Gottveður.is er vísir að nýjum vef Veðurstofunnar
Áhugafólk um veður og veðurspár ætti að vera kátt með nýja vefsíðu Veðurstofunnar – gottvedur.is – sem tekin var í notkun í gær. Í raun er um að ræða fyrsta hluta af nýjum vef Veðurstofunnar en vefurinn er enn í þróun og mun færast undir vedur.is þegar endurnýjun á núverandi vef lýkur. Reikna má með að íbúar í þéttbýli fagni því að veðri í helstu bæjum og þéttbýliskjörnum landsins er gert hátt undir höfði á nýja vefnum.
Einhverjum gæti þótt skondið að vefurinn sé á slóðinni gottveður.is í ljósi þess að fólki finnst nú frekar lítið um gott veður almennt, það skortir í það minnsta ekki veðurviðvaranir síðustu misserin.
Fram kemur í tilkynningu á vedur.is að í þessum fyrsta áfanga sé lögð áhersla á upplýsingar sem flestir sækja daglega, en það eru veðurspár fyrir tiltekinn stað. Fyrir utan bætta framsetningu á staðarspám hefur stöðum sem hægt er að fletta upp til að fá veðurspá verið fjölgað verulega og smám saman mun þeim stöðum fjölga enn frekar.
„Núverandi vefur hefur þjónað okkur dyggilega í næstum 20 ár,“ segir Hildigunnur H.H. Thorsteinsson forstjóri Veðurstofu Íslands og því sannarlega um tímamót að ræða. „Það að vefurinn hafi dugað nánast óbreyttur þetta lengi er til marks um gæði hans á sínum tíma, en engu að síður vorum við komin í tækniskuld með vefinn og upplýsingatækniumhverfið sem tengist honum,“ segir hún og bætir við að það sem tekkið hafi verið í notkun núna sé toppurinn á ísjakanum í algjörri endurnýjun á vefumhverfinu. „Mestu breytingarnar sem notendur taka sennilega eftir er að það er miklu betra að nota nýja vefinn í farsíma“, segir Hildigunnur.
Nánar má lesa um nýja vefinn á vedur.is >
Fleiri fréttir
-
Fuglainflúensa greindist í ref í Skagafirði
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 04.02.2025 kl. 12.02Þann 30. janúar bárust Matvælastofnun niðurstöður rannsókna Tilraunastöðvar HÍ að Keldum á sýnum sem tekin voru úr ref sem aflífaður var í Skagafirði. Íbúi sá refinn og tók eftir að hann var augljóslega veikur; mjög slappur, hreyfði sig lítið og var valtur á fótunum. Tilkynnt var um refinn til Matvælastofnunar, reyndar refaskyttur voru fengnar til að aflífa hann, hræið sent til rannsókna á Keldum og greindist hann með fuglainflúensu af gerðinni H5N5. Í ljósi þessa vill Matvælastofnun biðja fólk að vera vakandi fyrir sjúkdómseinkennum eða óeðlilegri hegðun í refum og senda stofnuninni tilkynningu ef það verður vart við veika eða dauða refi.Meira -
Ásta Ólöf heldur áfram að láta gott af mér leiða
feykir.is Skagafjörður 04.02.2025 kl. 11.25Ásta Ólöf sem nýverið var valinn Maður ársins á Norðurlandi vestra heldur áfram að láta gott af sér leiða. Þetta kemur fram Facebooksíðu Skagafjarðar.Meira -
Verkefni lögreglunnar á Norðurlandi vestra fjölbreytt í janúar
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 04.02.2025 kl. 11.24Á heimasíðu Lögreglunnar á Norðurlandi vestra segir að alls voru á fimmta hundrað mál skráð hjá embættinu í janúarmánuði og eru verkefni lögreglunnar á landsbyggðinni oft æði fjölbreytt, allt frá því að flagga íslenska fánanum á nýársdag að því að leita að týndu barni.Meira -
Tveir sérar ráðnir í afleysingu
feykir.is Skagafjörður, Austur-Húnavatnssýsla 04.02.2025 kl. 10.55Liðsauki í Skagafjarðarprestakall annars vegar og Húnavatnsprestakall hins vegar. Gengið hefur verið frá ráðningu tveggja presta til afleysingaþjónustu í prestaköllunum frá byrjun febrúar og næstu mánuði.Meira -
Sexan stuttmyndakeppni fyrir nemendur í 7. bekk er hafin
feykir.is Skagafjörður, Austur-Húnavatnssýsla, Vestur-Húnavatnssýsla 04.02.2025 kl. 10.54Í gær, 3. febrúar, var opnað fyrir innsendingar í Sexuna, stuttmyndakeppni fyrir nemendur í 7. bekk í grunnskólum landsins. Sexan er forvarnar- og fræðsluverkefni breiðrar fylkingar samstarfsaðila sem láta sig heilsu og velferð ungmenna varða: Neyðarlínan, Reykjavíkurborg, Samband íslenskra sveitarfélaga, Jafnréttisstofa, Barna- og fjölskyldustofa, Heilsueflandi grunnskóli, Fjölmiðlanefnd, Samskiptafulltrúi íþrótta- og æskulýðsstarfs, Barnaheill, Ríkislögreglustjóri, Miðstöð mennta- og skólaþróunar og RÚV.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.