Grafnar rjúpnabringur, skarfabringur og ís
Nú eru það Stefán Sveinsson og Hafdís Hrund Ásgeirsdóttir á Skagaströnd sem bjóða okkur upp á sérdeilis góðar villibráðauppskriftir og heimalagaðan ís í eftirrétt. Þau voru matgæðingar Feykis fyrir þremur árum og skoruðu á Aðalheiði Sif Árnadóttur, pylsusala og íþróttafrík og Róbert Frey Gunnarsson lögregluþjón að verða næstu matgæðingar ú Húnavatnssýslu.
FORRÉTTUR
Nú þegar rjúpnaveiðar ganga vel og mikið er til af rjúpu er tilvalið að grafa rjúpnabringurnar og nota þær í forrétt.
(Afganginn af rjúpunum má nota í sósu eða súpu.) Fyrst er gerð góð kryddblanda og í hana þarf:
- 1/2 dl salt
- 1/2 dl sykur
- 1/2 msk grófmulin græn piparkorn
- 1 msk grófmulin svört piparkorn
- 1 tsk hvítlauksduft
- 8 mulin einiber
- 1 tsk timian
- 1 dl fínsöxuð fersk steinselja
- 1 dl saxað ferskt dill
- 1) Blandið þessu öllu vel saman. skerið bringurnar úr rjúpunum og þerrið þær með hreinum klút.
- 2) Hyljið bringurnar í kryddblöndunni. Þessi skammtur ætti að duga fyrir 500 gr af rjúpnabringum.Gott er að setja bringurnar í glerkrukku með loki eða eitthvað fat sem er hægt er að loka.
- 3) Krukkan (fatið) með bringunum er sett inn í ísskáp. Bringurnar eru látnar liggja í þessari blöndu í sólarhring. Þeim er snúið tvisvar.
Þegar bringurnar eru bornar á borð eru þær skornar í örþunnar sneiðar á ská yfir vöðvann með þessum bragðmikla og góða forrétti er gott að hafa maltbrauð og setja á það íslenskt smjör eggjahræru og rifsberjasultu. Ef menn vilja geyma bringurnar þá er bara að skafa það mesta af kryddblönduni af pakka vel inn og geyma inn í ísskáp
AÐALRÉTTUR
LÉTTSTEIKTAR SKARFABRINGUR
- Bringur af 3 skörfum
- Salt og pipar
- 2 msk. olía
- blönduð ber
SÓSA
- 5 dl. sjófuglasoð en notið maltöl í stað vatns
- 1-2 msk. rifsberjahlaup
- 30 gr. smjör
- 30 gr. hveiti
- 3 dl. rjómi
- Salt og pipar
Hitið soðið og hrærið rifsberjahlaupið saman við. Bræðið smjörið og hrærið hveitið saman við. Notið síðan dálítið af smjörblöndunni til að þykkja sósuna. Sjóðið sósuna í ca 10 mín. bætið þá rjómanum við og sjóðið í 3 mín. í viðbót. Kryddið með salti og pipar ef með þarf.
Hitið ofninn í 180. Úrbeinið skarfabringurnar og kryddið þær með salti og pipar. Hitið olíuna á pönnu og brúnið þær í um 1 mín. hvorum megin. Setjið bringurnar svo í ofninn í 6-8 mín. Takið bringurnar úr ofninum látið standa í 1-2 mín. skerið svo bringurnar þversum í þunnar sneiðar. Hitið á meðan sósuna á pönnuni sem bringurnar voru steiktar á. Raðið síðan sneiðunum á 4 diska, hellið sósunni í kring og skreytið með berjum. Þetta má svo bera fram með bökuðum kartöflubátum, og waldorf salati.
Eftirréttur
Heimalagaður ís með jarðaberjum
- 6. egg
- 6. msk.sykur
- 1. peli rjómi
- 100 g Síríus rjómasúkkulaði
- 1. askja jarðaber
Þeytið eggin og sykurinn í hrærivél á miklum hraða svo úr verði freyðandi blanda. Setjið í skál. Þeytið rjómann vel og blandið honum saman við eggjahræruna. Blandið mjög vel og hellið síðan í tvö álform sem eru svona eins og sandkaka í laginu.Setjið í frystir fram að notkun.Bræðið súkkulaðið yfir vatnsbaði, setjið ísinn í skálar, hellið súkkulaðinu yfir og dreifið jarðaberjum með.
Verði ykkur að góðu!
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.