvaldsson.
Fleiri fréttir
-
Stóllinn, Stóllinn, Stóllinn, Tindastóll!
feykir.is Skagafjörður, Lokað efni 28.11.2024 kl. 16.38Nýr Stóll hefur litið dagsins ljós og var dreift í hús á Sauðárkróki í gær. Það er körfuknattleiksdeild Tindastóls sem gefur út en starfsfólk Nýprents safnar efni, útbýr viðtöl og hefur veg og vanda að uppsetningu og vinnslu. Það er síðan meistari Davíð Már sem annast myndatökur.Meira -
Vonast til að FabLab-aðstaða verði opnuð í byrjun næsta árs
feykir.is Vestur-Húnavatnssýsla, Mannlíf, Lokað efni 28.11.2024 kl. 14.23Opið samráð um samfélagsmiðstöð í Félagsheimilinu Hvammstanga er kynnt á heima-síðu Húnaþings vestra. Feykir forvitnaðist aðeins um málið hjá Unni Valborgu Hilmarsdóttur sveitarstjóra og þar á meðal hvaða þjónustu hún sjái fyrir sér að verði veitt í miðstöðinni.Meira -
Öflugur landbúnaður er lykill að kröftugri byggð
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 13.45Til að stuðla að farsæld og heilbrigðum vexti landbúnaðar og fæðutengdrar starfsemi þurfum við að hugsa fyrir framtíðinni í stærra samhengi en mér sýnist hafa verið gert hingað til. Opinber stuðningur skiptir augljóslega máli, en fleiri þurfa að leggja lóð sitt á vogaskálarnar.Meira -
Tækifærin í Norðvesturkjördæmi
feykir.is Skagafjörður, Austur-Húnavatnssýsla, Aðsendar greinar 28.11.2024 kl. 11.45Norðvesturkjördæmi er einstakt, þar sem stórbrotin náttúra, rík saga og menning mætast. Til að byggja upp öflugt samfélag og skapa jákvæðar framtíðarhorfur, verðum við að nýta þau tækifæri er hér felast. Við í Vinstri grænum leggjum áherslu á vel mannaða heilsugæslu, bættar samgöngur, fjölbreytta atvinnu og verndun náttúrunnar, því þannig leggjum við grunninn að öflugu samfélagi til langframa.Meira -
Ég vil vera sterkur málsvari fyrir ykkur
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 09.17Það er búið að vera óendanlega gefandi vegferð að ferðast um Norðvesturkjördæmi síðastliðnar vikur. Það hefur verið magnað að heimsækja ykkur mörg og fylgjast með uppgangi nýsköpunar, frumkvöðlastarfs og vaxtar í bland við sterka og rótgróna atvinnuv...Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.