Grillaður lambabógur og bananaís
„Við ætlum að hafa þetta óhefðbundið þar sem forréttir eru ekki mikið á borðum hjá okkur. Hins vegar bjóðum við aukalega uppá tvær sáraeinfaldar brauðuppskriftir og þar sem yngri sonurinn er með mjólkur- og sojaofnæmi er tekið tillit til þess í uppskriftunum en auðvitað má setja venjulega kúamjólk í staðinn. Eins má skipta öllu mjöli út fyrir glúteinfrítt mjöl í sömu hlutföllum,“ sögðu Dagný Rósa Úlfarsdóttir og Björn Björnsson á Ytra-Hóli 1 í Skagabyggð í 23. tbl. Feykis árið 2016. Dagný starfar sem kennari við Höfðaskóla á Skagaströnd og Björn er sauðfjárbóndi og kjötmatsmaður hjá SAH á Blönduósi.
Aðalréttur
Grillaður lambabógur með grænmeti
2 lambabógar
ólívuolía
1 stór sæt kartafla
Best á nautið (krydd)
paprikukrydd
salt og pipar
Aðferð:
Tveir lambabógar hreinsaðir og kryddaðir með blöndu af olíu (ólífu- eða Isio4), Best á nautið, svörtum pipar og salti. Þeim pakkað inn í álpappír og grillaðir í 60-70 mín. Þeim snúið u.þ.b. 4 sinnum á grilltímanum.
Á meðan þeir grillast er ein stór sæt kartafla skorin í um 0,5 cm þykkar sneiðar. Síðan eru sneiðarnar grillaðar á báðum hliðum, það tekur um 10 mínútur og mikilvægt er að pensla þær með olíu. Krydda þær svo með paprikukryddi, svörtum pipar og salti.
Borið fram með góðu salati og kaldri sósu (flestar sósurnar frá Matur og Mörk eru soja- og mjólkurlausar).
Eftirréttur
Bananaís
4 vel þroskaðir bananar
mjólk að eigin vali
suðusúkkulaði
Aðferð:
Þessi þarfnast smáundirbúnings og matvinnsluvél eða góður blandari er nauðsyn.
4 vel þroskaðir bananar skornir í bita og lausfrystir. Þegar þeir eru tilbúnir er þeim skellt í marvinnsluvélina og hún sett af stað. Vökvi að eigin vali (mjólk, möndlumjólk, hrísmjólk) er settur saman við smátt og smátt. Ég nota möndlumjólk. Eftir 1-2 mínútur fara bananabitarnir að breyta um áferð og verða silkimjúkir. Passa að setja ekki of mikinn vökva í einu. Þegar blandan er orðin ásættanleg er hægt að bæta t.d. söxuðu suðusúkkulaði í og hræra þá með sleif. Blandan sett í box og fryst í um 30 mínútur. Borið fram með t.d. jarðarberjum, hindberjum og súkkulaðisósu.
Brauðuppskrift I
Kryddbrauð
6 dl gróft og fínt speltmjöl
6 dl haframjöl
2 dl sukringold (eða venjulegur púðursykur)
3 tsk matarsódi
2 tsk kanill
2 tsk negull
2 tsk engifer
2 tsk kardimommudropar
6 dl möndlumjólk
Aðferð:
Öllu blandað saman og sett í tvö miðlungsstór, smurð kökuform. Baka í um 30 mínútur á 180° og blæstri.
Brauðuppskrift II
Hrökkbrauð
1 dl sólblómafræ
1 dl hörfræ
1 dl graskersfræ
1 dl sesamfræ
1 dl gróft haframjöl
3,5 dl gróft speltmjöl
1,25 dl olía (td. Isio4)
2 dl vatn
íslenskt sjávarsalt
Aðferð:
Öllu nema salti er blandað vel saman þar til blandan lítur út eins og hafragrautur. Þá er henni skipt á 2 pappírsarkir á bökunarplötur, pappír settur yfir og rúllað út með kökukefli. Skorið í hæfilega bita og salti stráð ríkulega yfir. Einnig er gott að setja rifinn ost (venjulegan eða Violife) og hvítlaukssalt yfir. Bakað í u.þ.b. 15 mínútur á blæstri við 200°. Geymist best í þéttu boxi.
Verði ykkur að góðu!
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.